Pilar Fernández Pardo aconceyó con miembros del asturianismu cultural y políticu pa presentar les sos propuestes pa la llingua asturiana

Redacción.

El sábadu pasáu, la candidata a l’alcaldía del PP, Pilar Fernández Pardo y los candidatos Luis Grego, Manuel Pecharromán, Pedro Muñiz, Diego Comins y Humberto González presentaron les propuestes del Partíu Popular de Xixón pa la normalización llingüística. Al actu acudieron profesores de llingua asturiana, investigadores etnográficos, miembros del Circulu Lliberal Asturianu, empresarios y persones venceyaes al asturianismu cultural y políticu.

Nel actu, nel que tuvieron l’academicu y direutor d’escuela Urbano Rodríguez, l’investigador etnográficu Fernando Ornosa el profesor Xose María García “Llábana”, la escritora Aurora García Rivas, la secretaria d’Arribada Mayte González, Xose Daniel Rodríguez Arias del Coleutivu Manuel Fernández de Castro, Xabel de Cea y Arturu Xose Bermeyu de l’Asociación N’ast y d’Andecha Astur ente otros, sirvió pa dar a conocer los planes en materia llingüística del PP en Xixón, que xiren alredor de tres puntos básicos: La “redacción y aprobación d’unes ordenances municipales pal usu de la llingua”, la “potenciación de la Oficina Municipal de la Llingua” y “la realización d’un Plan Municipal de Política Llingüística”.

La xestión d’estos proyeutos, según la candidata, diba ser ser, si se diere’l casu de la victoria de los populares, “responsabilidá d’Humberto González dende’l cargu correspondiente”. González ye escritor en llingua asturiana, xestor cultural y ún de los candidatos de la llista del PP de Xixón. Los asistentes plategaron el tema de la oficialidá, que Pardo allugó “nel escenariu de la reforma del Estatutu d’Autonomía”.

Midíes de normalización propuestes pol PP de Xixón