Portada Sociedá Nuevu númberu de la revista de llingüística asturlleonesa ‘El Llumbreiru’

Nuevu númberu de la revista de llingüística asturlleonesa ‘El Llumbreiru’

by asturnet

Redacción.

L’Asociación Cultura Zamorana ‘Furmientu’, que trabaya pola recuperación del patrimoniu oral de la provincia de Zamora ta acabante d’asoleyar el númberu 10 de la so revista de llingüística asturlleonesa, el que correspuende a los meses de xunetu, agostu y setiembre. La revista recueye testos d’estudiu y lliterarios sobre la fala asturiana de Zamora.

Nesti númberu la revista recueye una sección de noticies onde esponen novedaes como l’apaición d’un estudiu na revista ‘Lletres Asturianes’ sobre la fala de Zamora o l’apadrinamientu de pallabres del tueru asturlleones pol presidente Zapatero. Amás, convoquen el segundu concursu de vocabularios tradicionales.

La revista inclúi los estudios ‘Toponimia zamorana: ¿Yagona o Llagona?’ de Severino Alonso, ‘La conjunción ‘ia’ en Hermisende’ d’Alfredo Hernández y na parte lliteraria testos de Juan Andres Oria. La revista pue descargase en PDF n’internet o pidise escontra rembolsu.

Lleer ‘El Llumbreiru’

Tamién te podria gustar