Sociedá Llangréu entama una campaña de normalización empobinada a les y los más nuevos by asturnet 16 de xineru, 2007 El Serviciu de Normalización Llingüística de Llangréu acaba d’asoleyar una campaña de promoción del asturianu denominada “Afayáivos en Casa”. La campaña busca que l’Ayuntamientu llangreán seya’l primeru en felicitar a les nueves mas y pas de rapacinos del conceyu, usando l’asturianu como llingua vehicular de la felicitación. Asina mesmo na felicitación incluiráse un tesu venceyáu a la educación en valores de tolerancia y respetu. Los matriales que se van distribuyir son un cartafueyu con propuestes de nomes pa neñes y neños n’asturianu, un baberu, una pegatina pal coche, un mididor de paré, un calendariu-guía onde espliquen la medra de los rapacionos de los 0 a los 18 meses. Los matriales unviaránse a les cases de les y los recién nacíos y al Hospital Valle del Nalón 16 de xineru, 2007 0 FacebookTwitterPinterestEmail
Sociedá Presentóse la guía “Asturias. Destino Confidencial”. by asturnet 16 de xineru, 2007 La guía “Asturias. Destino Confidencial” ta fecha pol poeta y escritor Xuan Santori xunta al fotógrafu Arnaud Spani. Presenta una recompilación d’informaciones proporcionaes por técnicos de turismu independiente. Dientro de la mesma aparecen reseñes de más de 300 establecimientos turísticos del país. 16 de xineru, 2007 0 FacebookTwitterPinterestEmail
Sociedá Fina’l plazu pa participar nos Concursos de l’Academia de la Llingua by asturnet 14 de xineru, 2007 La convocatoria de los concursos de l’Academia de la Llingua Asturiana concluye’l prósimu día 15 de xineru. La edición de 2007 d’estos concursos incluye les categoríes de Concursos d’Investigación, llectures pa rapazos, creación lliteraria “Premiu Llorienzu Novo Mier”, recoyida de material lliterario oral, concursu de teatru, concursu de recoyida de material lliterario escrito “Premiu Federico G.-Fierro Botas”, concursu de curtios cinematográficos. La categoria de Concursos d’Investigación tien convocaos cuatro premios. El primer d’ellos ye la recoyida de material toponímicu, ensin asoleyar, qu’abarque la totalidá d’una parroquia, conxuntu de parroquies o Conceyu. Habrá un premiu d’Investigación llingüística, ensin asoleyar, que tenga aspectos llingüísticos o sociollingüísticos d’Asturies como oxetu del estudiu. Un premiu pa la recoyida oral de léxicu asturianu ensin asoleyar. Y un premiu pa un trabayu d’investigación sobre la lliteratura asturiana. El premiu “Llorienzu Novo Mier” tien por enfotu la creación lliteraria, en prosa, n’asturianu. El Concursu empobináu pa les llectures pa rapazos tien por oxetu algamar una bona lliteratura pa les xeneraciones más nueves. El Concursu de recoyida material lliterario oral enfótase na realización d’un trabayu d’investigación que recueya la lliteratura non escrita. El Premiu “Federico G.-Fierro Botas”, de recoyida de material lliterario escrito, premia los trabayos de recompilación d’escritos n’asturianu enantes de 1970. El Concursu de Teatru y el Concursu de Curtios Cinematográficos complementen la edición de 2007 d’estos Concursos de l’Academia, cola fin de difundir la llingua asturiana nos sos má estremaos ámbitos. Los trabayos ganadores de cauna de les categoríes recibirán un premiu de 600, cola escepción del Concursu de Curtios que recibirá 1.200. Les decisiones del Xuráu van facese públiques nel Lletres Asturianes. Academia de la Llingua Asturiana 14 de xineru, 2007 0 FacebookTwitterPinterestEmail
Sociedá Pedro Pereira actuará’l sábadu na entrega de los Premios Andres Solar 2007 by asturnet 14 de xineru, 2007 El cantautor Pedro Pereira va actuar el sábadu que vien nel actu dentrega de los XXII Premios Andrés Solar que va entamar a les 19,30 d’esi sábadu 20 de xineru, nel Salón dActos del Antiguu Institutu Xovellanos de Xixón. Sigún asoleya esti día la Xunta Pola Defensa de la Llingua na so páxina web, el cantautor Pedro Pereiro va ser l’atracción principal de la entrega esti añu al grupu musical Felpeyu del l Pegoyu en representación del ámbitu de la música nasturianu, mentantu que la versión negativa destos premios, el Madreñazu, foi a parar nesta edición al presidente Vicente Álvarez Areces. Na ceremonia va haber amás de la entrega mesmamente dicha un espaciu pa la música en directu que sedrá onde s’enxerte l’actuación del cantautor Pedru Pereira. Como ye vezu, nacabando la entrega de premios, la Xunta tien entamada una espicha na sidrería El Candasu na cai Sierra del Sueve. Papuntase a la espicha pue contactase nel corréu info@exunta.org o nel teléfonu 687 830 702. La xunta concede los Premios Andrés Solar a Felpeyu y Vicente Alvarez Areces 14 de xineru, 2007 0 FacebookTwitterPinterestEmail
Sociedá L.lena entama una campaña de promoción del asturianu na hostelería by asturnet 12 de xineru, 2007 El Serviciciu de Normalización Llingüística de L.lena entamó una campaña empobinada a la promoción del usu del asturianu nel sector de la hostelería. La iniciativa consite na edición y distribución, pelos establecimientos del sector, de más de 10.000 materiales énte rótulos, carteles y manteles de papel. La edición d’estos materiales tien l’obxetivu d’afitar l’usu del asturianu y frenar el retrocesu al que se ve afectáu. Los materiales tán adaptaos a la variante llingüística del conceyu de L.lena. La campaña cuenta col sofitu, amás del Ayuntamientu del que depende’l Serviciu de Normalización de L.lena, de la Rede de Servicios de Normalización Llingüística y de l’asociación municipal d’hosteleros de L.lena (Asholena). El presupuestu de la campaña normalizadora ye de 4.000 qu’aporten les subvenciones pa la difusión y fomentu del asturianu qu’añalmente concede la Conseyería de Cultura. La campaña de normalización faese nel ámbitu de la hostelería por ser esti un de los entornos más importantes nes relaciones de la ciudadanía. Poro ye afayadizo poner los preseos necesarios al serviciu de la ciudadanía pa dignificar l’usu del idioma, asina como pa conservar el vocabulariu asturianu. Los materiales que se van entamar a distribuyir son Manteles individuales, con una riestra pallabres venceyaes a la comida Pegatines cola marca de calidá de la campaña, pa la identificación de los establecimientos collaboradores cola campaña de normalización. Rótulos d’abierto/peslláo, homes, muyeres, teléfonu, privao y acutao. La campaña desendólcase conxuntamente col restu de conceyos de la Rede de Servicios de Normalización Llingüística. 12 de xineru, 2007 0 FacebookTwitterPinterestEmail
Sociedá Izquierda Asturiana de Mieres pide igües nos locales d’ensayu de La Rebaldana by asturnet 12 de xineru, 2007 L’agrupación de Mieres d’Izquierda Asturiana alerta sobre la situación de los locales d’ensayu de La Rebaldana y de la falta de política municipal. L’agrupación d’Izquierda Asturiana responsabiliza de los robos a la dexación del gobiernu municipal. Faustino Zapico fizo un llamáu a la movilización xuvenil contra la política muncipal. Dalgunos de los grupos qu’ensayaben nos mesmos sofrieron robos nos últimos meses. Faustino Zapico, portavoz municipal d’IAS en Mieres, afirmó que “estos robos son una consecuencia del abandonu nel que s’alcuentren los músicos en Mieres”. Pa Zapico “la situación de los locales de La Rebaldana nun pue siguir asina; falta protección énte los repetíos asaltos; son urxentes obres qu’igüen los locales y ye necesario una meyora na xestión d’estos recursos”. Asina mesmo Zapico reclamó otra instalación nel cascu urbanu de Mieres del Camín. Pal portavoz d’Izquierda Asturiana nin PSOE nin Izquierda Xunida “comprenden lo más mínimos a la mocedá, y lo que ye peor, nun ficieron una política na que l’obxetivu seya la mocedá”. Argumentando qu’una preba d’esto ye la situación denunciada pola agrupación municipal del partíu d’izquierda. 12 de xineru, 2007 0 FacebookTwitterPinterestEmail
Sociedá N’ast denuncia los intentos d’anexón gallegos sobre’l territoriu eonaviegu by asturnet 12 de xineru, 2007 L’asociación cultural N’AST pronuncióse sobre les declaraciones de miembros del Bloque Nacionalista Galego nes que s’afalaba a la introducción de clases de gallego na fastera eonaviega. Pa esta asociación les intenciones del BNg son les de segregar una parte d’Asturies, formando estes propuestes parte d’un plan de galleguización del occidente del país. Dende esta asociación cultural amuésase’l descontentu pola “pasividá cómpliza del gobiernu ya instituciones asturies que nun tienen voluntá de torgar los vergoñosos intentos espansionistes gallegos” 12 de xineru, 2007 0 FacebookTwitterPinterestEmail
Sociedá Conferencia sobre l’Antigüedá tardía n’Uviéu by asturnet 11 de xineru, 2007 L’asociaciación Tribuna Ciudadana, entama’l 12 de xineru una conferencia titulada “Antigüedá tardía. Una transición énte dos cultures” por Carmen Cordoñer Merino, catedrática de Filoloxía llatina de la Universidá de Salamanca. La conferencia fadráse nel Club de Prensa Asturiana d’Uviéu. Carmen Cordoñer Merino ye especialista nos periodos compredíos ente’l sieglu I y la llegada del Renacimientu. Tien publicaes delles ediciones crítiques de testos serondos, acompañaos de la so traducción, ente los que destaquen los sos trabayos sobre Séneca y Tácito. Carmen Cordoñer Merino 11 de xineru, 2007 0 FacebookTwitterPinterestEmail
ConvocatoriesFiestes Convocatoria del XIII Premiu “Padre Patac” by asturnet 10 de xineru, 2007 L’Ayuntamientu de Xixón y el la Conseyería de Cultura convoquen el XIII Premiu “Padre Patac”. El premiu empobínase a investigadores o equipos d’investigación que presenten trabayos d’historia, xenealoxía, heráldica, bibliografía o archivística asturianes. La dotación d’esti premiu ye de 6000. Los trabayos presentaos han tar ensin asoleyar, y la so estensión mínima ye de 150 folios a doble espaciu. El plazu d’entrega de los trabayos ye’l 14 de marzu. Los orixinales presentaránse nel Rexistru de la Conseyería de Cultura n’Uviéu o na Fundación Municipal de Cultura de Xixón. El Padre Patac a lo llargo de la so vida conformó una de las más importantes biblioteques sobre temes asturianos, compuesta por más de 40.000 fiches, énte les qu’hai llibros, mapes, manuscritos, etc, asina como 18.000 semeyes sobre’l nuesu país. 10 de xineru, 2007 0 FacebookTwitterPinterestEmail
Sociedá Xornaes sobre los abogaos d’Atocha by asturnet 10 de xineru, 2007 L’Asociación cultual y estudiantil Abogados de Atocha, de la Universidá d’Uviéu, entama esti xueves unes xornaes conmemoratives del 30 cabudañu del asesinatu de los Abogaos llaboralistes del Despachu d’Atocha ‘l 24 de xineru de 1977. El programa inclúi un coloquiu, cola participación d’un de los supervivientes y la proyección de la película “7 días de enero” El xueves 11 de xineru, a partir de les 16,00 proyectaráse la película “7 días de enero”, del director J.A. Bardem, sobre l’asesinatu de los abogaos llaboralistes del despachu d’Atocha. Esti vienres l’asociación estudiantil organizará una un coloquiu sobre la esti asesinatu, nel que van participar Alejandro Ruiz-Huerta Carbonell, abogáu superviviente del atentáu, y actualmente profesor de Derechu Constitucional na Universidá de Brugos y Rubén Vega, profesor d’Historia Contemporania de la Universidá asturiana. 10 de xineru, 2007 0 FacebookTwitterPinterestEmail