Netflix pieslla 2017 con casi 120 millones d’abonaos

La plataforma de vídeos en streaming de pagu más popular del mundu, Netflix, anunció que nel cuartu trimestre de 2017 consiguió sumar 8,33 millones de cuentes nueves, percima de les sos previsiones y pieslla 2017 con casi 120 millones d’abonaos tres un trimestre récord.

D’eses cuentes, 6,36 millones, que suponen un 72% del total, provienen d’otros países fora d’Estaos Xuníos, lo que confirma l’ésitu de la empresa nos sos esfuerzos para la internacionalizar la plataforma.

Amás, Netflix despídese de 2017 xenerando unos ingresos totales de 11.700 millones de dólares, frente a los 8.800 millones de 2016, un 32% más. El so beneficiu aumentó inclusive en mayor proporción, llegando esti a triplicase: de los alredor de 190 millones de dólares a finales de 2016 pasó a 560 millones n’avientu del añu pasáu.

Como amuesa esta infografía de Statista, anque inda’l 47% de los abonaos tienen la so residencia n’Estaos Xuníos, si sigue l’enclín actual ye esperable que’l mercáu internacional cada vegada sía más prioritariu pala empresa.