Mocedá d’IX señala que’l récord del 57,7% de paru xuvenil refuta la meyora de la economía

L’Área de Mocedá d’IX señala que’l récord del 57,7% de paru xuvenil que reflexa Eurostat “refuta les falses mires del gobiernu de Rajoy sobre la meyora de la economía”.

Carlos Martínez Núñez, coordinador de ‘Mozos d’IX’, llama “a ‘adelantrar la primavera’ na cai, enllenándola de los colores de les lluches como preludiu de les marches pola dignidá y el conxuntu de movilizaciones que s’averen”.

L’Área federal de Mocedá d’Izquierda Xunida, al traviés del so coordinador, Carlos Martínez Núñez, valora que’l datu de desemplegu publicáu pola oficina estadística europea –Eurostat- qu’asitien a España a la cabeza d’Europa en paru xuvenil, con un récord históricu en noviembre del 57,7%, “refuta les falses mires creaes pol Gobiernu de Mariano Rajoy sobre la meyora de la marcha de la economía arriendes de los rexistros del SEPE y la ‘menos mala’ campaña navidiega en determinaos sectores acomuñaos al emplegu eventual”.