Mercator celllebrará’l so quintu Congresu en Barcelona

El Congresu internacional de Mercator va desendolcar la so quinta edición ente los díes 19, 20 y 21 d’ochobre de 2006 en Barcelona (Cataluña) centrando los sos alderiques nos “derechos llingüísticos como cuestión d’inclusión social”. Los organizadores tienen diseñáu esti symposium partiendo de la premisa de qu’Europa foi siempre una tierra multillingüe y que esti fechu acentuóse nes décades recientes pol aportar constante de xente non europea que s’asitiaron nos países de nueso y traxeron pa con ella los sos idiomes d’orixen.

Darréu de la situación mentada, pa la organización Mercator, la realidá llingüística d’anguañu n’Europa yé entá más rica y más complexa. D’alcuerdu pa colos principios de la red Mercator, esta complexidá nun tien de ser necesariamente un problema. Pol contrariu, los idiomes falaos n’Europa son una de les llaves pa facer posible la “xunión na diversidᔠde tolos ciudadanos, grupos, comunidaes, y la xente que vive xunta n’Europa”.

El simposiu de Mercator en Barcelona va espeyar en qué clase de multillingualismu nos alcontramos y qué futuru nos espera. La entruga sedrá plantegada en cómo se puen garantizar los derechos llingüísticos de los inmigrantes y cómo l’exerciciu d’estos derechos podría estimular la inclusión social de los recién llegaos entre les comunidaes lingüístiques minoritaries que comparten el so espaciu con otros idiomes mayoritarios o dominantes.

Mercator ye una rede europea compuesta por tres axencies que tienen como obxetivos cimeros trabyar nel ámbitu de les llingües minoritaries. Toes les tres tienen los sos particulares proyeutos, allugándose en Frisia’l Centru empobináu a temes d’Educación, que dirixe la Academia Frisona en Holanda, en Barcelona’l CIEMEN o centru empobináu a temes de lexislación y na Universidá d’Aberistwyth (Gales) el Centru pa temes de comunicación.

Dende l’añu 2003, la rede entama tolos años un Congresu pa estudiar la situación de les llingües minoritaries europees y la información sobre los documentos d’esos congresos puen consultase na nueva web, onde tamién s’atoparán noticies sobre cada una de les llingües minoritaries que se falen nel continente.

Web de Mercator