Documentu Manifiestu Fundacional de Conceyu Abiertu by asturnet 21 de febreru, 2011 written by asturnet 21 de febreru, 2011 48 CONCEYU ABIERTU somos un grupu de ciudadanos procedentes de distintos ámbitos políticos, sociales, sindicales, culturales y de movimientos populares de diversu tipu, que conscientes de la ineficacia de les polítiques danguañu y de la gravísima crisis permanente que sufre la sociedá asturiana, consideramos que llegó’l momentu de buscar nueves maneres de facer política entamando un movimientu de reconstruición nacional y social dende la base. Denominamos precisamente al nuesu proyeutu como CONCEYU ABIERTU pa reivindicar esta institución de la tradición comuñal asturiana como una ferramienta coleutiva que nel momentu presente tien que sirvir pa sumar voluntaes, y que nel futuru tendrá de ser la estructura de base d’una Democracia participativa nAsturies. Les persones quintegramos CONCEYU ABIERTU vamos a trabayar pa desbloquiar l’actual situación promoviendo nueves dinámiques d’organización y aición dende lisquierda soberanista. Nesi sentíu apostamos pol municipalismu participativu como garantía d’una democracia plena y del control popular de la xestión institucional. Dende CONCEYU ABIERTU manifestamos que: 1º- La situación de crisis social, económica, identitaria y política que vivimos nAsturies ye tan grave que resulta imprescindible que toos y toes faigamos un esfuerzu pa superar el fraccionamientu y la desmovilización esistentes. 2º- Hai una clase política apoltronada que cola so xestión corrupta y clientelar (PSOE, IU y PP) subordina los intereses coleutivos a los sos oxetivos particulares. Desiximos un cambiu nAsturies protagonizáu necesariamente pol conxuntu de les clases populares. 3º- El paru, la emigración obligada de miles dasturianos cada añu, lemprobecimientu y la frustración del pueblu, ta direutamente prevocau pola destruición de los seutores productivos de la nuesa economía, como consecuencia de polítiques planificaes dende fuera dAsturies. Ye preciso entós lentamar un procesu de cambiu estructural col enfotu dalgamar un modelu sociu-económicu ecolóxicamente sostenible, realmente productivu, autocentráu na realidá específica dAsturies y al serviciu de los intereses de la mayoría social. 4º- La ñegación y aniquilación de los ellementos culturales que configuren la nuesa identidá como nación hestórica y la non oficialidá de la llingua asturiana, son la preba del menospreciu al que nos tienen sometios los nuesos gobernantes, cola única fin de que nos avergoñemos de lo que somos. CONCEYU ABIERTU caltién quun pueblu ensin autoestima, ye un pueblu ensin voz nin futuru. 5º- Ye perimportante desendolcar un procesu de rearticulación coleutiva dende los conceyos afitando un proyeutu de renovación política pAsturies al traviés de la creación duna base social que lu pueda sostener nel tiempu. 6º- Les constantes agresiones al entornu natural (sobreesplotación del territoriu, contaminación, especulación urbanística, usu de elementos cancerixenos, política de cementu…) faen que sea necesario implicase activamente na defensa ecolóxica del nuesu territoriu, lluchando pola recuperanza del mediu ambiente y diendo a la escontra dafechu de cualesquier sistema productivu sofitáu na esplotación irracional de la natura, del xorrecimientu cuantitativu de la produición col únicu finxu dacumular beneficios económicos y del fomentu del consumu escomanáu. Puxaremos poles tribes de trabayu y produición sofitaes nel respetu de los valores naturales y paisaxísticos, na renovabilidá de los recursos naturales y nel caltenimientu de la calidá de vida comu padrimoniu a tresmitir a les futures xeneraciones. El movimientu ciudadanu CONCEYU ABIERTU, naguando pola ellaboración dende abaxu de nueves metodoloxíes, dinámiques y ferramientes polítiques a curtiu y llargu plazu, opta por estructurase como una rede de plataformes asamblearies d’ámbitu llocal. 0 FacebookTwitterPinterestEmail Anterior Xorrez enforma l’usu de les redes sociales n’Asturies siguiente Xixón recibió la presentación de la plataforma política Conceyu Abiertu Tamién te podria gustar Saltantes Teatro, Carlos Alba y Escenapache son los... L’hestóricu cambiu de postura de la FSA-PSOE a... L’abandonu escolar tempranu n’España cai per debaxo del... La Revista de Filoloxía Asturiana 14 ya pue... El documental sobre la emigración asturiana “Los que... El Principáu asoleya’l primer llibru billingüe de la... Declaración de la Sociedá Cultural Xixonesa con motivu... Discursu de la Manifestación pola Oficialidá 2013 Discursu añal de la presidenta de l’Academia de... Discursu de los XXVIII Premios Andrés Solar 2012