L’Sporting xuega per primer vegada na hestoria col topónimu “Xixón”

Bien poco llucíu foi l’estrenu del Sporting na lliga de les estrelles. El primer partíu na so hestoria nel que l’equipu playu llevaba impresu, anque de forma discreta nel pantalón, el topónimu Xixón, agora oficial, xunto a la deformación castellanizada del mesmu.

L’equipu, que s’enfrentaba al Atléticu de Madrid, perdió por cuatro goles a cero, cola so tercera equipación, de color prieto.

La publicidá fecha pol Conceyu de Xixón nes camisetes del Sporting tien un costu de 2.050.000 d’euros. El club ha usar el nome de la ciudá na so equipación hasta 2013, comprometíendose amás a organizar un partíu añal del qu’han donase los fondos consiguíos a los clús base de la ciudá, amás de 200 entraes por partíu.