Los vaqueiros lleguen a Xixón nel 50 Aniversariu del Festival Vaqueiru y de la Vaqueirada

El Centru de Cultura Vieyu Institutu Xovellanos de Xixón, va acoyer güei la inauguración de la esposición “50 Aniversariu del Festival Vaqueiru y de la Vaqueirada”, una amuesa onde va poder conocese la hestoria de la fiesta que se celebra cada añu na braña d’Aristébanu y que ta declarad “d’Interés Turísticu Nacional”.

Nel actu va presentase tamién un llibru na alcordanza del mediu sieglu de Vaqueirada y van tar presentes, l’alcaldesa de Xixón, Paz Fernández Felgueroso, les conseyeres de la Presidencia y de Cultura y Turismu, María José Ramos y Encarnación Rodríguez y el Conseyu Rector del Festival Vaqueiru, los Vaqueiros d’Honor de les sucesives ediciones y los alcaldes de les comarques vaqueires.