Portada Sociedá Los artistes habrán devolver ayudes Covid por trabayar a tiempu parcial

Los artistes habrán devolver ayudes Covid por trabayar a tiempu parcial

by Fernando Glez

Los artistes tendrán de devolver les ayudes Covid por trabayar a tiempu parcial si la denuncia de la plataforma d’asociaciones y sindicatos del sector de los expectáculos tien razón na so denuncia recién sobro les cartes que tan recibiendo munchos artistes.

La plataforma formada por más de 200 asociaciones, sindicatos y profesionales del sector de los espectáculos y los eventos, Alerta Colorao, denunció esti día que siquier una ventena de persones, anque preve que “sían cientos”, recibieron una carta del Serviciu Públicu d’Empléu Estatal (SEPE) pa devolver la prestación estraordinaria por desempléu que taben recibiendo por compatibilizar la con un empléu a tiempu parcial.

La plaforma aseguró qu’el SEPE, dependiente del Ministeriu de Trabayu, dexara que los artistes compatibilizaren dicha prestación estraordinaria por desemplegu con trabayos a tiempu parcial. “El SEPE siempres confirmó qu’esta ayuda yera totalmente compatible col trabayu a tiempu parcial”, afirmen dende la plataforma.

“Prácticamente tan diciéndonos o que nun trabayemos o que trabayemos en negro. Esa xente cola prestación nun vive y si tienen la oportunidá de trabayar de manera llegal y cobrar un dinerito ye una pequena ayuda para poder tirar”, señaló a Europa Press el presidente de l’Asociación de Músicos y Profesionales del Espectáculu de Galicia (AMPROEGA), Diego Grande.

Les asociaciones del sector del espectáculu y los eventos achaquen esta situación a “erros” de funcionarios del SEPE que “dicen que l’ayuda d’artistes ye compatible col trabayu a media xornada y nun lo ye”. En concretu, Alerta Colorao aportuna en qu’el SEPE “dexó que cientos d’artistes compatibilizaren la so prestación estraordinaria por desemplegu con trabayos a tiempu parcial”.

Amás, la plataforma resalta que los artistes “agora nun pueden devolver el dineru col que sobrevivieron más de 16 meses ensin tener otros ingresos”.

 

Tamién te podria gustar