Llugones va celebrar la Selmana de la Ciencia con dos conferencies

Llugones va celebrar la Selmana de la Ciencia con dos conferencies que van Correr al cargu de J. Ángel Menéndez (científicu del CSIC) y Gloria Escotet (psicóloga y coach). Dambes van tener llugar esti vienres 30 de payares, a les 19.30 hores, na Casa de Cultura de la localidá.

La Selmana de la Ciencia y la Tecnoloxía ye la iniciativa de divulgación científica que, dende 2001, ye entamada con calter nacional colos oxetivos d’averar la ciencia al públicu de toles edaes, aguiyar el gustu pol saber científicu ya incentivar la participación de los ciudadanos en cuestiones científiques.

El qu’aprosimao un 8% de la población mundial sía daltónica, paez un porcentaxe demasiáu eleváu como para considerar el daltonismu como un defectu xenéticu. Ello ye que la evolución vieno tendiendo escontra una perda na capacidá para discernir colores de les distintes especies. Esta diferencia xenética, que trai una visión distinta del espectru de colores, hai de tener, ensin dulda, dalgún tipu de compensación y reportar dalgún tipu de beneficiu o ventaya a los individuos que lu presenten.

Nesta charra, el daltonismu sirve cómo sida para encetar temes tan diverses como: la Química detrás del daltonismu, la Física del espectru electromagnéticu, la Bioloxía de la visión, la Neuroloxía qu’esplica que el colores nun esisten, la Hestoria de la evolución de les especies y un llargu etcétera. La charra inclúi, amás, dellos vistosos esperimentos en directu, que van amosar, por casu, cómo estremar un aceite d’oliva d’otru con un simple piqueru láser.