Les Xornaes sobre Fascismu del Conceyu de Xóvenes Hestoriadores siguen nel Campus del Milán

Güei miércoles siguen les Xornaes d’Hestoria Contemporanea qu’esti añu tán dedicaes a los fascismos. Nesti penúltimu día los actos van entamar con una mesa redonda, a les diez de la mañana. Esta mesa va titulase “Memoria, cultura y fascismu”.

A les doce la mañana va celebrase la conferencia “La estrema drecha ente los años sesenta y el trunfu del PSOE en 1982. Una averamientu a la crisis política del franquismu y a la permanencia de la cultura antidemocrática n’España”, de la que ye autor Ferrán Gallego, de la Universidá de Barcelona.

La última de les actividaes de güei va ser la conferencia “Ciudá y fascismu. L’urbanismu de los rexímenes fascistes” que va esponer Sergio Tomé, de la propia Universidá d’Uviéu.