L’arxentinu Pedro Mairal gana’l XXXIX “Tigre Juan” con “La uruguaya”

L’arxentinu Pedro Mairal gana’l XXXIX “Tigre Juan” con “La uruguaya” nun certame nel que “Kanada”, del escritor cántabru Juan Gómez Bárcena, foi reconocida como finalista. La obra “La sablera que nun vas ver” de María Abella Vázquez alzose col premiu del I Certame Nuevu de Relatu Curtiu.

El xuráu del Premio “Tigre Juan” de narrativa concedió esta fin de selmana’l galardón na so trixésimu novena edición, al escritor, nacíu en Bonos Aires, Pedro Mairal pola so obra “La uruguaya” editada por Llibros del Asteroide. Según el xuráu, la obra ganadora “recueye la escelente tradición n’América Llatina de cultivadores de la novela curtia (….) con una prosa desnuda, pero dotada d’una gran intensidá y un llinguaxe económicu, directu, afechu”. L’autor, visiblemente emocionáu, recoyó esti premiu en cruciando l’Atlánticu y tornar a España dempués de 10 años”. “Nun me daba cuenta de tolos raigaños que tenía equí”, confesó.

Na categoría de finalista, premióse “Kanada”, del escritor Juan Gómez Bárcena, una novela editada per Sestu Pisu que pal xuráu “ye un duelu y una denuncia (…) una indagación emocionante sobro’l complexu de culpa y l’horror humano”. L’autor, tamién emocionáu, estimó al xuráu que se centrara “nesta lliteratura de guerrilla anque güei sintámonos en primer llínea de batalla”.

Dambos galardones tan dotaos con 10.000 euros y 5.000 euros, respectivamente, amás d’una escultura pal ganador y un grabáu pal finalista (obres del artista asturianu Jaime Herrero), y fueron apurríos nel Salón de Té del Teatru Campoamor por cuenta de la celebración del so 125 aniversariu. Una celebración que l’alcalde, Wenceslao López, quixo sorrayar mientres la so intervención, “yá que ye’l corazón cultural d’Uviéu, y nun hai llugar como ésti como p’allugar esti premiu consolidáu nel que participaron más de 120 autores de too el mundu”.

El rexidor estimó’l trabayu del xuráu que lo tuvo enforma difícil porque “anguaño foi una bona collecha” y tamién el de los organizadores, l’asociación cultural Tribuna Ciudadana “que cada añu supérase, apurriendo más riqueza y prestíu a esti Premiu”. Al premiu de narrativa, xunióse l’I Certame Nuevu de Relatos Curtios “Tigre Juan”, dotáu con 300 euros amás de dos accésit de 150 euros y la reproducción del cuadru conmemorativo d’esta edición, obra del artista asturianu Carlos Sierra. María Abella Vázquez, cola obra “La sablera que nun vas ver, foi la ganadora d’esta primer edición. “El ortiguilla” d’Alejandro Visaxe Fajardo y “La guerra” de Raquel Blanco Bartolomé, consiguieron los accésit.