La revista académica Lletres Asturianes supera’l cientu

L’Academia de la Llingua Asturiana espublizó un númberu más del so boletín oficial, Lletres Asturianes, que llega yá al númberu 101. Ente los trabayos espublizaos “El proceso de castellanización al sur de la Cordillera Cantábrica en el siglo XVII”, de José R. Morala Rodríguez; “Notes sobre l’asturiano-leonés medieval na ciudá de Lleón nel primer terciu del sieglu XIV”, d’Héctor García Gil; “Metereoloxía popular n’El Cabu Peñes”, de Rubén Fernández Martínez; y “Cartes de Fermín Canella a Víctor Balaguer”, estudiaes por Pilar Fidalgo Pravia.

En “Notes y anuncies” apaecen n’esta ocasión los discursos de José Angel Hevia y Ana Cano González nel XXX Día de les Lletres Asturianes, reseña de tolos llibros espublizaos pola Academia de la Llingua Asturiana nos meses útimos, convocatories de concursos y delles noticies alredor del asturianu.