La publicidá supón pa Google un 86% de los sos ingresos

Tal que recueyen les cuentes trimestrales de la multinacional Alphabet, feches públiques esti llunes, el 86% de los sos ingresos ente mayu y xunu d’anguaño veníen de la publicidá de la so empresa subsidiaria Google.

D’esta miente, de los alredor de 32.700 millones de dólares estadounidenses facturaos nesti periodu, daqué más de 28.000 yeren frutu d’anuncios online en dalguna de les sos plataformes, como nel buscador Google o’l navegador Google Chrome. Asina, caltiense’l pesu mayoritariu de la publicidá nes cuentes de la compañía, yá presente nos pasaos exercicios. Por casu, esta proporción foi de 85% tantu nel trimestre anterior como a lo llargo de 2017.