Portada Sociedá La Mancomunidá del Cabu Peñes organiza dos cursos d’asturianu y ún de llinguaxe alministrativu

La Mancomunidá del Cabu Peñes organiza dos cursos d’asturianu y ún de llinguaxe alministrativu

by asturnet

El Serviciu de Normalización de la Mancomunidá del Cabu Peñes ta acabante de sacar dos cursos de llingua asturiana (ún de nivel aniciu y otru d’avanzáu) asina como un cursu de llinguaxe alministrativu n’asturianu. Los cursos que tienen una duración de 30 hores van empezar el próximu 2 d’ochobre, a nun ser el de nivel avanzáu de llingua que se va facer a partir del 16 de payares.

Ente los díes 2 d’ochobre y 6 de payares la Casa La Escribana de Lluanco va acoyer un cursu de llinguaxe alministrativu n’asturianu que ta dirixíu a trabayadores públicos que desendolquen la so xera na Mancomunidá Cabu Peñes, pudiendo tamien apuntase al mesmu otres persones si quedaren places pa ello. P’apuntase a esti cursu, que tendrá llugar los llunes, martes y xueves de 8.30 hores hasta 10.30 hores, pue llamase a los númberos 985 88 48 44 (martes y xueves de 10 a 14) y 985 88 35 32 (llunes y miercoles de 10 a 14 y vienres de 9 a 14) o unviar un correu electrónicu a la siguiente direición: mmcp.llingua@asturnet.es.

Peles mesmes feches y nel mesmu sitiu, pero los llunes, martes y xueves de 18.30 hores a 20.30 hores, va tener llugar el cursu d’astuiranu en nivel aniciu, mentes que’l cursu de nivel avanzáu sedrá ente’l 13 de payares hasta’l 14 d’avientu.

El Serviciu de Normalización de la Mancomunidá del Cabu Peñes sacaba nun hai muncho una guía de servicios pal turista y ciudadanu na qu’aparecíen tolos telefonos, direcciones, correos ellectrónicos y horarios de los servicios qu’ufierta la mancomunidá. Otru de los trípticos asoleyaos estri banu foi la ‘Guía del Mariscu y Pexe pa Viaxar’ col nome de pexes y maricos en seis llingües.

Tamién te podria gustar