La Coordinadora Ecoloxista denuncia les actuaciones de la Confederación nel Narcea

La Coordinadora Ecoloxista d´Asturies vieno acabante presentar denuncia ante la Conseyería de Agroganadería y Recursos Autóctonos y ante la Fiscalía de Mediu Ambiente, poles actuaciones que la Confederación Hidrográfica del Cantábricu ta realizando na cuenca del ríu Narcea.

Esti organismu ta realizando la curtia a matarrasa de l’abondosa vexetación de ribera esistente nun castru del ríu nuna estensión de 15.000 m2 nel conceyu de Salas, na zona de Laneo. La vexetación de ribera ye d’importancia vital pa la supervivencia de numberoses especies d’aves, mamíferos y anfibios, munchos d’estos puramente protexíos dada la so catalogación a nivel rexonal y nacional. Destacamos a la llondra o a la xaronca común, como exemplos más significativos y claros que’l so hábitat tán siendo estrozáu nestos momentos.

Dende la Coordinadora camiéntase qu’esta actuación tan destructiva sía preparatoria d’un dragáu de dichu llerón, tipu d’actuación d’una durez tal que creyíen desaniciada, daos los evidentes daños y estroces medioambientales qu’eso supon y los nulos beneficios de control d’aveníes a mediu y llargu plazu que xeneren estes acciones.