Portada Sociedá La Casa d’Asturies de Valencia fina’l so primer cursu d’asturianu

La Casa d’Asturies de Valencia fina’l so primer cursu d’asturianu

by asturnet

El pasáu 29 de xineru acabó’l I Cursu d’Asturianu en Valencia, celebráu na Casa d’Asturies y col que collaboraba l’Asociación Iniciativa pol Asturianu. Les venticinco hores de desendolcu del cursu, nes que pudo deprendese gramática, léxicu, sociollingüística del asturianu, y participar al traviés de xuegos, videos y actividaes en situaciones comunes del día a día pa saber espresase d’un xeitu cómodu en llingua asturiana, finaron con un vídiu fechu polos propios escolinos y escolines. Esti cursu, que cuntaba col reconocimientu de la Academia de la Llingua Asturiana, impartióse al traviés d’un alcuerdu de collaboración ente la Casa d’Asturies en Valencia ya Iniciativa pol Asturianu.

Dende Iniciativa pol Asturianu queremos felicitar, mesmo al alumnáu qu’a la Casa d’Asturies y esperamos siguir collaborando pa siguir alantre con iniciatives como esta.

Los alumnos y alumnes del Cursu despidiéronse d’esta primer esperiencia con un videu a favor de la llingua asturiana. Un videu nel que pue vese’l so compromisu y ciñu cola llingua asturiana.

Tamién te podria gustar