Portada Sociedá L’estudiu sociollingüísticu de Zamora afaya hasta un 1/3 de falantes d’asturianu

L’estudiu sociollingüísticu de Zamora afaya hasta un 1/3 de falantes d’asturianu

by asturnet

L’Academia de la Llingua Asturiana acaba d’editar l’Estudiu Sociollingüísticu de Zamora (Fastera Occidental), estudiu fechu polos académicos Xosé Antón González Riaño y Xosé Lluis García Arias. Con estos datos de les zones zamoranes de Senabria, La Carbayeda, Aliste y Sayago, la institución completa l’estudiu sociollingüísticu de tol dominiu de la llingua asturiana, dempués d’espublizar estudios sociollingüísticos d’Asturies, Lleón y Miranda del Douro.

Ente los datos qu’apaecen nel trabayu destaca que un terciu de los ciudadanos afirmen “entender y falar la llingua tradicional”.

Un 42’3 de los zamoranos occidentales llamen “castellán”a la so manera de falar.

Un 30% llámalo “gallegu”, “gallego-castellán” o “gallego-portugués”.

El 30% usa denomaciones llocales, “alistanu” –6,5%– y “sayagués” –6%–.

Un 2% llámenlu “lleonés” o “asturiano-lleonés”.

Un 50% refuguen l’estatus de llingua pal asturlleonés de la zona.

Ún de cada diez encuestaos tien sentimientu d’unidá llingüística col restu’l dominiu asturlleonés.

Tamién te podria gustar