Iniciativa pol Asturianu regala un llibru a cada sociu nuevu esta selmana

Iniciativa pol Asturianu quier celebrar el Día del Llibru colos sos socios. Por ello tolos que se faigan socios miembru (7 euros al mes o 60 euros al añu) a lo llargo de la selmana del 23 al 29 d’abril van recibir un llibru n’asturianu de regalu. Amás, coinciendo col entamu de la Selmana de les Lletres Asturianes, van sortear un llote de 10 llibros y revistes n’asturianu ente los sos socios.

Los interesaos en facese socios pueden escribir a contautu@iniciativapolasturianu.org