Iniciativa pol Asturianu aconceya güei cola Fundación Príncipe

Esti xueves 6 de febreru, miembros del colectivu Iniciativa pol Asturianu van aconceyase cola directora de la Fundación Príncipe d’Asturies, Teresa Sanjurjo, n’Uviéu, un añu depués de los primeros contactos ente les dos organizaciones, cuando dende Iniciativa pol Asturianu se-y solicitó a la entidá organizadora de los Premios Príncipe d’Asturies que la llingua asturiana tuviere presencia na so actividá.

Como persaben los atsurianos, la Fundación dio apocayá los primeros pasos, cola publicación de les bases del Premiu al Pueblu Exemplar d’Asturies n’asturianu y gallego-asturianu, con esi enfotu que-y encamentaren delnde l’asociación; um fechu qu’anque tímidu, calificóse como perpositivu dende Iniciativa pol Asturianu.

Iniciativa quier agora afondar cola entidá pa que dea más pasos nel camín d’usar la llingua asturiana, sobre manera nos actos más destacaos de la Fundación, onde la presencia del asturianu pue tener una mayor repercusión.