Portada Conceyos Iniciativa esixe la toponimia oficial nel Palaciu de los Deportes de Xixón

Iniciativa esixe la toponimia oficial nel Palaciu de los Deportes de Xixón

by redacción asturnews

Iniciativa pol Asturianu vieno acabante d’esixir nuna nota de prensa que la toponimia oficial tea presente nel Palaciu de los Deportes “Presidente Adolfo Suárez” de Xixón, al denunciar que’l pliegu de condiciones de les obres pal nuevu parqué nun recueye la toponimia oficial.

Iniciativa pol Asturianu esixe al Conceyu de Xixón que la toponimia oficial tea presente nel Palaciu de los Deportes “Presidente Adolfo Suárez” de La Guía en Xixón. La organización denuncia que’l pliegu de condiciones que presenta’l Conceyu pa la instalación del nuevu parqué nun recueye la toponimia oficial (Gijón/Xixón) y únicamente apaez la denominación en castellán. El documentu col pliegu de condiciones del concursu que se puede consultar en la páxina web municipal establez nel puntu 6 que «Asimismo, se incluirán dos serigrafías del logo de “Gijón”».

A pesar de que’l procedimientu de presentación d’ufiertes va terminar dientro d’una selmana, la organización pide la retramitación de la ufierta pa incluyir la denominación oficial. Iniciativa pol Asturianu reclama que s’utilice’l topónimu “Xixón”, qu’agora tamién tien una presencia nula nel espaciu, tanto nel parqué como nes valles llaterales.

Tamién te podria gustar