Inaugúrase la esposición “Un sieglu de tocaos nes colecciones del Muséu del Pueblu d’Asturies”

“Pa quitar el sombreru. Un sieglu de tocaos nes colecciones del Muséu del Pueblu d’Asturies (1875-1975)” ye’l títulu de la esposición que va inaugurase esti martes 16 de xunetu a les 12.30 hores,

Los sombreros y tocaos tienen la so propia hestoria. Son daqué más qu’un simple accesoriu de la indumentaria. Reflexen la mentalidá d’una dómina, xeneren fenómenos de calter estéticu, influyíos polos sistemes de consumu y les modes, y revelen valores simbólicos, funcionales y sociales.

Son ricos en significáu, pos afaten la parte más visible del cuerpu, y proclamen y reclamen la personalidá de quien los usa. El venceyu que los fai indixebrables de la sociedá y la so evolución esprésase al traviés de les diverses funciones que cumplen. Manifiesten poder, protección, hixene, abrigu o diferenciación social, y confieren estatus, prestíu y autoridá. Magar que dende los años sesenta los vezos de vida modernos fixeron que los sombreros pasaren de moda, güei paecen tar recuperando terrenal. Quiciabes nun dixeron la so última palabra.

Muséu del Pueblu d’Asturies |Esposición
Inauguración 16 de xunetu de 2019 a les 12.30h