Fina’l plazu matrícula palos cursos d’Iniciativa pol Asturianu

Iniciativa pol Asturianu pieslla esti domingu la matriculación nos sos cursos de Xixón, Uviéu, Sotrondio, Ribeseya, Ibias y online.

Entá pueden facese matriculaciones nos cursos de Xixón y Uviéu, onde les clases se celebren a partir del próximu día 19, los llunes y miércoles de 19 a 21 hores; en Sotrondio, onde les clases son los martes y xueves de 18:30 a 20:30; en Ribeseya, onde se celebren martes y xueves de 19 a 21 hores; y n’Ibias, onde’l cursu de gallego-asturianu va ponese nes feches y horarios qu’alcuerden los alumnos. Amás, el cursu a distancia sigue tamién cola matrícula abierta.

Los cursos, impartíos por profesoráu capacitáu, tienen una duración de 35 hores. La matrícula, incluyendo materiales, ye de 60 euros (50 pa socios d’Iniciativa pol Asturianu y entidaes collaboradores) Al final del cursu, los alumnos que lu superen van recibir un certificáu de l’Academia de la Llingua Asturiana.

La matriculación pue facese al traviés d’un formulariu al que s’accede na web d’Iniviativa,  Pa más información pues escribir a contautu@iniciativapolasturianu.org o escribir al traviés de Whatsapp o Telegram al teléfonu 625 986 717.