Portada Sociedá Fernando Lastra diz que nun ye contradictoria la posición de la FSA tocante a la llingua

Fernando Lastra diz que nun ye contradictoria la posición de la FSA tocante a la llingua

by asturnet

El portavoz del grupu parlamentariu socialista na Xunta Xeneral Fernando Lastra afirma que nun ye contradictoria la posición del so partíu contraria a la cooficialidá n’Asturies y partidaria d’ella como elementu de convivencia llingüística a nivel del estáu. El diputáu autonómicu considera que ye coherente reconocer a los idiomes oficiales y nun reconocer a los que nun lo son.

Lastra declara nuna entrevista concedida al diariu El Comercio que “nun firmamos proposiciones de ERC nin de naide que puedan ser contradictorios coles nuestres tesis; una cosa ye’l reconocimientu que tenemos de les llingües cooficiales nel Estáu y otru el d’aquelles que nun lo son, y que yo sepa, l’asturiano nun ye oficial nel Principáu”, diz el parlamentariu socialista.

El portavoz del PSOE na Xunta afirma que los llendes del so partíu en materia llingüística tán na oficialidá:”tamos faciendo un trabayu honestu na promoción, pero’l nuestru límite respective a la oficialidá ye conocíu”.

.

Tamién te podria gustar