Espublízase un vocabulariu centráu na terminoloxía del ciclismu

La Oficina Municipal de la Llingua de Xixón presentó estos díes, cuntando cola prsentcia del ex ciclista profesional Chechu Rubiera, el “El pallabreru del ciclismu”, trabayu firmáu por Cristina Bobes Limenes, María Cuervo Escribano y María Xosé Rodríguez, con más de doscientos términos rellacionaos col mundu del ciclismu y la bicicleta. El trabayu ye’l terceru qu’esplubliza esta institución centráu nos deportes, dempués de los dedicaos al fútbol y a la natación.

Nel trabayu recuéyense tipos de carreres ciclistes, equipamientu necesariu, acciones que se faen al pedaliar, amás de dellos conseyos de seguranza na carretera pa los ciclistes y una llista de los ciclistes asturianos más renomaos.

Los 2.000 exemplares editaos van repartise ente los usuarios de les instalaciones deportives y les asociaciones de ciclistes de Xixón al travies del Patronatu Deportivu Municipal y ente tola xente interesao al traviés de la Oficina Municipal de la Llingua.