Espublicen una gramática del asturianu pa castellanofalantes

El profesor Xavier Frías Conde acaba d’espublizar en versión dixital “Compendio de gramática asturiana”, un llibru dirixíu a les persones que siendo falantes de llingua castellana o conociendo esta, tengan interés n’averase a la gramática de la llingua asturiana. La obra ufiértamos una visión global de la gramática asturiana, concentrándonos naquellos elementos que pueden resultar más complexos, anque ensin perder de vista la globalidá d’un idioma mui ricu tocantes a fenómenos morfosintácticos que nun recibió l’atención que merez. La obra tien l’encontu del Institutum Studiorum Romanicorum Romania Minor y pue descargase de baldre.

Xavier Frías-Conde (1965) ye Doctor en Filoloxía Románica, autor de lliteratura infantil, poesía y ensayu. Amás, ye traductor lliterariu, autor de delles antoloxíes (de poesía galesa, gallega y sarda contemporanees), miembru del Grupu Bilbao d’escritores en llingua gallega en Madrid. Ye falante de diez llingües, ente elles l’asturianu y la llingua del Eo-Navia.

Descarga’l llibru de baldre