El programa de formación con práctiques MetAvilés ufre places disponibles

Empobináu a mozos menores de 30 años inscritos na Garantía Xuvenil, el programa de formación con práctiques MetAvilés ufre entá nesti mes de payares places disponibles.

Quien participe va recibir ayudes económiques, tantu na fase formativa, como mientres les práctiques n’empreses del sector del metal. Les persones interesaes tienen de dirixise a la sección de Formación y Empléu del Conceyu d’Avilés, nel Centru de Empleo Europa o al traviés de los sos perfiles n’Internet

Tratase d’un proyectu empobináu a mozos menores de 30 años inscritos nel ficheru de Garantía Xuvenil, con nivel de cualificación de Graduáu n’Educación Secundaria (ESO), qu’abandonaren el sistema educativu y que quieran ameyorar la so empleabilidá. Pa ello, van participar n’itinerarios formativos rellacionaos col sector del metal, realizando práctiques llaborales n’empreses del mesmu y recibiendo ayudes económiques mientres dichu proceso. Primeramente van participar n’una fase de formación para la busca d’empléu.

Na actualidá, MetAvilés atopase na so primer etapa, correspondiente a la captación de la mocedá interesao. Toos ellos y elles son atendíos en primer términu por aciu una tutoría personalizada, na que s’estudia la so situación y el so perfil, analizando asina les sos potencialidaes.

Darréu va empezar la fase d’esploración vocacional, que va constar de talleres formativos de 5 hores de duración sobro distintos aspeutos pa la busca activa d’emplegu, como’l autoconocimiento, la definición d’oxetivos, la detección de necesidaes nel mercáu o l’alquisición de nociones pa la comunicación eficaz y pa la xestión emocional.

La tercer fase va tar dedicada al desenvolvimientu de los dos itinerarios formativos diseñaos, dambos rellacionaos directamente col sector del metal y coles nueves tecnoloxíes: “Soldadura Oxigás y Soldadura MIG/MAG” y “Fabricación y montaxe d’Instalaciones de Tubería Industrial”. La realización d’esta fase implica, en dambos casos, el llogru d’un Certificáu de Profesionalidá de Nivel II, y ta remunerada con una ayuda económica de 100 euros al mes pa cada participante. La cuarta y última fase del programa MetAvilés corresponder coles práctiques llaborales en distintes empreses del sector metalúrxicu. Mientres los trés meses de duración de les mesmes, los y les nueves participantes van recibir xuna ayuda económica de 400 euros al mes.

Col desenvolvimientu d’esti proyectu, el Conceyu d’Avilés pretende lluchar contra’l desemplegu xuvenil, apurriendo ferramientes, conocencies y esperiencia a 30 mozos y moces del conceyu que precisen reactivar la so situación formativo y llaboral.

Formulariu de contactu nel blogue https://avilesformacionyempleo.wordpress.com
Redes sociales: Facebook (formacionyempleo.ayuntamiento.aviles) y Twitter (@FYEAvilés)