El II Ciclu Milenariu d’Avilés entama con dos conferencies sobre l’asturianu

‘Llingua asturiana, toponimia y Aviles’, va ser la primer conferencia, a cargu de Cesáreo García, que se faiga nel Palaciu de Valdecarzana, con motivu del milenariu d’Aviles, organizáu pola Sociedá Económica d’Amigos del País en collaboración col Ayuntamientu avilesín. A lo llargo de los prósimos tres meses, tolos miercoles, a partir de les ocho y cuartu la tarde, habrá dalguna conferencia que repase dalgún aspectu relacionáu cola villa.

Dos conferencies sobre l’asturianu son les encargaes d’abrir esti ciclu de conferencies. Amás de ‘Llingua asturiana, toponimia y Aviles’, de Cesáreo García, que va ser mañana a les ocho y cuartu la tarde nel palaciu de Valdecarzana, el filólogu Xose Nel Comba falará sobre los escritores n’asturianu avilesinos el prósimu día 19.

Otres nueve ponencies, qu’abarquen dende’l patrimoniu barrocu de la ciudá, el puertu, los pintores menores o la historia industrial, enllenen el programa de conferencies preparáu pola Sociedá pa los prósimos tres meses.

El programa completu ye’l siguiente:

Día 5 d’ochobre: ‘Llingua asturiana, toponimia y Aviles’, por Cesáreo García.

Día 19 d’ochobre: ‘Lliteratura n’asturianu. Los escritores avilesinos’, por Xose Nel Comba Paz.

Día 26 d’ochobre: ‘El patrimonio barroco de Aviles’, Vidal de la Madrid.

Día 2 de payares: ‘Aviles, puerto de emigración’, por Juan Carlos de la Madrid.

Día 9 de payares: ‘Aviles monumental’, por Alberto del Río.

Día 16 de payares: ‘Aviles en el tiempo’, por Josefa Saenz.

Día 23 de payares: ‘Pintores avilesinos’, por Ramón Rodríguez.

Día 30 de payares: ‘Algunos escritores de Aviles’, por Jose María Feito.

Día 7 d’avientu: ‘Aviles y la música’, por Jose María Martínez.