Portada Sociedá El futuru de los homosexuales a debate

El futuru de los homosexuales a debate

by asturnet

El Centru Social Sestaferia de Xixón organiza una charra-debate sobre les prósimes reivindicaciones del movimientu de defensa de derechos de los homosexuales titulada “Que futuru pa gais y lesbianes. Retos y perspectives del movimientu GLBT”, a cargu de Jose Manuel González, coordinador de Xente Gai Astur.

Tres l’aprebación del derechu de les pareyes del mesmu sexu a contraer matrimoniu, el Centru Social Sestaferia entama una charra que llevará como títulu “Que futuru pa gais y lesbianes. Retos y perspectives del movimientu GLBT”, a cargu de Jose Manuel González, coordinador de Xente Gai Astur (XEGA), na que se debatirá sobre les reivindicaciones del movimientu de defensa de los derechos de los homosexuales.

La charra-debate tendrá llugar nel local del Centru Social Sestaferia, na cai Numa Gilhou, 14, de Xixón, el prósimu martes día 22 de payares, a partir de les 19:30 hores. La entrada a l’actu ye llibre.

Tamién te podria gustar