Portada Sociedá El conceyu de Cangas organiza dos cursos de llingua asturiana

El conceyu de Cangas organiza dos cursos de llingua asturiana

by asturnet

La conceyalía de Cultura del Ayuntamientu de Cangas organiza por quintu añu consecutivu los sos cursos de llingua asturiana y que nesta edición van cuntar con dos niveles: ún d’iniciación y otru d’afondamientu. El plazu de matriculación ta abiertu hasta’l prósimu 28 d’ochobre.

Los interesaos nos cursos habrán dir a la Oficina d’Información Xuvenil de Cangas pa formalizar la matricula eos niveles d’iniciación o perfeccionamientu. Como cada añu, les clases, de sesenta hores cada módulo, van desarrollase a partir del mes de payares n’ horariu de tarde a convenir polos interesaos.

Con esta ya son cinco les ediciones convocaes d’unos cursos a los que l’añu pasáu acudieron cerca de mediu cientu de persones.

Tamién te podria gustar