El Conceyu d’Avilés programa en payares talleres de formación pa desemplegaos

El Conceyu d’Avilés, al traviés de l’Área de Formación y Emplegu, programó trés nueves acciones formatives empobinaes a persones desemplegaes del conceyu, que se van desenvolver mientres el mes de payares nes instalaciones del Centru Europa. Van empobinase a conteníos rellacionaos cola manipulación d’alimentos, les técniques de negociación y el manexu de la rede social Twitter.

El primeru de los talleres en dar empiezu va ser el tituláu “Twitter: más allá d’un simple hashtag”, que se va desenvolver mientres los díes 12, 13 y 14 de payares. Les sesiones van tener llugar na aula d’informática del Centru d’Emplegu Europa, n’horariu de 9:30 a 13:30 hores, y va cuntar con una duración total de 12 hores. Va Cuntar con 19 alumnos y alumnes y ta dirixíu a un perfil prioritariamente capacitáu para’l manexu d’Internet y de plataformes dixitales a nivel d’usuariu o cimeru. L’oxetivu d’esti cursu ye’l de formar a les persones inscrites na busca de nuevos retos profesionales al traviés de la creación de la so propia marca personal, apurriéndo-yos el valor añedíu que les empreses pudieren esta buscando.

El segundu taller n’entamar va ser el denomináu “Manipulación d’alimentos (2ª edición)”, que va tener llugar ente’l 20 y el 22 de payares. Va desenvolvese na aula d’informática del Centru d’Emplegu Europa, n’horariu de 9:30 a 12:30 hores, tanto’l martes 20 como’l miércoles 21; y de 9:30 a 13:30 hores el xueves 22. En total, el taller va tener xuna duración de 10 hores. Esta acción, na que van participar 15 persones, tien l’oxetivu de formar nos conteníos riquíos pa trabayar en cualquier puestu nel que se tenga contactu directu colos alimentos mientres la so preparación, fabricación, tresformamientu, ellaboración, envasado, almacenáu, tresporte, distribución, suministru y serviciu.

A lo último, el taller Técniques de negociación va desenvolvese ente’l 19 y el 23 de payares na aula 5 del Centru d’Emplegu Europa, n’horariu de 9:30 a 13:30 hores. Va Cuntar con 12 participantes y xuna duración total de 20 hores. El so oxetivu ye’l d’apurrir les conocencies, habilidaes y mañes necesaries pa desenvolver una negociación de forma esitosa en cualquier tipu de situación, teniendo baxu control tolos aspeutos influyentes del procesu.

Les persones interesaes nestes acciones formatives pueden informase de manera presencial nes instalaciones del Centru d’Emplegu Europa, según al traviés del blogue https://avilesformacionyempleo.wordpress.com.