El Centru Social de Llaranes programa actividaes pa toles edaes

Mientres el próximu mes y mediu, con distinta duración y temática, el Centru Social de Llaranes vieno acabante programar actividaes para toles edaes.

Talleres pa persones mayores: memoria, baille activu y nueves tecnoloxíes. Actividaes pa públicu infantil y xuvenil: ludoteca, bebecuentos, y talleres de teatru social, arte y reciclaje, y lliteratura creativa

El Centru Social de Llaranes vieno acabante programar, pa la segunda quincena d’ochobre y el mes de payares, una serie d’actividaes abiertes y empobinaes a distintos sectores de población. Toes elles son gratuites y celébrense nes instalaciones municipales allugaes nel númberu 7 de la cai Río Eo.

Les persones a les que-yos pruya participar nestes actividaes puen inscribise n’el mesmu centru o llamando per teléfonu al 985 51 57 60. Los horarios d’apertura del centru son de 10:30 a 13:30 y de 16:00 a 20:00 hores.

Les actividaes programaes son les siguientes:

Son seis les actividaes qu’arrinquen esta selmana y van concluyir a finales de payares. El Taller de Memoria ta dirixíu a persones mayores interesaes en caltener en forma la so mente, al traviés d’exercicios de lóxica, orientación espacial, razonamientu numbéricu y actividaes lectoescritoras. Cuenta con dos grupos que s’axunten cada miércoles en dos horarios distintos: de 11 a 12 y de 12:15 a 13:15 hores.

Tamién dirixíu a persones mayores, según a adultos polo xeneral, el Taller de Baille Activu combina exerciciu aeróbico con coreografíes musicales p’ayudar a quien participen a caltener la so axilidá física. Cuenta con 4 grupos, que s’axunten nos siguientes horarios: martes, de 17 a 18 y de 18:15 a 19:15, y xueves, de 10:30 a 11:30 y de 11:45 a 12:45.

El Taller de Lliteratura Creativa ta tamién dirixíu a adultos de cualquier edá. Nél realicen comentarios de llibros y alderiques sobro temes d’actualidá, amás de los mesmos exercicios de llectura y escritura creativo. Tien llugar cada xueves, de 17 a 18:30 hores.

De calter intergeneracional, el Taller d’Arte y Reciclaxe ta empobináu tantu a neños y neñes a partir de 5 años como a los sos padres. L’oxetivu del mesmu ye crear un espaciu de creación artística nel que les persones participantes esfruten reciclando en familia. Desenvuélvese cada llunes, de 18 a 19 hores.

El Taller de Teatru Social ye un espaciu diseñáu pa desenvolver la creatividá y l’espresión personal, de forma colaborativa y al traviés de la interpretación. Cuenta con dos grupos: unu d’ellos empobináu al públicu infantil y otru al adolescente. Tien llugar los sábados de 16:45 a 18 y de 18:45 a 19:30 hores.

A lo último, la Ludoteca, dirixida a neños y neñes d’ente 3 y 6 años, abre cada sábadu, de 11 a 12:30 hores, pa somorguialos nel máxicu mundu de “LudoLlaranes”, onde esfruten de xuegos, cuentos y manualidades.

Ver llistáu d’actividaes puntuales