Portada Sociedá El Café Trisquel celebra 25 años d’actividá con un conciertu de Felpeyu

El Café Trisquel celebra 25 años d’actividá con un conciertu de Felpeyu

by asturnet

En 1983 abría les puertes el Café Trisquel, na cai Pedro Duro de Xixón, un chigre que diba converstise n’abellugu y llugar d’alcuentru del movimientu asturianista. Va dellos años treslladóse pol derrumbe del edificiu nel que s’asitiaba hasta la cercana cai de Marqués de San Estebán y esti añu cumple un cuartu de sieglu convertíu nunu de los más célebres llocales asturianistes.

El Trisquel acoyó n’estos años conciertos, recitales, monologuistes y toa una riestra d’acontecimientos culturales que lu convirtieron nun llugar d’espardimientu de la cultura asturiana.

Pa celebrar esti acontecimientu, el Trisquel va acoyer esta nueche un conciertu de la perconocida formación Felpeyu, que tuvo los sos entamos musicales nesti llocal, onde llegó a facer ensayos nos sos inicios.

El recital va ser esta nueche a les 21:30 hores.

Tamién te podria gustar