Convócase un cursu de globoflexa n’Uviéu

El domingu 27 de marzu La empresa Globentos, dedicada a la decoración profesional con globos y a l’animación, ufierta un cursu d’aniciu a la globoflexa, prácticu dafechu. Nel mesmu van dase a conocer los tipos de globos y marques, técniques d’infláu y anoyáu y dellos principios básicos de la globoflexa, amás de les técniques de torsión de globos y l’animación con globos (gorros, xuegos, etc).

El cursu va impartise de 10:00 a 14:00 y de 16:00 a 20:00 hores, na Academia Opositta na cai Picu Urriellu, 5, Uviéu, con un preciu de 65 euros. Más información en info@globentos.com