Casi la metá de los españoles tienen Facebook

Ayer tuvo llugar la primer xornada de la conferencia F8 Facebook, que va siguir güei en San José (California), dedicada en gran midida a la realidá aumentada y qu’ufrió abondos datos de la realidá d’esta rede social nel mundu, como que la empleguen casi la metá de los españoles.

Nesti sentíu, los planes de Mark Zuckerger pasen por desenvolver nuevos conteníos que puedan ser vistos al traviés de les cámares de los nuesos smartphones. Con ello, la plataforma invade’l terrero de Snapchat y busca volvese a asitiar na vanguardia de les redes sociales.

Como amuesa esta infografía realizada con datos del Statista Dixital Market Outlook, en 2017 alredor de 22,13 millones d’españoles, esto ye, un 48% de la población aprosimao, son usuarios mensuales de Facebook. Paez que la rede social ve la realidá aumentada como una de les claves pa siguir siendo’l mediu social preferíu en tol mundu.