Sociedá Bloque por Asturies pide-y al BNG que dexe la so ‘política agresiva’ pa trabayar a común pol exe atlánticu by asturnet 20 d'avientu, 2005 written by asturnet 20 d'avientu, 2005 17 La dirección nacional del Bloque por Asturies (BA) pidió-y ayer al Bloque Nacionalista Galego (BNG) qu’abandone “la so política agresiva y de xestos inútiles” pa trabayar a común nel fortalecimientu del exe atlánticu “dende la solidaridá y el respetu a cada comunidá”. Los socios d’Izquierda Xunida afirmen que “cualquier propuesta que nun tenga en cuenta a los ciudadanos nun dexa de ser una impostura”. Pal Bloque asturianu la posición caltenida pol BNG pa defender los aspectos más polémicos de la so propuesta de nuevu estatutu pa Galicia ye “propia del nacionalismu románticu del sieglu XIX” y non d’esti sieglu “nel tiempu de los nacionalismos cívicos y de diálogu ente comunidaes”. La formación política asturiana considera que “plantear desafíos sin sentíu y sin futuru namás diba llevar a una situación de desconfianza” y diba valir “pa reforzar les posiciones polítiques del nacionalismu español y de la derecha oportunista”. El Bloque por Asturies diz que tanto la llingua asturiana como’l gallego-asturiano son “parte irrenunciable” del patrimoniu cultural d’Asturies y que como talo tienen ver reconocida la so oficialidá nel prósimu estatutu d’autonomía. 0 FacebookTwitterPinterestEmail Anterior Fina n’Avilés la primer campaña de recuperación del so patrimoniu hestóricu urbanu siguiente Los sindicatos denuncien a Educación énte la Inspección de Trabayu Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...