Portada Conceyos Avilés abre’l plazu p’ayudes a entidaes pa proyectos culturales en 2019

Avilés abre’l plazu p’ayudes a entidaes pa proyectos culturales en 2019

by redacción asturnews

Esti miércoles 22 de mayu abre’l plazu de solicitú d’ayudes a entidaes que desenvuelvan proyectos culturales n’Avilés en 2019 y que cuenta con una asignación presupuestaria de 120.000 euros.

La convocatoria nueva incorpora una llínea d’ayudes a la realización d’actividaes rellacionaes col V Centenariu de la nacencia de Pedro Menéndez. En 2018, 41 entidaes percibieron subvenciones por importe de 99.318 euros

El Conceyu d’Avilés, al traviés de la Área de Cultura, vieno acabante abrir esti miércoles 22 de mayu’l plazu de solicitú de subvenciones pa la realización d’actividaes culturales y creatives mientres l’exerciciu 2019. A elles pueden aspirar entidaes y asociaciones ensin ánimu d’arriquecimientu que desenvuelvan tantu la so actividá, como’l proyectu cultural oxetu de subvención, nel conceyu d’Avilés.

Podrán presentase solicitúes hasta’l 10 de xunu, namái al traviés de la See Electrónica municipal (https://sedeelectronica.aviles.es/). Les clauses reguladores de la convocatoria, según los modelos d’impresos a rellenar, atópense disponibles para la so consulta y descarga faciendo clic equí.

La convocatoria cunta con una asignación presupuestaria de 120.000 euros, distribuyíos nes habituales Llínea 1 y Llínea 2 (dotaes con 50.000 euros caúna), a les qu’anguaño se suma una Llínea 3 (dotada con 20.000 euros) dedicada a subvencionar la realización d’actividaes rellacionaes cola conmemoración del V Centenariu de la nacencia de Pedro Menéndez.

Les modalidaes d’actividaes y proyectos culturales incluyíes en caúna d’estes llínees son les siguientes:

Llínea 1:

Creaciones nel campu de les artes plástiques, artes interdisciplinares y multimedia: teatru, música, danza, fotografía, lliteratura, audiovisual, pintura, restauración patrimonial
Actividaes de calter cultural y creativu acordes a los fines de la entidá solicitante y que fomente una actividá pública o d’interés social o que promocionen una finalidá pública

Llínea 2:

Cultura y música tradicional asturiana Certames
Corales

Llínea 3:

Actividaes rellacionaes cola conmemoración del V Centenariu de la nacencia de Pedro Menéndez

La cuantía máxima a conceder a cada entidá beneficiaria nun va poder superar el 100% del presupuestu del proyectu presentáu, y en nengún casu va ser cimeru a 5.000€, nel casu de les concedíes dientro de la Llínea 1, a 15.000€ dientro de la Llínea 2, y a 2.500 € dientro de la Llínea 3. Cada entidá solicitante va poder presentar un solu proyectu per llínea de subvención.

Tamién te podria gustar