Patrimoniu El Muséu del Pueblu dAsturies cuelga l’Atles Sonoru de la Llingua Asturiana n’internet. by asturnet 12 de xunu, 2014 Los cinco volumes del Atles Sonoru de la Llingua Asturiana, editaos pol Muséu del Pueblu dAsturies-Rede de Museos Etnográficos d’Asturies ente 2003 y 2010, tán yá accesibles on line na páxina web de la Rede de Museos Etnográficos d’Asturies (www.redmeda.com). Los 63 documentos sonoros editaos reproducen con calidá dixital les distintes modalidaes llingüístiques d’Asturies (oriental, central y occidental) por aciu relatos narraos de viva voz por falantes naturales de cada zona. Pa facilitar l’audición y comprensión d’estos relatos, cada documentu sonoru va acompañáu de la so correspondiente trescripción testual. La so consulta ye llibre y gratuita nesti enllaz. Esta serie de documentos sonoros entiende una área xeográfica que percuerre’l territoriu asturianu d’oriente a occidente por aciu grabaciones realizaes en 26 conceyos (Ibias, Degaña, Cangas, Ayande, Tinéu, Somiedu, Miranda, Grau, Yernes y Tameza, Teberga, Quirós, L.lena, Riosa, Morcín, Mieres, Ayeri, Llangréu, Samartín del Rei Aurelio, Llaviana, Sobrescobiu, Casu, Ponga, Amieva, Cangues dOnís, Onís y Cabrales). Anguaño, dende l’Arquivu de la Tradición Oral del Muséu del Pueblu dAsturies ta trabayándose na edición d’una serie nueva de documentos sonoros que va entender les distintes falas de los 17 conceyos que formen la contorna del Eo-Navia, y que se va incorporar llueu a la edición on line del Atles Sonoru de la Llingua Asturiana. L’oxetivu del Atles Sonoru de la LLingua Asturiana ye amosar les distintes variantes vives de la llingua asturiana por aciu l’audición de relatos orales, lleendes, cuentos populares, romances y cantares que, gracies a la so edición sonora, convertir nuna manifestación tanxible del patrimoniu cultural inmaterial d’Asturies.Enllaz n’Internet 12 de xunu, 2014 0 FacebookTwitterPinterestEmail
Política Homenaxe a los milicianos astures en Bizkaia by asturnet 11 de xunu, 2014 Andecha Astur participará un añu más nel homenaxe que tendrá llugar el prósimu 22 de xunu nel conceyu de Larrabetzu (Bizkaia), pa conmemorar que nel 1937 un continxente de milicianos asturianos defendieron esti pueblu frente al avance de les tropes facistes. Tres la rotura del frente poles tropes franquistes, un númberu indetermináu d0estos milicianos foren sosprendíos y muertos nesti llugar, siendo dempués entierraos nuna o varies de les trincheres quhabía. Nalcordanza de toos ellos, pa honrar la so memoria y la solidaridá na llucha anti-facista, el prósimu domingu 22 de xunu, y por tercer añu consecutivu cellebraráse un homenaxe en Larrabetzu un homenaxe a esos asturianos, nel quAndecha Astur participará activamente. La xornada escomenzará con una recepción na Herriko Plaza a les presones que dende Asturies aportamos a tomar parte nel actu, ente los que tarán la banda de gaiteros “Turruxón” que xunto a los trikitrilaris de Larrabetzu entamarán musicalmente el dii con una kalejira. Darréu, en Bolumburu, el llugar onde tan entierraos los restos de los milicianos asturianos y onde se colocó lañu pasáu un monolitu nel so honor, rializaráse un Actu dAlcordanza, con estremaes intervenciones. Andecha Astur anima a participar nesti actu y fadrá por tresnar un autocar. Más información nos llocales de la organización y al traviés del mail andechainfoarrobagmail.com 11 de xunu, 2014 0 FacebookTwitterPinterestEmail
Política Esixen un proyecto viable pal Plan de Víes en El Humedal. by asturnet 11 de xunu, 2014 EQUO Xixón y Compromisu por Asturies, quieren tresmitir a la ciudadanía de Xixón la so preocupación pola situación del Plan de Víes onde, énte la ausencia dun proyeutu téunicu definíu y polo tanto, ensin poder conocer el coste que supondría pa les y los xixoneses, quier ponese en marcha el plan baltando la estación de trenes de LHumedal que va acabar, una vuelta más, nun engañu. Dambes dos organizaciones quieren amosar so agradecimientu a la FAV pola so iniciativa dintentar impulsar el proyeutu mediantel consensu de colectivos políticos y sociales, pero esiximos quenantes de mover una sola piedra na estación de LHumedal, se conoza el proyeutu téunicu de la actuación a desendocar, asina comol coste esautu de la mesma y una vez conocidos los dos puntos, realizar una consulta popular sobre la conveniencia o non de realizar tal obra. Tanto EQUO Xixón como Compromisu por Asturies amuesen la nuestra preocupación porque al final de tola actuación lúnicu resultáu seya la espropiación dunos tarrenos públicos pa construyir viviendes de luxu pa únicu porgüeyu de dalgunos empresarios privados, que la estación provisional al final se convierta en definitiva, rompiendo la centralidá de la estación de LHumedal y produciéndose un pasu atrás en materia de movilidá de la ciudá, y que vergonzosamente Xixón continúe ensin una estación de autobuses municipal, en beneficiu de la empresa privada ALSA que además ve amenorgada la competencia que supón el tresporte ferroviariu de pasaxeros col treslláu del mesmu a otra zona alloñada del centru. 11 de xunu, 2014 0 FacebookTwitterPinterestEmail
Educación La sociedá educativa reconoz el llabor de Mario de Miguel by asturnet 11 de xunu, 2014 Esti vienres 13 de xunu, a les 12.30 hores, nel Salón d’Actos del Muséu Arqueolóxicu d’Asturies (Calle San Vicente, 5, 33003. Uviéu) va tener llugar un Actu de Reconocencia al Caderalgu de la Universidá d’Uviéu Mario de Miguel Díaz pol so compromisu cola educación pública n’Asturies. L’actu, organizáu dende la sociedá educativa asturiano va cuntar cola participación de la Conseyera d’Educación y Cultura ente otres autoridaes polítiques y académiques. L’actu entamará cola intervención de Dª Ana González Rodríguez, Ilma. Sra. Conseyera d’Educación del Principáu d’Asturies, pa siguir con una glosa de José Luis San Fabián Maroto, Caderalgu de la Universidá d’Uviéu y finar con unes palabres de Mario de Miguel Díaz. L’actu tendrá un Cortexu Musical al cargu de los gaiteros Andrea Fernández y Rodrigo Fernández Joglar. 11 de xunu, 2014 0 FacebookTwitterPinterestEmail
Sociedá Presentase en La Semiente’l llibru Grupos autónomos, una crónica de la transacción democrática pol so autor, Joni D. by asturnet 11 de xunu, 2014 Esti xueves día 12 a les 20:00h lescritor barcelonés Joni D. preséntanos nel centru Social Autoxestionáu La semiente, el primer llibru que trata d’una manera antropolóxica, hestórica y periodística, la trayectoria de los nuevos miembros de los grupos autónomos armaos que, a partir del MIL y hasta bien entráu’l gobiernu socialista,llucharon contra’l sistema social baxol cual vivieron. Una visión d’una parte de la hestoria, escaecida y callada, que, agora, encarase d’una manera valiente pero dafechu distinta a los llibros d’hestoria clásicos, con una estructura bien personal y nada habitual que da’l verdaderu protagonismu a la evolución social y política d’unos mozos en cuenta de faelo sobre los mesmos ellos mesmos. En septiembre de 1973 yera desarticuláu’l MIL pero aquella razia nun acabó col movimientu autónomu armáu sinón que reforzólu. Les acciones pa intentar evitar la execución de Puig Antich, primero, y les que se llevaron a cabu pa espresar la rabia darréu de matalu, estendiéronse como una mancha aceite. Un añu dempués de la desarticulación de la OLLA y los GARI morría’l dictador, en poco tiempu pasose de lluchar contra una dictadura fascista a faelo contra una democracia capitalista y monárquica. Fueron los tiempos en que’l rei xuró los Principios del Movimientu Nacional y la Constitución, el PSOE abandonó’l marxismu, el PCE dexó tras el republicanismu y el capital encontó les bases del sistema social que terminó entartallando social y económicamente a la ciudadanía del estáu español. Foi una llucha que duró pocu más de diez años hasta qu’en 1984 desmanteláronse los últimos grupos activos. Esti llibru avéranos a los mozos que formaron parte d’aquellos grupos autónomos que se remontaron ante la gran mentira llamada “transición democrática” y tamién al contestu nel que vivieron: la contracultura, l’autonomía obrera, la clandestinidá y, poques gracies, la represión. La muerte del Jebo, al españar l’artefactu que manipoliaba en Toulouse o l’asesinatu d’Agustín Rueda na cárcel de Carabanchel formen parte desa hestoria callada. Joni D. nació en 1968 y dende bien mozu fexo xirar la so vida alredor de la cultura. Ente 1982 y 1996 fexo de músicu, cantante, periodista, editor fonográficu y promotor, siempre d’una manera non profesional nel sentíu económicu de la palabra. En 1997 creó la empresa de promoción musical Hace Color, con dalgunos de que los sos grupos, como Cheb Balowski, La Kinky Beat, Joxe Ripiau o Fermin Muguruza, dio, polo menos, media vuelta al mundu. A finales del añu 2010 publicó’l so primer llibru “Que pagui Pujol! Una crónica punk de la Barcelona de los 80”, un llibru que pañaba les sos memories de mocedá y que recibió una gran respuesta per parte de crítica y públicu. Foi, amás, el primer llibru d’una nueva editorial cooperativista, La Ciutat Invisible. La resultancia de la collaboración ente la nueva editorial y el novel autor foi totalmente inesperáu: más de 3000 copies vendíes en dos años incluyendo una edición en castellanu ocho meses dempués de la primer distribución del orixinal. 11 de xunu, 2014 0 FacebookTwitterPinterestEmail
Política Homenaxe a los milicianos asturianos en Bizkaia by asturnet 9 de xunu, 2014 Andecha Astur participará un añu más nel homenaxe que tendrá llugar el prósimu 22 de xunu, nel conceyu de Larrabetzu (Bizkaia), onde en 1937 un continxente de milicianos asturianos defendieron esti pueblu frente al avance de les tropes facistes. Tres la rotura del frente poles tropes franquistes, un númberu indetermináu d0estos milicianos foren sosprendíos y muertos nesti llugar, siendo dempués entierraos nuna o varies de les trincheres quhabía. Nalcordanza de toos ellos, pa honrar la so memoria y la solidaridá na llucha anti-facista, el prósimu domingu 22 de xunu, y por tercer añu consecutivu cellebraráse un homenaxe en Larrabetzu un homenaxe a esos asturianos, nel quAndecha Astur participará activamente. La xornada escomenzará con una recepción na Herriko Plaza a les presones que dende Asturies aportamos a tomar parte nel actu, ente los que tarán la banda de gaiteros “Turruxón” que xunto a los trikitrilaris de Larrabetzu entamarán musicalmente el dii con una kalejira. Darréu, en Bolumburu, el llugar onde tan entierraos los restos de los milicianos asturianos y onde se colocó lañu pasáu un monolitu nel so honor, rializaráse un Actu dAlcordanza, con estremaes intervenciones. Andecha Astur anima a participar nesti actu y fadrá por tresnar un autocar. Los interesaos puen atopar más información nos llocales de la organización y al traviés del mail andechainfoarrobagmail.com 9 de xunu, 2014 0 FacebookTwitterPinterestEmail
Comunicación Radio 5 emite un programa especial dende Uviéu esti Martes de Campu pa conmemorar el so 20º aniversariu by asturnet 9 de xunu, 2014 Radio 5 Todo Noticiae sigue’l so percorríu per España con una serie de programes especiales pol so 20º aniversariu, que se cumplió’l pasáu mes d’abril. Nesta ocasión, la ciudá escoyida ye Uviéu, que celebra la so tradicional fiesta del “Martes de Campu” onde podrá vese y sentise’l programa especial a les 12 del meudía nel Campu San Francisco. Les celebraciones d’estos venti años de serviciu públicu van llevar a la emisora a distintos puntos de la xeografía española, aprovechando les fiestes y cites culturales que van tener llugar nestes localidaes nos próximos meses. El percorríu de Radiu 5 pa conmemorar el so 20º aniversariu llega a Uviéu esti martes por cuenta de les celebraciones del Martes de Campu, tamién conocíu como La Balesquida, fiesta local de la capital asturiana. Ente les 12.05 y les 12.30 hores, la emisora Todo Noticies va ufiertar un programa especial dende’l Paséu de los Álamos, nel campu de San Francisco. El programa va cuntar cola presencia del alcalde d’Uviéu, Agustín Iglesias Caunedo; el presidente de la Confrería de La Balesquida, José Antonio Alonso; y el músicu americanu afincáu n’Asturies Michael Llee Wolfe. Una nueva parada nesta programación especial de Radiu 5, qu’empezó en febreru cola emisión dende la see de la UNESCO en París pa celebrar el Día Mundial de la Radio. Les celebraciones de los 20 años de la primer emisora española Todo Noticies van llevar a Radiu 5 a distintos puntos de la nuesa xeografía aprovechando les sos fiestes y cites culturales, como, por casu, los Sanfermines de Pamplona. 9 de xunu, 2014 0 FacebookTwitterPinterestEmail
Comunicación Fotoperiodismu asturianu nel Barjola by asturnet 9 de xunu, 2014 Como cada añu, los fotoperiodistes asturianos faen balance y ponen de nuevo énte los güeyos de la ciudadanía aquelles imáxenes coles que s’ilustraron los aconteceres del exerciciu anterior. Nun se correspuenden, necesariamente, coles noticies qu’entós se consideraron más relevantes, porque’l tiempu tamién apurre un nuevu prisma a les miraes y revela cómo acontecimientos que resultaben aparentemente menores revistíen una singularidá que-yos facía merecer una nueva güeyada. D’esta mezcla, de la constatación de lo que foi y del descubrimientu de lo que pudo pasar inalvertío, surde la colección d’imáxenes que compón Miraes 2014 -una escoyeta de 92 imáxenes onde se revisen socedíos y protagonistes del añu 2013 n’Asturies- que va poder visitase nel Muséu Barjoja de Xixón ente’l 6 de xunu y el 3 d’agostu. 9 de xunu, 2014 0 FacebookTwitterPinterestEmail
Educación L’Adolfo Posada ufre un cursu online de llingua asturiana de baldre by asturnet 9 de xunu, 2014 L’Institutu Asturianu d’Alministración Pública Adolfo Posada (IAAP) vieno acabante d’incorpora al so programa de Formación abierta a la ciudadanía los materiales didácticos del cursu «Falar y más falar. Llingua asturiana I». D’esta miente, les persones interesaes pueden matriculase de manera gratuita y acceder a los conteníos del cursu, que recueye los rudimentos y normes básiques de la escritura correcta del asturianu, faciendo posible un acercamientu prácticu al so usu n’ámbitos cotidianos: el trabayu, el mediu urbanu, la comida, el mercáu, los viaxes, les tecnoloxíes nueves… Los interesaos en saber más sobre les característiques d’esti programa formativu, equí upen descargar la Guía de Formación Abierta de la web del Institutu. Web de Formación Abierta del Institutu Adolfo Posada 9 de xunu, 2014 0 FacebookTwitterPinterestEmail
Educación L’Adolfo Posada ufre de baldre un cursu online de llingua by asturnet 9 de xunu, 2014 L’Institutu Asturianu d’Alministración Pública Adolfo Posada (IAAP) vieno acabante d’incorpora al so programa de Formación abierta a la ciudadanía los materiales didácticos del cursu «Falar y más falar. Llingua asturiana I». D’esta miente, les persones interesaes pueden matriculase de manera gratuita y acceder a los conteníos del cursu, que recueye los rudimentos y normes básiques de la escritura correcta del asturianu, faciendo posible un acercamientu prácticu al so usu n’ámbitos cotidianos: el trabayu, el mediu urbanu, la comida, el mercáu, los viaxes, les tecnoloxíes nueves… Los interesaos en saber más sobre les característiques d’esti programa formativu, equí upen descargar la Guía de Formación Abierta de la web del Institutu. Web de Formación Abierta del Institutu Adolfo Posada 9 de xunu, 2014 0 FacebookTwitterPinterestEmail