Educación Indignación nos centros públicos colos nuevos retayos by asturnet 19 de xunu, 2014 El sindicato SUATEA viejo acaban esto día d’asoleyar un comunicáu bel que amuesa la indignación nos centros públicos colos nuevos retayos de profesoráu y propón movilizaciones al profesoráu. La Conseyería de Educación sigue recortando profesoráu nos centros públicos asturianos. La Conseyería remitió a lo primero del mes de xunu una nueva propuesta de plantiya docente pal próximu cursu 14-15 onde en munchos centros tanto de primaria como de secundaria ven minorada la so plantiya. Incluso dasel casu de quhebia menos profesoráu que lotru cursu con un grupu más en funcionamiento. Los recortes cébense cola atención a la diversidá y cola eliminación de places de profesoráu de la especialidá de Primaria. SUATEA denunció esta situación na última reunión quhubo esta mesma mañana pola Xunta de Personal docente onde desixó tratar los casos destos recortes y que satendieren les alegaciones de los centros. Les direcciones de les Escueles y Institutos que vieron recortada la so plantiya tán recibiendo esta selmana la comunicación de que les sos propuestes- razonaes y basaes nes necesidaes reales- tán desestimándoles per aciu dun corréu electrónicu ensin tener en cuenta la complexidá de la organización de los centros. Depués de la negociación de la plantiya docente- recordemos que fuera oxetu de refugu per parte de toles organizaciones sindicales de la Mesa Sectorial- la Conseyería comprometióse a dotar les places que nun apaecieren na plantiya oficial de cara al cursu que vien. Esta promesa ta incumpliéndose y ta constatándose cómo lalministración sigue amortizando places de persones que se xubilen o vaiganxubilase dequí a poco, la conversión de munches places completes en places a media xornada y la desapaición de munchos apoyos y puestos venceyaos a latención a la diversidá. SUATEA augura una medría brutal de les medies xornaes y de la carga llectiva del profesoráu. Tamién va ser un vezu común que lalumnáu dInfantil y Primaria vea multiplicául númberu de docentes que pasen diariamente pela so aula, yá que ca vez sobligue a más profesoráu especialista a compartir el so trabayu cola tutoría y ca vez se cuenta con menos profesoráu dapoyu patender a la diversidá del alumnáu. La indignación medra nos centros, yá questo vien a sumase a polítiques errátiques, improvisaes y con criterios mercantilistes (programa billingüe, normativa sobre actividaes estraescolares, llibros de testu, implantación de la LOMCE ensin consultar a la comunidá educativa ) y que lo que faen ye cargar de trabayu al profesoráu y los equipos directivos a los que se-yos recorta personal faciendo insostenible la situación de munchos centros educativos. Si la Conseyería nun rectifica, SUATEA propondrá la convocatoria de movilizaciones dende laniciu de cursu contra una alministración quabandona a la escuela pública a la so suerte convirtiéndose en discípulos ca vez más aventaxaos del Ministru Wert. 19 de xunu, 2014 0 FacebookTwitterPinterestEmail
Sociedá Una campaña que sofita la ufierta obligatoria de Llingua na estaya infantil algama 700 firmes en cuatro hores by asturnet 19 de xunu, 2014 Una campaña entamada esti xueves pola Asociación Reciella pa pidir a la Conseyería d’Educación que permita a los nuestros fíos y fíes exercer el derechu d’alfabetizase y conocer la llingua asturiana dende la educación Infantil, daqué que nesti momentu nun se-yos reconoz más que nunos pocos centros d’Asturies, lleva yá más de 700 firmes en pocu más de cuatro hores. Na campaña pidese tamién que se pongan en marcha les midíes oportunes d’inclusión nel curriculum, previsión de docentes y fomentu d’actitúes positives hacia la pacífica convivencia llingüística nel ámbitu educativu. La campaña pue firmase equí. L’asociación Reciella (families pol asturianu) alvirtió esta mañana de que, como vien asocediendo nos últimos cursos escolares, les más de les escueles nun ufierten la opción d’asturianu na educación Infantil (3-6 años). En dellos colexos sí se sigue ufiertando l’asignatura voluntaria, que nel so día tuvo xeneralizada, anque cada cursu en peores condiciones. Dende Reciella recuérdase la importancia de l’alquisición de les llingües n’edaes tempranes y de la discriminación que supon que los neños y neñes que tienen l’asturianu como llingua materna, nun puedan cursar l’asignatura hasta que nun entamen el ciclu de Primaria. Nos últimos díes y coincidiendo col periodu de matrícula qu’acaba mañana vienres, un grupu numberosu de families, tantu asociaes a Reciella como non asociaes, amosaron la so esmolición por esta situación, especialmente porque la Llei d’Usu y protección del asturianu, establez que el Principáu d’Asturies va garantizar la enseñanza del bable asturianu en tolos niveles y graos. Nesi sentíu púnxose a última hora de la mañana de güei xueves en marcha una recoyida de firmes per parte d’un grupu de families, que consiguió más de 700 sofitos en pocu más de 4 hores, y sigue creciendo de forma exponencial. Pese a lo que prescribe la Llei de Promoción del Bable/Asturianu*, la ufierta de llingua asturiana na Educación Infantil nun ta xeneralizada en tolos centros educativos d’Asturies, y namás hai garantía d’acceder a la asignatura n’Educación Primaria (siempre, d’alcuerdu cola llei, en réximen de voluntariedá). Les families que tenemos nel asturianu l’idioma de casa, y les que non teniéndolu, entendemos que la llingua ye una parte importante del patrimoniu asturianu, deseamos que los nuestros fíos y fíes tengan la oportunidá d’alfabetizase tamién nesta llingua, o deprendela, dende’l primer contactu cola escuela, na educación Infantil (3-6 años). Tamos convencíes qu’únicamente la convivencia ente les llingües falaes n’Asturies nun contestu formal, como ye l’escolar, va ser quien a acabar cola histórica marxinación que vivimos los falantes d’asturianu y gallego-asturianu na nuestra propia tierra. Queremos que los nuestros fíos y fíes aprendan a escribir y falar correctamente los dos idiomes, de manera que nel futuru puedan ser persones billingües a tolos efectos; cosa que, como aseguren tolos estudios internacionales sobre aprendizaxe tempranu d’idiomes, va facilita-yos sumar a estos dos, de manera normal, una tercera o cuarta llingua. Y tamién queremos que les persones que nun tienen l’asturianu como llingua materna puedan tener oportunidá de deprendela, ya que la llingua ye una parte perimportante de la nuestra cultura, a la que nun se-y puede negar accesu a ninguna familia. Por too ello demandase-y a la Conseyería d’Educación que permita a los nuestros fíos y fíes exercer el derechu d’alfabetizase y conocer la llingua asturiana dende la educación Infantil, daqué que nesti momentu nun se-yos reconoz más que nunos pocos centros d’Asturies. Pa ello pidimos tamién que se pongan en marcha les midíes oportunes d’inclusión nel curriculum, previsión de docentes y fomentu d’actitúes positives hacia la pacífica convivencia llingüística nel ámbitu educativu. * “el Principado de Asturias garantizará la enseñanza del bable/asturiano en todos los niveles y grados, respetando no obstante la voluntariedad de su aprendizaje. En todo caso, el bable/asturiano deberá ser impartido dentro del horario escolar y será considerado como materia integrante del currículo. 19 de xunu, 2014 0 FacebookTwitterPinterestEmail
Sociedá L’Alla y la sociedá civil amuesen la so posición favoratible a la ufierta de l’asignatura de Llingua Asturiana en primaria by asturnet 19 de xunu, 2014 Esti vienres, a les 12 de la mañana, nel llar de l’Academia de la Llingua Asturiana, esta institución y delles otres sindicales, educatives y sociales amosarán la so posición alrodiu de la polémica xurdida esta selmana cola aplicación de la LOMCE, sobro’l currículu dAsturies y la enseñanza de la Llingua Asturiana. Ente les asociaciones que tarán presentes na rueda de prensa alcuéntrense sindicatos como SUATEA, CC.OO de la Enseñanza y FETE-UXT, la FAPA Manuel Virgós, FAPAS-Xixón, el Sindicatu dEstudiantes, la Xunta Estudiantil Asturiana, la Xunta pola Defensa de la Llingua Asturiana, Iniciativa pol Asturianu, l’Asociación de Pas Reciella y dellos otros coleutivos sociales y culturales dAsturies. 19 de xunu, 2014 0 FacebookTwitterPinterestEmail
Política IX veta la llei de responsabilidá medioambiental by asturnet 18 de xunu, 2014 IX d’Asturies vieno acabante de presentar vetos a los proyectos de llei de Saléu Marítimu y de Responsabilidá Medioambiental, altiempo que críitica a la lldi d’Abdicación, sigún dejó afitao esto día’l sensor Jesús Iglesias. Respectu al proyectu de Llei de Saléu Marítimu, el senador asegura que nun unifica la normativa del sector y que la empiora, tantu porque dexa a l’alministración como mera observadora nos rescates de barcos en situación de peligru inminente de fundimientu, nun aplica les regulaciones de la OIT en materia llaboral sobre trabayo marítimu, abre la puerta a privatizaciones al dexar que l’Alministración realice llabores de salvamentu al traviés d’entidaes privaes y llinda la independencia de el capitanes de buques, yá que pasen a ser consideraos “personal d’enfotu” del armador, lo que puede suponer un claru amenorgamientu de la so capacidá pa obrar con autonomía. En cuanto al proyectu de Responsabilidá Medioambiental, la nueva llei supedita los mecanismos de protección na materia al propiu desenvolvimientu de l’actividá que se realice, devalúense les condiciones de trabayu y salarios y prescíndese de munchos mecanismos de control o d’usu de tecnoloxíes afayadices, esimiendo al 98% de les actividaes económiques de xenerar riesgos medioambientales d’establecer garantíes pa casos d’accidentes. Al pie de ello, la nueva llei dexa que sían les mesmes empreses quien envaloren y evalúen el tipu de garantía que tienen d’establecese. 18 de xunu, 2014 0 FacebookTwitterPinterestEmail
Lliteratura Miguel R. Montevaro publica Poemas pramantes y paquidernos by asturnet 18 de xunu, 2014 L’escritor Miguel Rodríguez Monteavaro (Bual, 1990) torna otra vuelta publicar un poemario cola editorial Trabe y 2failo col título Poemas pramantes y paquidermos. Este é el terceiro llibro del bualés, que xa confirma a súa presencia na lliteratura en gallego-asturiano como úa voz característica, non xa como úa promesa” como asolea la nota de prensa na qu’esti día s’asoleyaba l’anuncia de la publicación. Na mentada nota de prensa desplicábase también que “despóis de Trenta razóis pra nun medrar (Trabe, 2010) veu el llibro Todos os tristes de mayo (Trabe, 2013), que cua súa versión en asturiano (Tolos tristes de mayu) ganóu el Premio de Poesía Fernán Coronas 2012. Agora publícase Poemas pramantes y paquidermos, úa reflexión acerca daquello quimprime a sociedá nel carácter individual de cada persona, hasta el punto de considerar búa ou mala xente a daquén solo pol feito de tomar certas decisióis. Este llibro forma parte das novas corrientes lliterarias polas que vei discurrindo el gallego-asturiano, variedá llingüística en pleno esplendor artístico. A publicación ta dentro da colección Pontiga de poesía da editorial Trabe y ten, como puntos fortes estralliterarios, as imaxes orixinales, de portada y del autor, da fotógrafa Svetlana Poutilina y un testo de solapa del poeta Pablo X. Suárez”. Sigún informaba la editorial esti día “prevénse varias presentacióis del llibro quagora se publica de cara al outono, como é habitual cuas edicióis de Rodríguez Monteavaro. A os actos de presentación de Trenta razóis pra nun medrar y de Todos os tristes de mayo foran máis de cen personas y contaran cua participación de cerca de vente personaxes da cultura asturiana. Nestas futuras presentacióis ha a tar tamén presente outra nova publicación del poeta pra este ano: a traducción al asturiano del sou anterior llibro, Tolos tristes de mayu (Trabe, 2014), que salirá á lluz nos próximos meses”. 18 de xunu, 2014 0 FacebookTwitterPinterestEmail
Educación SUATEA denuncia que’l PP pretende arrequexar más tovía la llingua asturiana nel sistema educativu by asturnet 18 de xunu, 2014 Con motivu de la iniciativa presentada pol grupu parlamentariu del PP na Xunta Xeneral pretendiendo que la Conseyería dEducación modifique la ufierta dasignatures de llibre configuración nel nuevu Currículu dEducación Primaria, pa que lasignatura de Llingua Asturiana entre a competir con otres materies, SUATEA rizo esto miércoles una denuncia escontra’l PP que na so opinión “pretende arrequexar más tovía la llingua asturiana nel sistema educativu”. Nesti sen, SUATEA quería, nun comunicáu asoleyáu esto día, manifestar que’l nuevu currículu “ye una consecuencia de laprobación en Madrid de la nueva llei deducación, la LOMCE, quobliga a modificar los currículos de toles etapes educatives non universitaries”. Amás,na opinión del sindicato “nun ta de más recordar que nel primer borrador de la LOMCE desapaecía materialmente la posibilidá destudiar Llingua Asturiana, dao que namás apaecíen les llingües cooficiales. Foi la presión ciudadana, y mui especialmente la desti sindicatu, la que fexo posible que na versión definitiva siga la puerta abierta pal so estudiu. SUATEA camienta q’hasta agora, el currículu dEducación Primaria incluyía, en cumplimientu de la Llei dUsu del Bable/Asturianu de 1998, fecha a iniciativa del propiu PP, la voluntariedá de lasignatura de Llingua Asturiana (o Gallego-Asturiano nel so ámbitu): “los escolinos podíen escoyer ente dar la materia o una alternativa a la mesma, quen nengún casu suponía avance curricular. Pero la nueva versión del currículu ellaboráu pola Conseyería dEducación mete nel apartáu dasignatures de llibre configuración a la Llingua Asturiana y, como alternativa a la mesma, Cultura Asturiana. Nun supón una meyora pa la Llingua Asturiana respecto a la situación anterior. Sí, en cambio, introduz un mínimu de seriedá en tanto que se pon como alternativa a la mesma una asignatura reglada, Cultura Asturiana, que valdrá pa meter conteníos de la nuestra comunidá nun currículu onde Asturies ta ausente dafechu, dao quel ministeriu nun dexa meter talos conteníos nes materias troncales”. La pretensión del PP denanchar esi abanicu doptatividá, supuestamente faciéndose eco dun clamor social que la realidá desmiente, queriendo meter llingües estranxeres nun currículu sobresaturáu de les meses amuesa, na opinión de SUATEA, “un desconocimientu absolutu de la realidá educativa asturiana, amás de dexar bien claro que la so pretensión ye que los escolinos estudien cualesquier otra materia anantes de conocer la llingua y/o la cultura dAsturies”. El sindicatu asturianu cela enseñanza atalanta que nun ye sinon “un exerciciu dhipocresía escandalosu falar del derechu a la llibre elección pa intentar arrequexar a la llingua asturiana del sistema educativu mientres sapoya una llei que sigue obligando a ufiertar la Relixón Católica non una sinón dos veces en toles etapes obligatories precisamente pa que los estudiantes puean estudiar si quieren la so alternativa, Valores Sociales. Asignatura esta de Relixón, por cierto, que nAsturies va cuntar con más carga horaria que la prevista na propia LOMCE”. Pa finar, SUATEA diz qu’esta iniciativa ye, en definitiva, “un nuevu intentu por espulsar del sistema educativu a la llingua asturiana, o nel so defectu mantenela nel modelu de precariedá permanente que lleva teniendo dende va trenta años con toos y caún de los gobiernos que se fueron sucediendo nel Principáu. La responsabilidá desta situación ye de tolos partíos que tuvieron o tienen responsabilidaes de gobiernu, polo que dende SUATEA encamentamos a tolos grupos parlamentarios a quigüen duna vez esta situación y aprueben en definitival marcu llegal amañosu pa torgar estos ataques, que nun ye otru que la oficialidá”. 18 de xunu, 2014 0 FacebookTwitterPinterestEmail
Educación El CUPA pide camudar el Reglamentu de Doctoráu pa que lasturianu tengal mesmu tratamientu quel castellán by asturnet 18 de xunu, 2014 El Conceyu Universitariu pol Asturianu (CUPA), al traviés del so vocal de rellaciones institucionales, Inaciu Galán, vieno acabante solicitar a la Universidá dUviéu un cambiu nel artículu 25.2 apartáu A) del Regalmentu de Doctoráu, onde se diz: La memoria que recoge la labor realizada en la tesis doctoral se redactará en español, solicitándose quapaezal siguiente epígrafe: La memoria que recoge la labor realizada en la tesis doctoral se redactará en español o asturiano. Con esti cambiu eliminariénse les condiciones especiales que sesixen pa presentar la memoria de la tesis nasturianu, que ponen a la llingua asturiana al nivel de llingües estranxeres, en llugar de como llingua propia de la Universidá dUviéu, yá que tal como se recueye nos sos estatutos nun pue discriminase a naide pol usu de la mesma: «Artículu 6.2: La Llingua Asturiana va ser oxetu destudiu, enseñanza ya investigación nos ámbitos que correspuendan. Asinamesmul so usu va tener el tratamientu questablezan lEstatutu dAutonomía y la llexislación complementaria, garantizándose la non discriminación de quien la empegue». Acordies con esta normativa, y a xuciu del CUPA, lactual reglamentu incumple dafechu les condiciones dusu normal del asturianu afitaes nos Estatutos de la Universidá dUviéu, asina como na Llei dUsu del Asturianu de 3 de marzu de 1998, dambos testos llegales de rangu superior al citáu en primer llugar. La solicitú faise nesti momentu aprovechando lactual periodu de consultes a la comunidá universitaria por mor de delles modificaciones que se proponen dende lequipu rectoral. Yá nel añu 2011 una reclamación del CUPA sobre esti mesmu Reglamentu, puestu en marcha esi añu, permitió que per primer vegada lasturianu apaeciera ente les llingües nes que podía presentase la tesis doctoral dientro dun reglamentu, anque dende los años 80 del sieglu pasáu veníen faciéndose tesis nasturianu. Lequipu rectoral de Vicente Gotor tien agora la oportunidá denmendar una situación que ta a les clares contra la normativa legal danguaño, sigún el CUPA. 18 de xunu, 2014 0 FacebookTwitterPinterestEmail
Sociedá Esti sábadu, “Empapela la Xunta Xeneral” by asturnet 18 de xunu, 2014 Col slogan “Empapela la Xunta Xeneral” organizaciones sindicales y polítiques quieren aconceyar ala ciudadanía esto sábado 21 de xunu, contra los retayos, polo público, pan, techu, trabayu, renta básica, contra’l pagu de la delda ilexítima” y tilos retayos en xeneral que vien sufriendo la ciudadanía. La marcha contra los retayos y en defensa de lo público enramará a les 11 ente la estación de tren de Llugones y lestación de tren dUviéu y a les 13 horas sedrá la Manifestación dende la estación de tren hasta la Xunta Xeneral, con llectura a la fin de Comunicáu dAsturies en Marcha y parlamentos de los distintos colectivos afectaos polos retayos, sanidá, educación, dependencia, paraos .etc. Arrodiarase la Xunta Xeneral con papel hixénicu El Elefante y a les 15 hores habrá Xinta: “Comemos los chorizos, chorizada popular solidaria, xinta nel campu San Francisco, con chorizos a la sidra solidarios a los que convida la plataforma, amás de la comida que lleve cada unu. Va facer falta pan. Les compañeres de La Caracola Iniciativas Sociales comparten con nós la so Zumba”. Pela tarde, a partir de les 16,30 horas, representarase la obra de teatru El Mercado per parte de voluntarios y coordináu pola Plataforma de pensionistas. 18 de xunu, 2014 0 FacebookTwitterPinterestEmail
Lliteratura Iris Díaz Trancho escribe El convidáu real pa la celebración del IX Alcuentru Medieval de Samartín by asturnet 17 de xunu, 2014 La xixonesa Iris Díaz Trancho ye l’autora la obra El convidáu real qu’ecsribió pa la so representación na ceremonia d’apertura del IX Alcuentru Medieval, que va tener llugar na localidá de L’Entregu, el próximu 18 de xunetu, nel marcu de les fiestes de La Llaguna, entamaes pola Sociedá de Fiestes y Cultura L Entregu. La obra va ser interpretada nel actu de coronación del Rei Aurelio, figura qu’anguaño va tar representada pol cocineru y presentador de televisión Christian González. Con ésti son yá nueve los guiones teatrales de corte medieval y/o referente a la figura del Rei Aurelio qu’escritores, na so mayoría del conceyu, publicaron en llingua asturiana dende l’añu 2006 pa conmemorar cada edición del Alcuentru Medieval. Iris Díaz Trancho, docente y escritora, ye graduada n’Educación Infantil y Post-graduada col títulu d’Esperta en Filoloxía Asturiana. Anguaño imparte clases de llingua asturiana na Educación Primaria nel Colexu Públicu Lloréu, en Xixón. Ente les sos publicaciones destaca Vivu nuna casa malva, Mio ma, la pirata o La Neña de les trences al revés, en lliteratura infantil y xuvenil; o Pincelaes y Nome, en narrativa; amás d’otres publicaciones que se recueyen en recopilatorios y artículos varios. El convidáu real ye la primer incursión nel xéneru de la dramaturxa d’esta escritora, polo que supunxo un nuevu retu personal y profesional na so esitosa carrera lliteraria, empecipiada en 2005 cola publicación del relatu infantil La caxa de cristal. La obra ta escrita en clave d’humor a partir de les apaiciones del tresnocháu Rei Aurelio al momentu actual. 17 de xunu, 2014 0 FacebookTwitterPinterestEmail
Música Un programa de 17 grupos y 9 locales axuntase nel festival N’Alcordanza d’Igor y Carlos que va tener llugar en Xixón by asturnet 17 de xunu, 2014 Los díes 27 y 28 de xunu va desenvolvese en Xixón el festival N’Alcordanza, en memoria y homenaxe de los músicos asturianos Ígor Medio y Carlos Redondo, finaos n’accidente de tráficu en 2006. Amás de la faceta señardosa, el festival tamién tresmite un mensaxe reivindicativu del oficiu de músicu. Dende fai 8 años, grupos y locales de la ciudá de Xixón axúntense alrodiu l’alcordanza d’Ígor Medio y Carlos Redondo, figures clave de la música asturiana, y que finaron n’accidente de tráficu cuando diben tocar a Barcelona la nueche de San Xuan de 2006. En 2014 el Festival N’Alcordanza vuelve apostar pol formatu del añu pasáu, conciertos repartíos per tou Xixón de distintos estilos en dos intensos díes. Asina, 17 grupos van participar a partir del vienres 27 de xunu hasta la nueche del 28 en 9 conciertos en delles de la sales y locales xixoneses más xuníos al mundu de la música. Puede consultase los horarios y llugares de los conciertos na páxina web del festival www.nalcordanza.com. Pero al igual que l’añu pasáu, N’Alcordanza tamién quier sirvir d’altavoz pa reivindicar una meyor considerancia, por parte de munchos sectores, del oficiu de músicu. Si na edición anterior publicóse un manifiestu, en 2014 más de venti artistes asturianos realizaron una serie de Postales nes que representen qué ye pa ellos la música y la xera y trabayu de facela. A lo llargo de tol mes de xunu va espublixándose cada día’l trabayu d’un artista. Esta iniciativa lleva’l nome de “Les Postales”, y tamién se puede ver na web asina como en las redes sociales del festival. Música ya imaxe xúntense n’alcordanza d’Ígor y Carlos, asina como n’acción de protesta por una mayor considerancia y respetu que merez la música y les persones que la faen. 17 de xunu, 2014 0 FacebookTwitterPinterestEmail