Educación IX pide unidá de bachilleratu en Zarréu by asturnet 19 de xineru, 2015 El coordinador xeneral d’IX Asturies, Manuel González Orviz, pidió güei que s’estudie la puesta en marcha d’una unidá de bachilleratu en Zarréu, dada la situación xeográfica y la climatoloxía de la zona. Según la concejala d’IX nel conceyu, Susana Rodríguez Sal, nestos momentos la población escolar que quier realizar estudios de bachilleratu esta obligada a matriculase en Vil.lablinu, yá na Comunidá Autónoma de Castiella y Llión. 19 de xineru, 2015 0 FacebookTwitterPinterestEmail
Educación La Conseyera reafirmase na petición de la especialidá by asturnet 19 de xineru, 2015 < Les dclaraciones esactes de la Conseyera, que recoyía esti día el diariu asturianu El Comercio afitaben que dende’l gobiernu del Principáu van siguir con delles estratexes: “La primer delles ye que si ellos nun la reconocen, teniendo como tienen la competencia, que me digan que dalcuerdu con qué llexislación pue facelo la conseyería. 19 de xineru, 2015 0 FacebookTwitterPinterestEmail
Sociedá El cantar del vasu encaminase en poco más de 10 díes a les 17000 reproducciones en YouTube by asturnet 19 de xineru, 2015 Dende’l so llanzamientu’l pasáu 9 de xineru en YouTube, “El Cantar del Vasu” vien algamando una importante repercusión nesta rede social, superando nesti tiempu ampliamente les 15.000 visites y encaminándose ya a les 17.000. La iniciativa, asemeyada a la desendolcada n’Irlanda cola “Cup Song”, quier afitar la importancia de la tresmisión de la llingua asturiana a les nueves xeneraciones y ye la primer iniciativa del proyeutu Xuncir, entamáu por Pablo A. Quiroga Prendes, Policarpo Mencía Álvarez ya Iván Huerga Antuña. Nesta iniciativa collaboren instituciones como’l Real Sporting de Xixón, el Real Uviéu, y personalidaes pernomaes como Camilo Sousa, Paula Rojo, María Cotiello, William Miller, Blanca Romero, Melendi o Quini. La iniciativa empobinada por Xuncir, lleva grabándose dellos meses dende’l branu, col sofitu d’ente otros, la Xunta pola Defensa de la Llingua. 19 de xineru, 2015 0 FacebookTwitterPinterestEmail
Sociedá Abiertu’l plazu de matrícula pala prueba conocencia de l’Alla by asturnet 19 de xineru, 2015 Como davezu nel entamar de cada añu, esti 31 de xineru de 2015, l’Academia de la Llingua Asturiana va facer la primera de les dos pruebes semestrales de conocencia de la llingua pa tolos interesaos n’amosar esa conocencia y poder acreditalo. El plazu de matrícula ye del 19 al 29 de xineru y l’horariu de matrícula va ser esos díes los llunes a xueves de 9 a 15 hores y de 16 a 19 y los vienres de 9 a 14. A les persones declaraes aptes nesta prueba, lAcademia dará-yos un documentu onde safite la conocencia nel nivel 1 o básicu según calces siguíos por esta Institución y les persones que nun superen les pruebes del nivel 1 podrán presentase a nueves convocatories toles vegaes que-yos pruya. Pal bon resultáu destes pruebes habrá tenese un dominiu básicu de la teoría gramatical del asturianu (conocencia y dominiu del funcionamientu gramatical del asturianu y de la normativa académica), de la práutica escrita (emplegu amañosu de la llingua, puestu en práutica gracies a exercicios gramaticales y de composición escrita), práutica oral (emplegu faláu de la llingua, nuna situación real o imaxinaria, que se va valorar nuna conversación colos miembros del xuráu calificador). Y tamién la conocencia del allugamientu de la llingua dientro de la sociedá asturiana asina como del procesu de normalización en que ta inxerta. La prueba va tener dos partes, una escrita (dictáu, torna, exercicios gramaticales, redaición) y otra falada (conversación). Nota. Resulta imprescindible conocer les xeneralidaes gramaticales de la llingua asturiana y los aspeutos básicos de la so normativa ortográfica (Normes ortográfiques, ALLA, Uviéu, 2012, 7ª ed. revisada; Gramática de la Llingua Asturiana, ALLA, Uviéu, 2008, 3ª ed. reimpresión). Asina mesmo, aconséyase la llectura de testos fechos acordies cola normativa, como los asoleyaos por esta Academia. 19 de xineru, 2015 0 FacebookTwitterPinterestEmail
Mundu ELEN presenta esti xueves un informe a la ONU colos casos de discriminación llingüística nel Estau español by asturnet 19 de xineru, 2015 La Rede Europea d’Igualdá Llingüística (ELEN), a la que pertenez Iniciativa pol Asturianu, vieno acabante d’asoleyar un informe pa la Revisión Periódica Universal (UPR) de les Naciones Xuníes no que cinca a los casos de discriminación y ataques escontra los falantes de llingües estremaes del castellán nel Estáu español, ente 2007 y 2013. El procesu pue siguise en vivo na televisión de la ONX entamando a les 9am del xueves 21. L’informe detalla casos específicos d’ataques y discriminación escontra falantes d’aragonés, asturianu, catalán, gallegu y vascu nel periodu ente 2007 y 2013. Una delegación derepresentantes d’ELEN atenderá’l xueves 21 a la sesión de la UPR onde l’Informe de Drechos Humanos del Estáu español sedrá revisáu pol Reinu Xuníu, Sierra Lleona y Macedonia. La delegación tará lliderada pel caderalgu y vicepresidente d’ELEN Ferran Suay (Acció Cultural del País Valencià (ACPV), el vicepresidente Marcos Maceira (a Mesa pola Normalización Lingüística, Galicia), Rosa de les Neus Marco (Plataforma per la Llengua, Cataluña), Francesc Felipe, Jaume Fullana y Natxo Badenas (Escola Valenciana). L’eventu sedrá grabáu por Aurelio Lopes d’Irmandade TV. Los miembros d’ELEN pertenecientes a Iniciativa pol Asturianu informen de más de 25 casos de seria discriminación llingüística hacia los falantes d’asturianu. Los casos incluyíos nel informe son namás una parte de la discriminación que realmente asocede, yá quen munchos casos les víctimes d’esos abusos illegales nun informen d’ello y nun algama a les ONGs o los medios. Nel casu catalán, con más de 40 fechos constataos nos caberos 7 años, l’80% de tolos casos asocedieron n’organismos direutamente dependientes de l’alministración española. Esto ye sobremanera serio pola mor de que’l Gobiernu español ye’l caberu responsable de facer cumplir les lleis estatales, los estatutos d’autonomía y les conveiciones internacionales firmaes y ratificaes per España, que prohiben la discriminación llingüística. Los fechos amuesen que los ciudadanos falantes d’estes llingües tán nuna situación estremadamente vulnerable, yá que nun puen facer namás que denunciar los abusos que reciben a les mesmes instituciones que tán aplicando talos abusos. Nos xulgaos, que tendríen de ser garantes de los Drechos Humanos, la situación ye particularmente seria. Por exemplu, un xuez quitó-y la custodia de la so fía a un padre alegando qu’esti falába-y en catalán pa separtala de la so madre (casu 34). L’informe conclúi que les autoridaes españoles “aliten o a lo menos toleren abiertamente atitudes supremacistes ente’l funcionariáu y otros axentes y representantes. Ye más, considerando’l gran númberu d’evidencies detallaes en diferentes árees pue concluyise que la discriminación haza los falantes de llingües autóctones diferentes del castellán ye sistémica nel Estáu español, y que la discriminación ta institucionalizada. Ñidiamente, la busca de la xusticia al traviés de los (hostiles) xulgaos ta ya agotada, lo qu’afita los pegoyos p’apelar a la Corte Europea de Derechos Humanos (ECtHR) y al Tribunal de Xusticia Européu (ECJ) y posiblemente l’Haya. afirma l’informe d’ELEN. El procesu pue siguise en vivo na televisión de la ONX http://webtv.un.org/ entamando a les 9am del xueves 21. La Rede Europea d’Igualdá Llingüística (ELEN) entamóse nel añu 2011 pa trabayar pola proteición y promoción de les llingües minoritaries y rexonales en peligru n’Europa. Hasta agora, ELEN representa a 44 llingües rexonales o minoritaries en 21 Estaos europeos. Iniciativa pol Asturianu como miembru de la Rede Europea d’Igualdá Llingüística (ELEN) collaboró cola parte sobre la la llingua asturiana nesti informeInforme completu d’ELEN 19 de xineru, 2015 0 FacebookTwitterPinterestEmail
Sociedá Óscar Chamorro gana’l VIII Concursu Semeyes LA SIDRA by asturnet 17 de xineru, 2015 Per segundu añu consecutivu, Óscar Chamorro resultó ganador del VIII Concursu Semeyes LA SIDRA con Pecado Original que destacó dendel primer momentu nun concursu polo demás peraxustáu, al que se presentaron un total de 362 semeyes, dun total de 138 autores, de 12 naciones distintes, anque llóxicamente la mayor participación foi asturiana. El xuráu, compuestu por Marcos León, fotoperiodista de LNE, Julia Pereda, Llicenciada nHª del Arte y asistente direición de Galería Viki Blanco, García de Marina, fotógrafu artísticos, Carlos Manuel López (Camala), fotógrafu, y presidíu por Jerome Muñoz director del Cientru Integráu de Comunicación, Imaxe y Soníu de Llangréu decidió conceder los premios que vienen darréu: PREMIU LA SIDRA. Dotáu con 800 (700 en metálicu y 100 en llibros) Pecado Original. Óscar Chamorro. Xixón PRIMER ÁCCESIT (50 en llibros y un llote productos sidreros) Begiratzen. Carlos de Cos Azcona. Gipuzkoa. SEGUNDO ÁCCESIT (50 en llibros y un llote productos sidreros) Cualquier momento es bueno. José Manuel Parapar. LEntregu PREMIU ESPECIAL SIDRA JR. con dos caxes de sidre JR Etiqueta Negra. Kortxoa. Carlos de Cos Azcona. Gipuzkoa Asina mesmo, esbilláronse les 20 meyores semeyes que van formar parte de la esposición itinerante que va nagurase a primeros del mes que vien na Sidrería La Galana de Xixón. El Concursu Semeyes LA SIDRA ta convocáu por LA SIDRA y cunta col sofitu del Llagar JR. Al concursu presentáronse un total de 362 semeyes, dun total de 138 autores, de 12 naciones distintes, anque llóxicamente la mayor participación foi asturiana. 17 de xineru, 2015 0 FacebookTwitterPinterestEmail
Política IX considera un despreciu a los asturianos la negativa de Wert de crear la especialidá de llingua by asturnet 16 de xineru, 2015 Emilia Vázquez, diputada d’IX na Xunta Xeneral, sostien que la negativa del Ministeriu d’Educación a crear la especialidá d’asturianu nel profesoráu ye un despreciu al sentir de los asturianos, opinión reflexada na votación parlamentaria d’una moción d’IX sobre esti mesmu asuntu que foi sofitada, el 21 de payares, por tolos grupos a esceición del PP. Esti grupu, a xuiciu de la diputada, nun fai más que manifestar de cutio la so poca o nula empatía cola llingua asturiana, amás de refugar la igualdá de los derechos de los trabayadores qu’imparten l’asignatura yá que soporten un doble raseru, qu’amenorga los sos derechos y el so futuru estable. La diputada d’IX sostien que’l PP asturianu tien la oportunidá de demostrar qu’IX enquivocárase nestes considerancies pidiendo a los sos correlixonarios del Gobiernu central una rectificación. Inda queda tiempu d’equí a principios del mes de febreru nel que s’axunta’l Conseyu Escolar del Estáu, que por cierto manifestó apocayá’l so sofitu a la creación de la especialidá. Amás, la diputada considera que’l Gobiernu d’Asturies nun puede dase por satisfechu con esta negativa y recuerda que la Xunta, col sofitu del grupu socialista, esixó la más alta implicación del Gobiernu. Nesti sentíu, esplica que ten de ser la Conseyera, Ana González, o’l mesmu Presidente, Javier Fernández, quien s’impliquen nesti asuntu. Eso ayudaría a que’l Ministru viera que ye una cuestión importante pal Gobiernu d’Asturies, esplica Vázquez. Estes socesives negatives y dificultaes pa que la llingua tenga la considerancia que merez nel conxuntu del Estáu devuélvenos, a xuiciu de la diputada, a la necesidá de que l’asturianu sía oficial. Cualesquier otra considerancia más moderada demostró’l so fracasu, sostien la diputada d’IX. Llegaos a esta situación, IX llama l’atención del Gobiernu asturianu por que defenda la cooficialidá si realmente ta a favor de los derechos llingüísticos de los asturianos. Acorde con esta posición, el grupu parlamentariu de la formación va presentar iniciatives na Xunta Xeneral nesta dirección. La diputada d’IX sostien nun comunicáu asoleyáu güei “que’l PP asturianu tien la oportunidá de demostrar qu’IX enquivocárase nestes considerancies pidiendo a los sos correlixonarios del Gobiernu central una rectificación. Inda queda tiempu d’equí a principios del mes de febreru nel que s’axunta’l Conseyu Escolar del Estáu, que por cierto manifestó apocayá’l so sofitu a la creación de la especialidá”. Amás, la diputada considera “que’l Gobiernu d’Asturies nun puede dase por satisfechu con esta negativa y recuerda que la Xunta, col sofitu del grupu socialista, esixó la más alta implicación del Gobiernu”. Nesti sentíu, esplica que ten de ser la Conseyera, Ana González, o’l mesmu Presidente, Javier Fernández, quien s’impliquen nesti asuntu. Eso ayudaría a que’l Ministru viera que ye una cuestión importante pal Gobiernu d’Asturies, esplica Vázquez. Estes socesives negatives y dificultaes pa que la llingua tenga la considerancia que merez nel conxuntu del Estáu devuélvenos, a xuiciu de la diputada, a la necesidá de que l’asturianu sía oficial. Cualesquier otra considerancia más moderada demostró’l so fracasu, sostien la diputada d’IX. Llegaos a esta situación, IX llama l’atención del Gobiernu asturianu por que defenda la cooficialidá si realmente ta a favor de los derechos llingüísticos de los asturianos”. Acorde con esta posición, el grupu parlamentariu de la formación va presentar iniciatives na Xunta Xeneral nesta dirección. 16 de xineru, 2015 0 FacebookTwitterPinterestEmail
Política Andecha pide al Ayuntamientu de Sieru implicación nel casu Gamonal by asturnet 16 de xineru, 2015 Andecha Astur de Sieru vieno acabante presentar esti día una propuesta al Ayuntamientu Sieru pa que s’implique nel casu de la sierense Rocío Gamonal, sancionada por faer usu de la bandera asturiana. Paulo Arboleya, cabezaleru d’Andecha Astur en Sieru, presentó una propuesta al Ayuntamientu na qu’espón el casu de la siérense Rocío Gamonal, multada pola Federación Española de Ciclismu por cruciar la llínia de meta cola bandera asturiana nel campionatu cellebráu la pasada fin de selmana en Xixón, nel que resultó ganaora, siendo menaciada con anular lentítulu de campiona qu’acababa d’algamar. Considerando inxustificable que “naide puea ser sancionáu por facer usu de la bandera asturiana, reconocía costitucionalmente, y que per ende nun ye de recibu largumentación de la Federación Española de Ciclismu de que la multa tien comu oxetu alloñar la política del esporte”,y dao la condición de sierense de Rocío Gamonal, Andecha Astur “atalanta que lAyuntamientu Sieru tien de ser el primeru en defender los drechos de los sos vecinos, polo que solicitó del mesmu: Que lAyuntamientu Sieru aprebe una resolución de sofitu a la esportista sierense afitandol so drechu a facer usu de la bandera asturiana y agradeciendo-y que lo fixera nel momentu del so trunfu. Que lAyuntamientu Sieru aprebe y unvíe una quexa formal a la Federación Española de Ciclismu pola inxustificable sanción. Que lAyuntamientu Sieru, en sofitu de Rocío Gamonal y por solidaridá, asumal pagu de la multa impuesta pola Federación Española de Ciclismu. Que lAyuntamientu Sieru desixa al Principado una rempuesta proporcional a la ofensa sufría non solo na presona de Rocío Gamonal, sinon del conxuntu del Pueblu Asturianu pola Federación Española de Ciclismu. 16 de xineru, 2015 0 FacebookTwitterPinterestEmail
Lliteratura Trabe abre’l 2015 con 32 relatos de Miguel Rojo by asturnet 16 de xineru, 2015 Ediciones Trabe estrena 2015 cola edición billingüe (asturianu/castellanu) de los 32 cuentos que Miguel Rojo escribiera nes páxines d’El Comercio y de La Voz de Avilés, motivu pol que la recopilación Lleva xunta’l títulu de “L’Amor Suicida” la denominación de «cuentos d’encargu». Conocíu sobremanera como poeta y narrador, los últimos trabayos de Miguel Rojo yeren los poemarios Territorios (2007) y El paséu (2011) y ye l’autor de la novela más vendida de la narrativa asturiana del Surdimientu, Histories d’un seductor (Memories d’un babayu). Los trenta y dos cuentos qu’inclúi Miguel Rojo nesti volume fueron saliendo nes páxines d’El Comercio y de La Voz de Avilés, d’ehí la denominación de «cuentos d’encargu». L’universu ficcional que l’autor remana nestes páxines ye bien ampliu; nél hai espaciu pa lo fantástico y lo costumista, pa lo metalliterario y lo dramático. D’igual manera, quien narra va cambiando de cuentu en cuentu de la primer persona a la tercera, del narrador masculín a la voz femenina que nos cuenta… Nun hai tema dengún que-y seya ayenu a Miguel Rojo, que s’amuesa equí como un escritor de mirada aliella y que ye a trescribir les coses del mundu y de la vida cola maestría y la pureza del narrador avezáu. Miguel Rojo (Zarracín, Tinéu, 1957), ye un escritor de reconocíu prestixu nes lletres asturianes, tien yá una llarga trayectoria lliteraria mesmo n’asturianu qu’en castellanu. Conocíu sobremanera como poeta y narrador, los sos últimos poemarios son Territorios ed. billingüe (2007) y El paséu (2011). Autor de la novela más vendida de la narrativa asturiana del Surdimientu, Histories d’un seductor (Memories d’un babayu) 1993, que cuenta tamién con versión castellana, al igual que la mayoría de les sos publicaciones infantiles: De qué tará fecha la lluna (2008) o El viaxe de Tin y Ton (2008). En castellanu destaquen, amás del relatu Raitán el petirrojo (2003), les noveles La senda del cometa (2007) y La hoja del Ginkgo biloba (2010). 16 de xineru, 2015 0 FacebookTwitterPinterestEmail
Escéniques La Cascaya estrena en L’Entregu “Los Xemelos” de Plauto by asturnet 16 de xineru, 2015 Esti sábadu día 17 de Xineru a les 20 hores nel Teatru de L’Entregu va tener llugar la representación de la última producción de Teatru La Cascaya. La obra titulada Los Ximielgos ye orixinal del comediógrafu llatinu Plauto y cúntanos, en clave d’humor, la hestoria de dos ximielgos que fueron dixebraos de neños. Yá d’adultos, unu d’ellos empieza la busca del so hermanu. A lo llargo de la obra asoceden una serie d’equívocos una y bones dambos ximielgos son confundíos pol restu de los personaxes, aniciándose asina situaciones tan delirantes como risibles. Los Ximielgos ye’l séptimu montaxe de Teatru La Cascaya y foi estrenada, con una gran acoyida del públicu, en septiembre. La repartida ta formáu por: Mario Alonso, Jairo Buelga, Delfín Barbón, Héctor Camblor, Cheli Alonso, Desirée Lucena, Olaya Álvarez, Corsino Fernández, Jennifer Barbón y Luis Camblor. 16 de xineru, 2015 0 FacebookTwitterPinterestEmail