Política Llamazares visita l’ALLA by asturnet 21 de xineru, 2015 Gaspar Llamazares, diputáu d’IX d’Asturies nel Congresu y candidatu a les primaries d’IX, y la diputada de la Xunta Xeneral, Emilia Váquez, van axuntase esti xueves 22 de xineru pela mañana cola dirección de l’Academia de la Llingua pa tratar la situación de la especialidá d’asturianu. A les 12.45 van ufiertar una rueda de prensa na see de l’Academia (Cai La Águila, númberu 10, Uviéu). 21 de xineru, 2015 0 FacebookTwitterPinterestEmail
Sociedá L’Asociación de Trabayadores de la Normalización Llingüística denuncia falta de respetu pa coles llingües del país by asturnet 21 de xineru, 2015 L’Asociación de Trabayadores de la Normalización Llingüística, nun comunicáu asoleyáu esti día, quier denunciar “la falta respetu non solo del Gobiernu del Estáu Español, sinón del mesmu Gobiernu dAsturies pa coles llingues del nuestru país, lasturianu y el gallego-asturianu, y el so profesoráu”. Pa los trabayadores d’estos servicios que les actitúes llingüístiques dun gobiernu son el puxu fundamental pa da-y vida y dignidá a una llingua o, al contrario, pal so desaniciu. . Del primeru “pol enfotu intencionáu de torgar la especialidá dasturianu y gallego-asturianu escontra lo recoyío nel testu de la LOMCE, ondel Ministeriu d’Educación aceptó añadir la Disposición Amestada 38.6 pa permitir que les comunidaes autónomes con llingües ensin calter oficial pudieren mantener la so ufierta educativa y del segundu, por nun facer nada por evitalo, resignándose a aceptar decisiones que denigren, humilden y conducen a les nuestres llingües a una situación descaezu y desamparu”. Pala Asociación, “cola negación a la creación de la especialidá docente de llingua asturiana y gallego-asturianu, decisión tomada pol Ministeriu d’Educación dirixíu por José Ignacio Wert y escontra la promesa de reconocer estes especialidaes incluìes nel programa del Partido Popular dAsturies nes elecciones del 2012, el Ministeriu d’Educación vuelve tratar a les llingües d’Asturies con soberbia, aneciando en torga-yos cualesquier posibilidá dalicar o xorrecer; condenando al profesoráu destes asignatures a la inestabilidá, la precariedá y la falta de calidá, magar tenga una formación universitaria oficial y homologable a la del restu de profesionales docentes”. Ye tamién inesplicable qu’agora, na so opinión, “dende la Conseyería dEducación, camienten que munches vegaes la escenografía nun indiquel puxu, nin la seriedá de les coses cuando, de toes toes, tienen que ser los y les representantes de primer orde los que traten enriba la mesa les cuestiones fundamentales pa la ciudadanía que representen y nun dexar esa responsabilidá a persones quacaben dasumir el cargu”. L’Asociación de Trabayadores de la Normalización Llingüística diz que “tampoco puen esperar a quel Ministeriu d’Educación-yos diga qué tienen que facer; non, ye obligación dellos sabelo y, nesti casu, ta bien claro: el so llabor ye negociar col Ministeriu dEducación la creación desta especialidá”. Por too ello, abúlta-yos bien urxente quel Gobiernu dAsturies, “al máximu nivel, retome la propuesta y solucione esti asuntu dafechu, solicitando tamién del Partido Popular d’Asturies que faiga cumplir el so programa electoral al Ministeriu d’Educación darréu, en cumplimientu de lo prometío”. Ta claro pa los trabayadores d’estos servicios que les actitúes llingüístiques dun gobiernu son el puxu fundamental pa da-y vida y dignidá a una llingua o, al contrario, pal so desaniciu: “la ideoloxía llingüística pue movilizar les minoríes llingüístiques pa mantener la so llingua o empantanales y llevales a la so desapaición. Yá ye hora que, pa nun volver permitir estos desprecios, el gobiernu dAsturies se pronuncie con fechos de qué llau ta y qué camín va tomar: pel del mediu o pel de la oficialidá”. 21 de xineru, 2015 0 FacebookTwitterPinterestEmail
Patrimoniu Los Museos Etnográficos axúntense en Xixón by asturnet 20 de xineru, 2015 Esti miércoles 21 de xineru, a les 10, va celebrase nel Muséu del Pueblu dAsturies de Xixón la xunta añal de la Rede de Museos Etnográficos d’Asturies pa facer balance de les actividaes realizaes en 2014 y propuestes pa 2015. Al mesmu tiempu, presentarase’l trabayu de la restauradora Natalia Díaz-Ordóñez Melgarejo: Estáu de los museos de la Rede de Museos Etnográficos d’Asturies y propuesta de midíes de caltenimientu preventivu. Esta Rede de museos creada en 2001 ye la resultancia d’un conveniu de collaboración ente’l Conceyu de Xixón y la Conseyería d’Educación, Cultura y Deporte del Principáu d’Asturies. Na xunta participaren responsables de los catorce museos qu’integren na actualidá la Rede, que son los siguientes: Muséu Etnográficu de Grandas de Salime, Muséu Casa Natal del Marqués de Sargadelos (Ferreirela de Baxo, Santalla d’Ozcos), Muséu Vaqueiru d’Asturies (Naraval, Tinéu), Ecomuséu de Somiedu, Muséu Etnográficu Juan Pérez Villamil (Puertu de Vega, Navia), Muséu Marítimu d’Asturies (Lluanco), Muséu Etnográficu de Grau, Muséu Etnográficu de Quirós, Muséu Etnográficu de la Llechería (La Foz, Morcín), Muséu de la Sidra d’Asturies (Nava), Muséu de la Escuela Rural d’Asturies (Viñón, Cabranes), Muséu de la Madera (Casu), Muséu Etnográficu del Oriente d’Asturies (Porrúa, Llanes) y el Muséu del Pueblu dAsturies, que ye’l centru coordinador d’esta Rede de museos etnográficos. El programa de la xunta ye’l siguiente: 10.00: Balance de les actividaes realizaes en 2014 y propuestes pa 2015. 11.30: Presentación del trabayu de la restauradora Natalia Díaz-Ordóñez Melgarejo: Estáu de los museos de la Rede de Museos Etnográficos d’Asturies y propuesta de midíes de caltenimientu preventivu. 13.00: Visita a la esposición Máquines pa detener el tiempu. Cámares fotográfiques mecániques (1839-1985). 13.30: Visita a la esposición Mundos de la fotografía nel sieglu XIX. 20 de xineru, 2015 0 FacebookTwitterPinterestEmail
Lliteratura La Cátedra Ángel González presenta la primer revista científica sobre poesía contemporanea española by asturnet 20 de xineru, 2015 La Cátedra Ángel González presenta la primer revista científica sobre poesía contemporanea española mañana miércoles, 21 de xineru, a les 11 hores na sala de prensa del Edificiu Históricu. Ellí va tener llugar la presentación de la primer revista científica internacional sobre poesía española contemporanea que va llevar por nome Prosemas. El vicerrector d’Estensión Universitaria y Comunicación, Vicente Domínguez, y la directora de la Cátedra, Araceli Iravedra, van ser los encargaos de presentar el primer númberu de la nueva publicación, qu’inclúi un monográficu sobre la obra del poeta asturianu. 20 de xineru, 2015 0 FacebookTwitterPinterestEmail
Educación SUATEA denuncia otru recorte de plantiyes by asturnet 20 de xineru, 2015 El sindicatu de la enseñanza SUATEA vieno acabante otra vuelta de denunciar esti martes que la Conseyería “actúa de forma inaceptable apurriendo a los centros educativos la propuesta de plantiyes pal próximu cursu con namás 48 hores pa presentar alegaciones a les mesmes. Desta forma les direcciones de los centros atópense ensin capacidá de reacción pa estudiar con detalle les necesidaes del so centru y alegar correctamente a la propuesta de lAlministración”. Estes son les formes quusa lAlministración nos últimos años pa esti y otros munchos procesos, sigún denuncia SUATEA, polo que “un añu más, tamos falando de decenes de puestos de trabayu destruyíos por un Gobiernu que fala de criación dempleu de calidá mientres achuquina tolos años cientos de puestos de trabayu estables en distintos ámbitos de lAlministración Asturiana”. Esta ye la doble moral del partíu que gobierna Asturies según el sindicatu: “dun llau dizse defensor del enseñu públicu y dotru dedícase a esmantelalu. Cursu tres cursu destrúin empléu en daqué tan fundamental pal desenrrollu dun país como ye la educación pública”. Nuna nota de prensa asoleyada esti día, SUATEA presenta un cuadru nel que se ven los 87 puestos barríos de les plantiyes, apuntando que “namás hai un centru nAsturies nel que se cría una plaza, concretamente dinglés (esta ye la escepción que confirma la riegla de los recortes) y esto pesie a quhubo exactamente 317 xubilaciones lotru cursu”. El recorte denunciáu ye de 38 puestos en primaria y 49 en secundaria. SUATEA denuncia tamién que “nestos meses veremos a Javier Fernández faciendo campaña electoral y contándonos les sos propuestes sobre empléu de calidá, prestaciones sociales, meyoras en sanidá, neducación y un llargu etc. Seyamos conscientes de que ye too puru cuentu. Asturies ye la sesta comunidá que más baxól so gastu nEducación ente 2009 y 2012, siendo la reducción dun 15%, tres puntos más que la media estatal”. Por mor d’ello, dende SUATEA desixen a la Conseyera dEducación “que nun recorte otra vuelta les plantiyes docentes de los centros educativos asturianos que yá sufrieron un recorte brutal naños anteriores. Quatienda les alegaciones plantegaes dende los centros educativos que son los realmente conocedores de les sos verdaderes necesidaes, argumentu que la Conseyería alega mui a menudo cuando y pa lo que-y interesa”. 20 de xineru, 2015 0 FacebookTwitterPinterestEmail
Sociedá Últimos díes pa matriculase nos VI Cursos dAsturianu en Xixón by asturnet 20 de xineru, 2015 Iniciativa pol Asturianu tien abiertu’l plazu hasta’l domingu 25 p’apuntase a los VI Cursos d’Asturianun en Xixón, entamaos en collaboración col Conceyu Universitariu pol Asturianu (CUPA), l’Academia de la Llingua Asturiana y el Conseyu de Mocedá de Xixón. Los cursos que se van facer una edición más na sede del Conseyu de la Mocedá de Xixón (Avda. Manuel Llaneza, 68), van entamar a partir del 26 de xineru, cuntando con 36 hores llectives cada nivel. Alumnos de Bélxica, Barcelona o Arxentina tán yá apuntaos a estos cursos al traviés dinternet. El cursu va celebrase los llunes y miércoles, de 17 a 19 hores nel casu del nivel inicial, y de 19 a 21 hores pal nivel II, acabando’l 25 de marzu de 2015. El nivel inicial ta empobináu a persones ensin conocimientos dasturianu o con nivel baxu de conocencia ya inclúi, pa les persones que lu superen, un diploma de lAcademia de la Llingua Asturiana, entidá reconocida pola Conseyería dEducación pa la formación del profesoráu. El nivel II ta empobináu a persones con una conocencia más fonda del idioma, que yá ficieren dalgún cursu enantes. El preciu de la inscripción ye de 60 euros (50 pa los socios dIniciativa pol Asturianu), incluyendo los materiales necesarios pa llevar alantrel cursu. Les persones que nun puedan asistir por tar fuera d’Asturies o por razones d’otru tipu van poder siguir el cursu a distancia. Les inscripciones pueden facese nel corréu lletrónicu conceyuasturianu@gmail.com o nel teléfonu 615 982 816, yá seya llamando o al traviés de Whatsapp o Telegram, hastal 25 de xineru de 2015. Dende Iniciativa pol Asturianu animen una edición más a participar nesti cursu que va sirvir pa dar una conocencia básica y adaptada al nivel del alumnáu de la llingua asturiana, deprendiendo les normes ortográfiques, vocabulariu y otres cuestiones, con una clases amenes que van apoyase nelementos audiovisuales, trabayando tamién cuestiones rellacionaes cola sociollingüística y la cultura dAsturies. Novedaes nos cursos a distancia Nesta sesta edición de los cursos abrimos una plataforma d’enseñu na rede, empobinada a los alumnos y alumnes que siguen los cursos en llinia. Un preséu que va permitir ameyorar abondo los procesos de deprendizaxe, adaptándolos meyor a les nueves tecnoloxíes. 20 de xineru, 2015 0 FacebookTwitterPinterestEmail
Mundu Música popular y música culta nel repertoriu musical de la gaita asturiana nel Atenéu Obreru de Xixón by asturnet 20 de xineru, 2015 Esti próximu martes, 20 de xineru, a les 19,30 hores, nel local social del Atenéu Obreru de Xixón, ÁSTURA entama una conferencia sobre “Los contactos ente música popular y música culta nel repertoriu musical de la gaita asturiana”, al cargu de Juan Alfonso Fernández García Fonsu. L ‘actividá está dentro de la colaboración entre las entidades del Atenéu Obreru de Xixón y de ÁSTURA, para hacer una actividad mensual en torno a la promoción de la cultura asturiana. Dende la segunda metá del sieglu XX hasta l’actualidá viénose recoyendo n’Asturies una rica colección de melodíes tradicionalmente interpretaes cola gaita. Yá a finales del sieglu XX, nel contestu políticu del desenvolvimientu del autonomismo y en plenu procesu de renovación acústica del preséu, empezar a impartir la so técnica y a codificar el so repertoriu según los cánones académicos, procesu que remata en 2006 cola inclusión de la gaita nel programa de los Conservatorios Profesionales de Música d’Uviéu y Xixón. Una música oral o folk convirtióse, pos, nuna música escrita o d’arte. Sicasí, y a pesar de que la inmensa mayoría d’esi repertoriu musical recoyóse de la tradición oral, esisten exemplos que, poco que s’analicen, revélennos el so raigañu cultu o, siquier, el so contactu col ámbitu de la música culta, a la que la gaita sirve nunes ocasiones d’inspiración y de la que, n’otres, toma melodíes enteres que güei etiquetamos como “tradicionales. Esta ponencia esquiza neses melodíes y, hasta onde ye posible, trata de reconstruyir el camín por que llegaron a popularizase como melodíes de gaita. Juan Alfonso Fernández García Fonsu ye Llicenciáu en Filoloxía Hispánica pola Universidá d’Uviéu, Doctorando en Musicoloxía y Director del Muséu de la Gaita de Xixón dende 1997. Amás d’artículos en revistes especializaes, publicó la Guía didáctica del Muséu de la Gaita, el Cancioneru de la gaita asturiana y tien en preparación La formación del repertoriu musical de la gaita asturiana. En 1999 graba Hala, señores usías. Cantares y sones de ciegu nAsturies (Fonoastur, Uviéu). Realiza delles collaboraciones discográfiques, como instrumentista de gaita y zanfonía, con grupos como Lliberdón, Grupu Cultural Xana, Brenga Ástur y Muyeres. Entamó y empobináu numberoses esposiciones: Preseos musicales nel arte asturiano hasta 1800 (Muséu del Pueblu DAsturies, 2002), Músiques del mundu: el soníu de la piel (Muséu del Pueblu DAsturies, 2007), La gaita n’Asturies (Esposición itinerante patrocinada por Cajastur, 2009-2012) y Oficios artesanales: la cestería (Comisariu. Palaciu de Valdecarzana, Avilés, 2010) son dalgunes d’elles. 20 de xineru, 2015 0 FacebookTwitterPinterestEmail
Mocedá Pildorines n’asturianu: la esperiencia de Radio L.lena by asturnet 19 de xineru, 2015 Les radios llibres y les radios comunitaries vienen dende va cuantayá siendo un pegoyu perimportante del espardimientu de la llingua asturiana nel ámbitos de los medios de comunicación y el conceyu de L.lena tien una esperiencia enforma nomada: Pildorines n'Asturianu. Pildorines emítese na Radio L.lena, tolos díes dende les cuatro a les cinco la tarde. “Cuando xurdió la idea de facer esti programa, plategámose facer dalgo q'entretuviera y amás normalizara la opción tan poco de moda d'utilizar la l.lingua asturiana”. La tematica del programa ye simple, contar cuentos, hestories, rellatos curtíos y poemes cola premisa de que tienen que ser n'asturianu. Nos inicios del programa la temática yera básicamente infantil. Según diben pasando les selmanes les opciones de cuentos infantiles na nuesa llingua diben quedando curties. Polo que la temática foi ampliada con prácticamente tolo que se atopaba n'asturianu, nes biblioteques del Conciyu L.lena. En pildorines puen atopase rellatos escritos por xente que va dende autores como Pablo Texón o Xandru Fernández y Xuan Bello a Mánfer de la Llera. Tamien se puen encontrar les versiones n'asturianu de “Lleo Lleo” con títulos como 'Muchiflapopu' o 'Que rollu ser vampiru'. Y nun espaciu tan pequeñu puen llegar a dase títulos traducíos a la nuesa l.lingua, non solo creaos n'Asturies. En resumíes cuentes, ye un espaciu pa la llingua nel que se llucha pa qu'esta seya dalgo normal y non dalgo estraño colo que la xente nun se puea identificar. El resultau, dempues de llevar casi dos años nes ondes, ye buenu, la rempuesta de la xente satisfactoria y la intención de les llocutores d'esti espaciu ye siguir con el, Hai que dicir tambien que Pildorines nun sería posible sin la ayuda de les bibliotecaries del conciyu, que a pesar de la escasez de títulos y cada vez editoriales, siempre ayuden a buscar dalgo que se puea lleer tolos xueves, lo que fai posible la continuidad del programa. Si quies sentir pildorines, hai un ivoox nel que se encuentren tolos programas, amás si quies aportar dalguna pildorina, pues ponete en contautu coles llocutores vía Facebook nesta páxina. https://www.facebook.com/GeneracionYe Como diz la lletra del cantar del vasu 'Si nun toi, si nun toi vas alcordate bien de mi' nun dexemos que se nos olvide na nuesa l.lingua. La Generación Ye de Radio L.lena en Facebook 19 de xineru, 2015 0 FacebookTwitterPinterestEmail
Música El Grupu de Baille de Fitoria celebra so XXV aniversariu by asturnet 19 de xineru, 2015 El Grupu de Baille Tradicional de Fitoria celebrarál so 25u aniversariul prósimu 24 de xineru nel Auditoriu dUviéu a les 20:00 hores con una gala na quel baille y la música tradicional serán los protagonistes. El Grupu de Baille Tradicional de Fitoria, fundáu nel añu 1989, recibió en 2014 el galardón Urogallo de bronce del Centru Asturianu de Madrid, ente otros munchos galardones a lo llargo de la so hestoria. El grupu tamién formó parte de la delegación asturiana nel caberu Festival Intercélticu de Lorient, onde representó lespectáculu «Tradicionando» collechando una perbona crítica. Na gala del prósimu sábadu, presentaráse una parte desti espectáculu por primer vegada nUviéu. Amás dello, contaráse cola participación de formaciones que vienen collaborando col grupu nestos 25 años pa dar formar a un eventu duna hora y media de duración con una puesta nescena bien prestosa, col baille tradicional del país como filu conductor del mesmu. La gala ye daccesu llibre y de baldre. 19 de xineru, 2015 0 FacebookTwitterPinterestEmail
Música L’Anuariu la Música Asturiana repasa dafechu’l 2014 by asturnet 19 de xineru, 2015 Un añu más lAnuariu de la Música Asturiana, publicáu por Goxe Producciones, fai alcordanza de lactividá producida nel últimu añu dientro del campu de la música despresión asturiana: la tradicional, aquella que la reellabora (folk y demás derivaos) y la quutiliza lasturianu independientemente del estilu. Son yá dieciséis los años nos questa publicación, siempre per estes feches, ve la lluz y trata fondamente temes y cuestiones rellacionaos cola nuestra música. LEntamu desti númberu, tituláu «La voluntá de ser y siguir de la música asturiana», firmáu pol so director, Xune Elipe, fala de la trayectoria de la publicación y comenta: «Echando una güeyada a los anteriores númberos vemos cómo, por desgracia, poco de lo que se propón nellos se fixo realidá, sobre too no que se refier al deséu duna verdadera política musical por parte del Gobiernu dAsturies, que sigue ensin da-y latención afechisca a esti sector, con acciones insuficientes, tímides y ensin continuidá, sacante dalguna escepción honrosa, como la creación del Premiu al Meyor Cantar. Nesti sen, siguimos naguando por eses llinies dactuación de los poderes públicos que lleven al oxetivu final de llograr visibilidá (interior y esterior), estabilidá y profesionalidá a esta rama de la industria cultural nel nuestru país». Tocántenes al restu de conteníos, apaecen dos informes titulaos «Cómo montar un festival y nun morrer nel intentu» y «Nuevu folk asturianu», reportaxes como «Música, televisión y neños», cróniques sobrel III Sol Celta dAvilés y el Premiu al Meyor Cantar 2014, entrevistes a Tejedor, Skama la Rede, Borja Baragaño y Os Folkgazáis, recoyida de material como «La historia del gaiteru y el conde ganaderu» o artículos dopinión; amás na sección Collecha apaecen toles producciones discográfiques, bibliográfiques y audiovisuales, relatives a la música asturiana, del añu 2014. Como ye vezu, lA.M.A. inclúi como complementu un discu resume de los álbunes publicaos nesi tiempu, con dieciséis temes separtaos por estilos: tonada, folk, bandes de gaites, canción dautor y rock. LAnuariu de la Música Asturiana 2014 pue consiguise nos puntos de venta que vienen darréu: Uviéu (Chigre LEsperteyu y Tienda de Comerciu Xustu LArcu la Vieya), Xixón (Trisquel, Centru Social La Semiente, Llibrería Paradiso y La Revoltosa), Avilés (El Cafetón y El Cabanón), Candás (Llibrería Palabras de caramelo), Mieres (LAbellugu y Habana), Villaviciosa (La Esbilla y Ringo Rango) y Santu Adrianu (El Sabil). 19 de xineru, 2015 0 FacebookTwitterPinterestEmail