Conceyos Candás acueye una esposición sobre normalización llingüística by asturnet 25 d'abril, 2012 Nel pisu baxu del edificiu polivalente La Baragaña de Candás, va ufrise al públicu, dendel 25 dabril al 18 de mayu, una esposición de delles campañes en llingua asturiana dirixíes al públicu infantill y entamaes pol Serviciu de Normalización Llingüística de la Mancomunidá dEl Cabu Peñes. Otra de les meses de la esposición tará destinada a della información al rodiu de la Selmana de les Lletres Asturianes questi añu 2012 va tar dedicada a la Ilustración. El mesmu espaciu, y nes mesmes feches, va acoyer otra esposición de dibuxos del autor escritor y ilustrador Sidoro Villa Costales, que cunta con obres como Nun-yos tengas perceguera o Mael al debalu ente otres munches, y quamuesa un refileru dilustraciones orixinales fechos pa dalgunu de los sos llibros, y otros trabayos que van dende los empobinaos al públicu más mozo hasta otros padultos. 25 d'abril, 2012 0 FacebookTwitterPinterestEmail
Convocatories Convócase un taller pal VI Festival Internacional de Poesía de Castrillón by asturnet 25 d'abril, 2012 El Centru Cultural Valey de Castrillón organiza un taller de les metáfores dirixíu A públicu adultu pal sábadu 12 de mayu, de 11 a 12. Sedrá na Sala Polivalente Valey (Piedresblancas-Castrillón) El taller va impartilu Leopoldo Sánchez Torres, director de l’Aula de les Metáfores, quimpartió diversos cursos de poesía y creación lliteraria, y na actualidá coordina’l Taller de llectura de Poesía qu’entama la Universidá d’Uviéu, onde exerz como profesor de lliteratura española. Nel Taller va ponese en práctica’l xuegu de saber mirar qu’aguiyen siempres les metáfores, y va proponese a los asistentes, al traviés de la llectura, l’audición y la manipulación activa de materiales poéticos de variada naturaleza, una reflexón sobre la esperiencia que, como llectores y seres humanos, supon pa nós güei la poesía. Hai cincuenta places en rigorosu orde d’inscripción, anque ye de baldre. Les inscripciones han facese nel Centru Valey. 25 d'abril, 2012 0 FacebookTwitterPinterestEmail
Lliteratura Ana Rosa Fernández presenta Los nomes de la lluvia en Mieres by asturnet 25 d'abril, 2012 Suburbia Ediciones va presentar el poemariu dAna Rosa Fernández, Los nomes de la lluvia, cola presencia de l’autora, Ana Jambrina Huete y Silvia Cosio, editora. Sedrá a les siete y media la tarde na Casa Cultura de Mieres. 25 d'abril, 2012 0 FacebookTwitterPinterestEmail
Sociedá Morrió Joaquín Fernández, escritor nasturianu ya investigador de la medicina popular by asturnet 23 d'abril, 2012 El pasáu 13 dabril finó nUviéu a los sesenta y ocho años, Joaquín Fernández García. Doctor en Medicina, escritor nasturianu y en castellán, y sobre manera divulgador de la etnografía del Altu Ayer, onde tenía los sos raigaños familiares, pese a que ñaciere nUviéu, en 1943. Yera miembru del Real Institutu dEstudios Asturianos, pero al mesmu tiempu vieno collaborando cola Academia de la Llingua Asturiana dende entamos de la década de los noventa, con ensayos en Lletres Asturianes y Cultures alredor de la medicina popular nAsturies. Con Ediciones Trabe asoleyó delles noveles nes que recoyía bayura delementos etnográficos. Dexó ocho collaboraciones en Lletres Asturianes, trés na revista Cultures y un llibru pa escolinos, Lau, la mio perra fiel, espublizáu pola ALLA en 1998. Ente les sos noveles y llibros de rellatos: Coses dosos, 1993; Maldaes de l.l.obos, 1996; Les vaques tamién piensan y sienten, 1996; Fito nel país de los gorretinos, 1994; Gene, 1998; amás duna novela sobre la emigración a América (Siete vides, 2001). El branu pasáu asoleyabal que sedríal so llibru últimu El Cordobeyu y otros cuentos. (Nueve cuentos alleranos), que forma parte de lo que lautor llamó yá hai tiempu «lliteratura etnográfica de creación». Les sos collaboraciones col RIDEA tamién supunxeron numberoses publicaciones y conferencies. La última dábala en payares del 2011 na sede de la institución, dedicada al mal de güeyu na tradición asturiana. Dexa inédita una importante producción lliteraria, mesmo en castellán que nasturianu. 23 d'abril, 2012 0 FacebookTwitterPinterestEmail
Comunicación La Voz de Asturias diz adiós dempués de cuasi un sieglu nos quioscos by asturnet 20 d'abril, 2012 Ayeri mesmo anunciábase que güei vienres el periódicu La Voz de Asturias nun diba tar nos quioscos. 89 años dempués de la so salida al mercáu, el diariu diz adiós por problemes económicos, como fizo va poco la cabecera Público, que se ficiere col periódicu asturianu va unos meses. La Voz de Asturias foi ún de los periódicos en castellán que más usó la llingua asturiana nes décades últimes, con presencia n’artículos d’opinión, viñetes, n’especiales culturales y dacuando en noticies xeneralistes. Edición dixital del periódicu 20 d'abril, 2012 0 FacebookTwitterPinterestEmail
Lliteratura La bufanda preséntase en Xixón na so versión en castellán by asturnet 20 d'abril, 2012 David Artime, autor de la novela La bufanda, asoleyada orixinalmente nasturianu, va presentar la torna al castellán esti vienres 20 dabril en La Casa del Libro, en Xixón. Amás del autor, na presentación van participar leditor, de Corner, Manuel Montero, el coordinador de la revista Biblioasturias, Jesús Ferández Álvarez y lex entrenador del Sporting de Xixón y prologuista de la novela, Manolo Preciado. 20 d'abril, 2012 0 FacebookTwitterPinterestEmail
Sociedá Iniciativa pol Asturianu reclama lusu de la toponimia oficial en La Vuelta a Asturies by asturnet 20 d'abril, 2012 Iniciativa pol Asturianu anunció que se punxo en contactu cola dirección de la La Vuelta a Asturies 2012 “pa reclama-yos quusen la toponimia oficial nos materiales, páxina web, etc.” de la hestórica prueba ciclista asturiana. Dende Iniciativa pol Asturianu dicen nun poder tar tan contentos “del usu que se ta faciendo na vuelta de la cuestión llingüística”. La organización reivindicativa púnxose tamién en contactu cola Dirección Xeneral de Política Llingüístca del Gobiernu dAsturies, patrocinador del eventu, “pa que faiga cumplir la normativa no que cinca al usu toponímicu”, según esplicaron. Iniciativa pol Asturianu nun ye a entender “cómo La Vuelta a Asturies fai un usu incorrectu de la toponimia nos llugares pelos que pasa (Gijón/Xixón, La Pola Siero, Piedrasblancas, Llastres, El Fitu, Llugones, Mucó, etc.), cuando son les úniques formes oficiales”, y recuerden “amás, cuando La Vuelta a España, organizada dende fuera dAsturies, yá anunció, diba usar de forma normal la toponimia”. Amás, pa Iniciativa pol Asturianu, La Vuelta a Asturies, “como eventu organizáu nAsturies habría usar tamién lasturianu na so cartelería, publicidá, etc.”, lo que camienten”sedría un xestu mui bien recibíu polos asturianos quayudaría a promocionar lusu del asturianu nel ámbitu deportivu, nun campu, comol ciclista onde lasturianu siempres tuvo mui presente”. Por ello Iniciativa pol Asturianu solicitó a la organización de La Vuelta Asturies “que proceda a facer los cambios pa respetar la toponimia oficial asturiana pelos llugares pelos que pasa y entame a usar lasturianu nos sos materiales, web, etc. dende esta mesma edición, incluyendol nome del propiu eventu”. Dende Iniciativa pol Asturianu recuerden como otros eventos de calter internacional celebraos nAsturies, comol Mundial de Duatlón celebráu en Xixón, “yá usaron lasturianu con total normalidá nel pasáu”. Dende Iniciativa pol Asturianu ufrieron asina mesmo la so collaboración “pa poner en marcha estes midíes, y quedamos a la disposición de la organización pa ello”. 20 d'abril, 2012 0 FacebookTwitterPinterestEmail
Conceyos Preséntase El llibru pa lo más piquiñino de la casa by asturnet 19 d'abril, 2012 Cola intención de facer presente la llingua asturiana dende los primeros años de vida de los neños y neñes y concienciar a los padres de la importancia del so llabor pa la conservación del nuestru patrimoniu llingüísticu, Man.co.si, al traviés del so Serviciu de Normalización Llingüística, editó esti añu El llibru pa lo más piquiñino de la casa, un guapu cuadernu ilustráu nel que se pueden dir rexistrando les evoluciones de los neños y neñes nos sos primeros años, dendel so nacimientu hastal primer añu descuela. La presentación del llibru va facese esti xueves, 19 dabril, a les 12:00 hores, na Sede de Man.Co.Si en Paraes (Nava) El llibru pa lo más piquiñino de la casa ye una revisión actualizada del Llibru del naciatu, editáu en 2008 pol Serviciu de Normalización Llingüística de Man.co.si, xunto con otros conceyos de los quintegren la Rede de Normalización Llingüística nos conceyos. Nesta nueva versión participen tamién los conceyos de Samartín del Rei Aurelio, Llangréu, Mieres y Cangas del Narcea, y la Mancomunidá del Cabu Peñes. El llibru repartiráse ente los padres que vayan a empadronar a los sos fíos y fíes nos conceyos quintegren la mancomunidá, pudiéndo solicitase tamién un exemplar, hasta fin desistencies, nel Serviciu de Normalización Llingüística de la Comarca de la Sidra, na sede de Man.co.si en Paraes (Nava). Xunto col llibru, repartiráse una carpeta que inclúi un baberu con dibuxos y vocabulariu referente a los primeros años dinfancia, un pallabreru, un mididor y una pegatina pal coche col lema Cuidadín, que voi dientro, inspiráu nel clásicu Bebe a bordo. Amás desta actuación, el Serviciu de Normalización Llingüística de Man.co.si tien previsto pa los prósimos meses un nuevu repartu de materiales de les campañes del ámbitu de la hostelería, talleres de llectura nasturianu en Nava y Villaviosa y el tradicional repartu de les lletres de pan, el día de les lletres asturianes, que se celebrará esti añul vienres 4 de mayu. Como antesala a esti día, celebrarásel miércoles 2 de mayu un recital músicáu de poesía nasturianu nel teatru riera de Villaviciosa, con dalgunes de les voces más interesantes del panorama de la nueva poesía fecha nasturianu. 19 d'abril, 2012 0 FacebookTwitterPinterestEmail
Conceyos Samartín prepárase pa celebrar la Selmana de les Lletres Asturianes by asturnet 19 d'abril, 2012 La Conceyalía de Cultura presentó los actos pa la celebración de la Selmana de les Lletres Asturianes, cola que pretende fomentase la llectura de lliteratura asturiana, poner en valor la cultura dAsturies ya impulsar la normalización de la llingua asturiana ente la xente mozo. Los actos van desenvolvese del 30 d’abril al 4 de mayu na Casona del Bravial y van cuntar cola participación d’alumnos d’Educación Secundaria del conceyu. La selmana va arrincar cola inauguración de la esposición Campañes de normalización llingüística nel conceyu de Samartín, que ye un repás per toles campañes feches nesti sentíu dende l’añu 2005 en distintos ámbitos: enseñu, comerciu, hostelería o alministración llocal, ente otros. L’horariu de visita, mientres tol mes de mayu, ye de 9 a 14 hores. El miércoles 2 de mayu, a les 9,00 hores, alumnos del IES Virxe de Cuadonga van visitar la Casona del Bravial pa ver la esposición y conocer el Muséu de la Memoria y l’Oficina de Normalización Llingüística. Al otru día, el xueves 3 de mayu a les 10:30 hores, va tener llugar la presentación del llibro Memorial del monstruu, de Dolfo Camilo Díaz, gallardonáu col Premiu Montesín de Lliteratura Xuvenil nel añu 2010. Va asistir como públicu invitáu alumnos del IES Juan José Calvo Miguel. A lo último, dende’l perfil en facebook de la Oficina de Normalización Llingüística convidase a la población a publicar na so muria testos inéditos o reproducciones d’autores n’asturianu, colos que van participar nel sortéu d’un llote de llibros. 19 d'abril, 2012 0 FacebookTwitterPinterestEmail
Lliteratura Formientu presentó’l númberu 10 contabilizando más de 70 autores en cinco años by asturnet 19 d'abril, 2012 La Sociedá Cultural Xixonesa foil llugar escoyíu pa la presentación del númberu 10 de la revista lliteraria Formientu. Lescritor y hestoriador Javier Cubero de Vicente presentó lactu, nel quel director de Formientu, Inaciu Galán, faló de los cinco años de la revista, faciendo repás a lactivida de la mesma nos diez númberos que lleva espublizaos. Darréu lleeron los sos testos nesti númberu, Denis Soria, Blanca Fernández, Alejandra Sirvent, y el propiu Cubero. Amás, lactu sirvió pa recaldar fondos pa lasocación Iniciativa pol Asturianu cola venta de revistes. 19 d'abril, 2012 0 FacebookTwitterPinterestEmail