Cine Corvera organiza trés xornaes de cine nasturianu by asturnet 24 d'ochobre, 2012 El Serviciu de Normalización Llingüística de Corvera entama unes xornaes del Audiovisual Asturianu que van entamar el miércoles 24 cola proyección de la webserie Chatarrona, dÁmbitu Producciones. El xueves 25 van proyectase los curtiometraxes Tres versiones, Bisarmes y Laire del sur. Dempués de la proyección alcuentru col director, Pablo Quiroga, y el vienres produciráse la proyección de la película McLintock, western dobláu al asturianu por Gonzali Producciones. Toles películes van ponese a les siete la tarde na Sala dArte del Centru Sociocultural de Les Vegues, con entrada de baldre. Chatarrona Chatarrona ye una comedia de situación de baxu presupuestu na que cuatro personaxes principales dan vida a situaciones cotidianes. Ye una ficción contemporánea que busca xenerar linterés de los asturianos con independencia del sitiu de residencia y de la edá, pero que consiguió una incidencia especial, más de 25.000 visionaos, nes persones moces y de mediana edá con presencia nes redes sociales. Tres versiones Una película curtia del cineasta de Carreño Pablo A. Quiroga Prendes rodada ente los conceyos de Carreño y Gozón, ganó’l segundu “Certame de Vídeos en Llingua Asturiana de la Mancomunidá d’El Cabu Peñes”. Bisarmes Curtiopmetraxe de Francisco Martínez Peláez y Pablo A. Quiroga Prendes, con Txema Blasco, Marisa Vallejo, Fernando Marrot y Pelayo Prendes. Un curtiu filmáu en decoraos naturales nel conceyu de Carreño nel que se narra una hestoria de terror sobrenatural ambientada en dalgun llugar de l’Asturies rural. Laire del Sur Laire del sur, un cuentu dEva Braga Riera adaptáu por Pablo A. Quiroga Prendes y con música de Javi Suárez “Jahzzar”. McLintock George Washington McLintock (Jhon Wayne), ye un terrateniente dArizona con unos caducos principios basaos na rudez y el machismu, y que tarrez la llegada de colonos. Al empar, produzse la vuelta de la so muyer, Kate (Maureen OHara), que lu dexara por nun soportar les costumes del oeste y agora torna col enfotu de llevar a la so fía a un sitiu más civilizáu. A partir desi momentu, van asocedese les engarradielles ente dambos, lo que va provocar situaciones cómiques, agravaes pola contratación duna nueva y guapa cocinera na facienda (Ivonne de Carlo). 24 d'ochobre, 2012 0 FacebookTwitterPinterestEmail
Sociedá Les families pol asturianu anuncien el programa dactividaes seronda-iviernu by asturnet 24 d'ochobre, 2012 El pasáu 19 de setiembre asentóse como asociación Reciella: families pol asturianu, grupu de families que llevaben aconceyando y organizando actividaes de diferente tipu a lo llargo desti añu 2012. Agora anuncien les actividaes a desenrrollar nos meses, centraes na tresmisión interxeneracional del asturianu nel ámbitu social y familiar y la enseñanza, promoción y difusión de la llingua asturiana nes primeres edaes. Les actividaes van entamar el 27 dochobre, Afuracamos calabaces, una actividá de toma de contactu cola costume dafuracar calabaces preparando la Nueche dÁnimes. Celebraráse nel Conseyu de la Mocedá de Xixón. Amás tán en previsión delles xornaes de xuegos, un amagüestu, talleres de manualidaes, cocina, etc. Porgrama completu dÂactividaes 24 d'ochobre, 2012 0 FacebookTwitterPinterestEmail
Sociedá Conceyu Abiertu por SMRA organiza una marcha ecolóxica by asturnet 24 d'ochobre, 2012 Conceyu Abiertu por Samartín del Rei Aurelio entama esti sábadu 27 dOchobre una marcha ecolóxica pela sienda de Santa Bárbola, con salida de Perabeles a les 9:00 y tornada a les 17:00 de la tarde. Litinerariu de la marcha ye: Perabeles, El Molinón, L’Escobal, Les Argayaes, La Llera, Veró, El Valle les Fuentes, La Colladiella, Los Caleyos, El Rezaleru, Peraveles, cola visita a restos hestóricos antifacistes y una visita guiada al molín El Molinón. Pa finar la xornada, habrá un prestosu amagüestu nel Chigre Los Ribayos. Dende Conceyu Abiertu por Samartín animen a tolos vecinos y vecines a participar nesta aniciativa con interés ecolóxicu, cultural y tamién como una alternativa dociu saludable y arriquecedor. 24 d'ochobre, 2012 0 FacebookTwitterPinterestEmail
Mocedá El Gobiernu dAsturies convoca los premios mozos de lliteratura y artes Culturaquí by asturnet 23 d'ochobre, 2012 La Conseyería de Presidencia, al traviés del Institutu Asturianu de la Mocedá, convoca la edición númberu ventitrés del Programa de promoción de mozos creadores Culturaquí 2012. La participación ta abierta a tolos artistes asturianos o residentes nAsturies, siempres que la so edá nun pase de los trenta y cinco años enantes del 31 d’avientu, y tamién a descendientes hasta’l segundu grau d’emigrantes asturianos. Convóquense los premios Asturies Mozu d’Artes Plástiques y Amuesa d’Artes Plástiques (4.800 ), con plazu hasta’l día 16 de payares de 2012; Concursu de Maquetes Pop-Rock (1.000 ), con plazu hasta la fin dochobre; los premios Asturies Mozu de Poesía, Narrativa y Testos Teatrales (1.500 ), con plazu hasta’l día 16 de payares; Premiu de Nuevos Realizadores del Principáu d’Asturies (7.250 ), hasta’l 31 d’ochobre de 2012; Premiu Astragal (4.000 ), Certame Nuevu de Graffiti del Principáu d’Asturies (1.000 ), Programa d’esposiciones pa mozos artistes plásticos. Sala Borrón 2012-13, toos ellos hastal 31 de payares, y Premiu LAB_Mozu_Esperimenta pa la ellaboración d’un proyectu específicu pa Llaboral Centru d’Arte y Creación Industrial (10.250 ), hastal 16 de payares de 2012. Bases completes de los concursos 23 d'ochobre, 2012 0 FacebookTwitterPinterestEmail
Conceyos Reclamen a Mieres que tenga la páxina web tamién nasturianu by asturnet 23 d'ochobre, 2012 La formación política Conceyu Abiertu por Mieres pidió estos díes que la páxina web del Ayuntamientu tea tamién nasturianu. Denuncien que la páxina web del Conceyu de Mieres, muérganu dixital oficial de la institución municipal, nun ufre a los usuarios de la rede la posibilidá de visualizar la mesma na llingua asturiana. Espliquen que dexaron dalgo de tiempu al nuevu executivu llocal pa que tornara esta situación, pero agora esixen que se nos dea la posibilidá d’una opción de visualización d’esta páxina tamién na llingua propia d’Asturies y del Conceyu de Mieres. Ente los argumentos defendíos pola formación tal de que Mieres ye claramente asturfalante, polo que que la páxina www.ayto-mieres.es nun tea una versión de visualización n’asturianu tresmite una imaxe de pasotismu pa col ciudadanu, alloñando ainda más la institución municipal del pueblu. Conceyu Abiertu por Mieres entiende que la realidá llingüística que se vive nes cais del conceyu nun se correspuende col diseñu monollingüe d’esti mediu dixital. En segundu llugar, dende la plataforma Conceyu Abiertu por Mieres, atalanten que la situación del asturianu ye pergrave y yá son dellos muerganismos internacionales los que señalen que con esti camín de falsa normalización l’idioma d’Asturies ta nel camín de desapaecer dafechu. Pa camudar esa situación entienden quésta sedría una bona midida de normalización sedría ufrir una versión n’asturianu de la páxina web municipal y asina contribuyir a caltener viva la nuesa llingua, cosa que, recuerden yá ficieron dellos conceyos de la redolada de Mieres. Amás recuerden que l’alministración, dempués de munchos escándalos y de xenerar situaciones discriminatories, yá foi avisada y llama a orde con esti tema, con resoluciones xudiciales inclusive, que llamaben a fomentar l’emplegu y usu l’idioma dende l’alministración pública. Nesti sen, esixen al gobiernu llocal y a los responsables de la web se punxeren manes a la obra y normalizar y fomentaren l’emplegu del asturianu na páxina web, que ye un muerganu de la alministración mierense na rede. Amás, faise un llamáu a Izquierda Xunida-Los Verdes, grupu que gobierna en Mieres, que lleva nel so programa eleutoral, el compromisu de dignificar y normalizar la posición del idioma propiu del país. Pa CA ye una irresponsabilidá qu’enantes de ganar les eleiciones prometieran afondar nesa normalización llingüística y qu’entá nun ficieran nada. 23 d'ochobre, 2012 0 FacebookTwitterPinterestEmail
Política Esixen quel presupuestu de los Premios Príncipe vaiga pa servicios sociales by asturnet 23 d'ochobre, 2012 Dende la formación política Conceyu Abiertu amosaron el so refugu a la celebración que cada añu se produz nUviéu con motivu de los Premios Príncipe dAsturies, unos gallardones que, según consideren, respuenden principalmente a una operación de llaváu de cara pa la institución monárquica, cada día más deteriorada nel conxuntu del estáu español. Amás, esti criteriu afecta según la formación especialmente a Asturies, yá que camienten que se mos impunxo la institución del Principado, una figura política quentendemos respuende a valores arcaicos y antidemocráticos inherentes a la propia institución monárquica. Dende Conceyu Abiertu quieren afitar quAsturies nun ye un Principáu, nin el pueblu asturianu siervu o vasallu de nenguna figura que nun seya formada y participada pol propiu pueblu. Nesi sentíu, denuncien la situación de probitú democrática na que satopa Asturies, con cientos de persones represaliaes nos caberos meses por distintos conflictos sociales y llaborales como puede ser el casu del mineru. Y ye que nuna Asturies con 100.000 paraos y paraes, na que dende Xineru de 2011 tuvieron quemigrar 17.000 mozos y moces, na que perdemos miles dhabitantes al añu, nun país cada día más avieyáu y con menos perspeutives de futuru, nun podemos facer más que denunciar la política del pan y circu a la que dende les instituciones estatales, asturianes y municipales mos somorguien en toles ocasiones que pueden, espliquen. Consideren estos premios una obscenidá y una burlla a la ciudadaníal fastuosu despliegue de medios económicos y humanos, con sovenciones millonaries a una fundación quescapa al control públicu y que nun sabemos mui bien en qué emplega caún de los euros del pueblu que-yos apurren les instituciones, recuerden. Por ello soliciten que se termien cola marxinación y represión na que vemos sometida a la nuesa cultura, identidá, y a la nuesa llingua a la que contribuyen estos premios quen nengún casu tienen en cuenta los nuesos rasgos propios. Por toes estes razones Conceyu Abiertu ve necesaria una movilización lo más amplia posible, en númberu de participantes y en variedá daiciones, pa denunciar la situación y amosar el refugu del nuesu pueblu pa con esta llaceria. 23 d'ochobre, 2012 0 FacebookTwitterPinterestEmail
Comunicación Yá sespublizaron les sovenciones a medios de comunicación by asturnet 23 d'ochobre, 2012 El BOPA yá espublizó la resolución de les ayudes al usu del asturianu nos medios de comunicación. 127.79,45 euros a repartir ente medios dixitales, en papel, radios, televisiones y revistes, pafalar lusu del asturianu. Decretu nel BOPA 23 d'ochobre, 2012 0 FacebookTwitterPinterestEmail
Convocatories Entama la tercer edición del Cursu d’Asturianu en Xixón del CUPA y l’Academia de la Llingua Asturiana by asturnet 22 d'ochobre, 2012 El Conceyu Universitariu pol Asturianu (CUPA) ya Iniciativa pol Asturianu abren el plazu papuntase a la que yá ye la tercer edición de los Cursos dAsturianu en Xixón, una esperiencia formativa que cunta col encontu de l’Academia de la Llingua Asturiana. El cursu, que se va facer na sede del Conseyu de la Mocedá de Xixón (Avda. Manuel Llaneza, 68), va entamar el martes 13 de payares, cuntando con 35 hores llectives, los martes y xueves, de 19 a 21 hores, parando pa les fiestes navidiegues y tornando en xineru. Ta empobináu a persones ensin conocimientos dasturianu o con nivel baxu de conocencia ya inclúi, pa les persones que lu superen, un diploma de lAcademia de la Llingua Asturiana, entidá reconocida pola Conseyería dEducación pa la formación del profesoráu. El preciu de la inscripción ye de 50 euros, incluyendo los materiales necesarios pa llevar alantrel cursu, comol manual Xeitu, que va sirvir de guía pal cursu y quasoleyó lAcademia de la Llingua Asturiana, xunto a otros llibros. Les inscripciones pueden facese nel corréu lletrónicu conceyuasturianu@gmail.com o nel teléfonu 615 982 816, hastal 10 de payares. Dende Iniciativa pol Asturianu y el CUPA animen a participar nesti cursu qu’espliquen “va sirvir pa dar una conocencia básica y adaptada al nivel del alumnáu de la llingua asturiana, deprendiendo les normes ortográfiques, vocabulariu y otres cuestiones, con una clases amenes que van apoyase nelementos audiovisuales, trabayando tamién cuestiones rellacionaes cola sociollingüística y la cultura dAsturies”. 22 d'ochobre, 2012 0 FacebookTwitterPinterestEmail
Conceyos El Voluntariáu d’Iniciativa pol Asturianu participa na “Espicha FIG 2012” en Villaviciosa by asturnet 19 d'ochobre, 2012 La militancia de la organización audirá a la “Espicha FIG 2012” pa informar a los maliayos al rodiu de l’actividá del nuesu coleutivu y p’animalos a tomar la iniciativa pol asturianu. Amás taremos d’estrenu, ya que los asistentes tendrán la oportunidá de facese con un mapa de la división parroquial d’Asturies -col so nome tradicional- a un preciu de solo 5. La espicha celebraráse nel recintu de la bolera del Atenéu Obreru de Villaviciosa (C/Marqués de Villaviciosa, 2) a partir de les 20:00h y cuntará con delles actuaciones musicales” pol preciu de 15 euros. 19 d'ochobre, 2012 0 FacebookTwitterPinterestEmail
Conceyos Entamen nEl Franco les Sesióis dEstudio del Occidente by asturnet 19 d'ochobre, 2012 La cabeza del conceyu dEl Franco, A Caridá, va acoyer estos díes les Terceiras Sesióis dEstudio del Occidente, un alcuentru pa falar de la llingua y lliteratura dEntrambasaguas, dende estremaos campos destudiu: la música, les nueves tecnoloxíes, la etnografía, la filoloxía Lentamu va ser güei, vienres 19, a les cinco y media la tarde, cuntando con José A. Fernández Vior pa falar dA composición como mecanismo expresivo, Ángel Fernández pa falar de molinos y otros inxenios hidráulicos nEl Franco, Ricardo Saavedra pa falar de la lliteratura na música neonaviegu, Xosé Antón González Riaño pa comentar delles cuestiones alredor de la escolarización da fala nesta fastera dAsturies, rematando con una mesa redonda dedicada a la Normalización socieducativa da fala eonaviega moderada por Iván Iglesias Cazarón. El sábadu abre les sesiones Xosé Lluis García Arias, falando de testos medievales de la fastera eonaviega. María José Fraga dedicará la so conferencia a falar de poesía eonaviega, mientres que Benxamín Méndez va dedicar la so ponencia a Sistema dInformación Xeográfica y continuum llingüístico: úa proposta metodolóxica. Ruth González falará dA identidá eonaviega a través da súa lliteratura y Marisa López Diz zarrará la mañana moderando una mesa sobre Lliteratura y llingua. Darréu va celebrase una visitada guiada al taller dHerminio Álvarez. Yá pela tarde Ágata García Castro va falar dA fala na rede, mientres que Pablo Texón echará una güeyada a la poesía contemporánea neonaviegu. Aurora Bermúdez va facer un repás a la infantil y xuvenil. Zárrense les Sesióis con una mesa redonda sobre A música na fala, na que van participar músicos como Ambás, Marisa López Diz, Andrés Rodríguez Moteavaro y Ángel Berdiales. Les Sesióis acabarán con un conciertu de Mestura. Porgrama completu dactividaes 19 d'ochobre, 2012 0 FacebookTwitterPinterestEmail