Fiestes Xixón celebra esti llunes el so desfile d’Antroxu by asturnet 11 de febreru, 2013 El Gran Desfile d’Antroxu de Xixón va dir esti añu dende la Plaza Toros hasta L’Humedal. Nesti Desfile d’Antroxu, amás de ser un pasacais abiertu, hai dos concursos, unu de charangues y otru de carroces, con trés categoríes. Esti l’actu central de toa una riestra d’ellos que se celebren na ciudá a lo llargo d’estos díes.Programa completu del Antroxu de Xixón 11 de febreru, 2013 0 FacebookTwitterPinterestEmail
Lliteratura Preséntase la obra ganadora del Fierro-Botas densayu 2012 by asturnet 11 de febreru, 2013 La presentación de la obra ganadora del Premiu d’Ensayu y Investigación “Fierro-Botas” del Conceyu de Xixón, La botella de Xixón. Oríxenes y desendolcu hestóricu de la botella de sidra d’Asturies, d’Inaciu Hevia Llavona va presentase esti xueves 14 de febreru a les 19:30 hores nel Salón de Recepciones de la Casa Conceyu, cola presencia del conceyal de Cultura, Carlos Rubiera. “La botella de Xixón. Oríxenes y desendolcu hestóricu de la botella de sidra dAsturies” ye la obra ganadora del quintu premiu Fierro Botas, y ye un trabayu dinvestigación al rodiu dun elementu cimeru de la cultura asturiana, como ye la botella de sidra, sobrel quhai pocos estudios fechos. Inaciu Hevia Llavona (Xixón, 1965) ye etnógrafu y collaborador destremaes publicaciones especializaes onde tien asoleyaos dellos artículos, principalmente de tema hestóricu y etnográficu dende va más de quince años. El premiu, concedíu por mayoría del xuráu, quixo premiar lo novedoso del tema, rescamplando sobre manera la conxugación que lautor fai entel patrimoniu cultural y etnográficu, la cultura popular y la industria; asina como lapueste que fai por dar al mundu una mayor conocencia de Xixón y dAsturies. 11 de febreru, 2013 0 FacebookTwitterPinterestEmail
Sociedá Conceyu Abiertu celebra quAsturies se declare a la escontra de la resquiebra hidráulica by asturnet 11 de febreru, 2013 Dende Conceyu Abiertu atalanten como positivo l’alcuerdu algamáu na Xunta Xeneral d’Asturies pola práutica totalidá de partíos políticos ellí presentes, mediante’l qu’encamienten al Conseyu de Gobiernu de la Comunidá Autónoma del Principáu d’Asturies (C.A.P.A.) a redautar, con rangu llegal, una norma sobre aprovechamientu de recursos y qu’esplícitamente prohíba la téunica de la Resquiebra Hidráulica dientro de les llendes de la C.A.P.A. Recuerden que dende Conceyu Abiertu pidióse tamien al traviés de la Xunta Xeneral que’l propiu Javier Fernández asoleyara públicamente la so postura sobre esti tema, y d’igual forma, que se tomaran les iniciatives llegales afayadices pa que les alministraciones públiques asturianes nun concedieran más persimos ya retiraran los vixentes anguaño pa esta peligrosa téunica de la resquiebra hidráulica nos conceyos. 11 de febreru, 2013 0 FacebookTwitterPinterestEmail
Sociedá Iniciativa pol Asturianu entrega cartes con quexes y propuestes nel Ministeriu de Fomentu y nel dEducación by asturnet 11 de febreru, 2013 Esti llunes 11, Iniciativa pol Asturianu va entregar nes sedes del Ministeriu de Fomentu y Ministeriu dEducación, en Madrid, cartes dirixíes a los respectivos ministros, cola fin damosar el refugu de la organización a la situación na quedaría la llingua asturiana daprobase la nueva reforma educativa, per un llau, y solicitando l’usu de la toponimia oficial nes carreteres y demás instalaciones estatales nel casu de Fomentu. Pal enseñu, dende la organización asturiana soliciten “una solución que permita que lasignatura tea pelo menos nes mesmes condiciones nes que ta agora, que yá son bastantes males”, como yá espresó la Vocalía dEnseñu de la organización en numberoses ocasiones, asina como la reconocencia de la especialidá d’asturianu pal profesoráu. La carta dirixida al Ministru de Fomentu reclama quel Gobiernu dEspaña “cumpla col usu de la toponimia oficial nel territoriu asturianu, y anima a esti departamentu a usar lasturianu con normalidá nes infraestructures, instalaciones estatales de tresportes, dependientes del mesmu y presentes nAsturies: carreteres, ferrocarriles, aeropuertos, puertos, etc”. En dambos casos solicitaráse tamién a los ministerios qu’usen l’asturianu na so páxina web, “como faen col restu de llingües del estáu ya inclusive col inglés, que nun ye llingua oficial”, espliquen dende la organización. 11 de febreru, 2013 0 FacebookTwitterPinterestEmail
Convocatories Ta abiertul plazu pa presentar obres al Premiu Rosario Acuña densayu by asturnet 8 de febreru, 2013 L’I.E.S. “Rosario Acuña” de Xixón tien abiertul plazu pal decimoquintu premiu d’investigación y divulgación, pal que pueden presentase trabayos hastal 15 de marzu de 2013, quhan ser apurríos o unviaos per corréu (en papel, discu o CDROM) a la Secretaría del Centru: IES Rosario d’Acuña, Cai Puertu Vegarada e/n, 33207, Xixón. Pal premiu esisten trés categoríes, una palumnos del centru, y dos pa investigadores en xeneral, con categoría temática sobre Xixón y sobre Asturies, y con premios de 2.000 euros. Los premios van poder ser declaraos desiertos o concedese ex-aequo a pidimientu del Xuráu. Aparte del testu, cada trabayu va acompañar de la documentación gráfica (semeyes, ilustraciones y gráficos) que cada participante considere oportunu. Tolos trabayos van quedar a disposición del IES Rosario Acuña que sacuta tolos drechos de publicación de los premiaos, pudiendo editalos y comercializalos pola so cuenta o por aciu conveniu con otra entidá o editorial. Nel casu de que finalmente se realice la edición, l’importe del premiu va considerase como pagu a tantu alzáu de los drechos d’autor correspondientes. El fallu del Xuráu va faese públicu’l 2 de mayu de 2013 y va ser inapellable. Bases completes del Premiu 8 de febreru, 2013 0 FacebookTwitterPinterestEmail
Lliteratura Lamor fala tamién nasturianu nel Institutu Emilio Alarcos by asturnet 8 de febreru, 2013 Los alumnos del Institutu Emilio Alarcos de Xixón participen nesti concursu que salluga nel Plan de Llectura, Escritura ya Investigación (PLEI) y al que pudieron presentase cartes damor nasturianu, castellán, inglés y francés. La entrega de premios sedrál 14 de febreru. 8 de febreru, 2013 0 FacebookTwitterPinterestEmail
Cine Beatriz Merés presenta un curtiometraxe nel Conseyu de Mocedá de Xixón by asturnet 8 de febreru, 2013 Esti vienres, 8 de febreru, nel Salón dActos del Conseyu de Mocedá de Xixón va proyectasel curtiometraxe de Beatriz Merés “El abominable que se sentó frente a las nieves que no dejaban de hablar”. Lactu, que va cuntar cola presencia de lautora, va facese en dos pases, unu a les siete y otru a les ocho la tarde. 8 de febreru, 2013 0 FacebookTwitterPinterestEmail
Sociedá Llanes acueye la séptima edición del taller de la xíriga de los teyeros by asturnet 8 de febreru, 2013 La Casa Cultura de Llanes entama esti llunes la séptima edición del taller de Xíriga, el llinguaxe de los teyeros llaniscos. La iniciativa forma parte del programa Cursos del Conceyu 2013, convocáu pol Conceyu de Llanes en collaboración cola Obra Social y Cultural de Caxastur. El cursu, d’ocho hores de duración, tien un calter divulgativu, con partes teóriques y práctiques. Céntrase nunu de los aspeutos más interesantes del patrimoniu etnográficu de Llanes y tien formatu de meses redondes nes que se va falar de cuestiones llingüístiques en base a testos de referencia, como los escritos por Emilio Muñoz Abargane, Pablo Ardisana o Xuan Xosé Sánchez Vicente. El coordinador de l’actividá ye Higinio del Ríu, director del centru cultural. El taller inclúi coles mesmes comentarios de testos, dictaos, redacciones y traducciones, y tomen parte nél dellos antiguos teyeros o tamargos, que dan testimoniu en cada sesión de la so esperiencia personal en tan duru oficiu. Van participar nel cursu Evaristo Concha Ojeda, Juan Remis García, Juan Ríos González, José Díaz Díaz, Evaristo Celorio Rodríguez y Ramón Melijosa Cuevas, autor d’un diccionariu de Xíriga. Va celebrase los llunes de 7 a 9 la tarde, con una cuota de diez euros. 8 de febreru, 2013 0 FacebookTwitterPinterestEmail
Sociedá A Caridá celebra Les Comadres con una cena con música y sorpreses by asturnet 8 de febreru, 2013 Ye la séptima ocasión na quel Conceyu dEl Franco organiza esta actividá. Esti sábadu 9 de febreru, nel restorán El Hórreo, dA Caridá, va celebrase una de comadres oganizada pola Conceyalía dIgualdá. Les inscripciones han facese na Biblioteca (Complexu Cultural As Quintas), o nel teléfonu 985 637 233 por 15 euros. 8 de febreru, 2013 0 FacebookTwitterPinterestEmail
Patrimoniu La Universidá d’Uviéu pon el so patrimoniu artísticu y hestóricu na rede by asturnet 7 de febreru, 2013 Más d’un centenar d’obres d’arte y dalgunes de les principales xoyes bibliográfiques, munches d’elles pieces úniques, formen parte de GAUDEO, un innovador proyectu de divulgación del patrimoniu qu’acaba de rematar la Universidá d’Uviéu. Dempués de la presentación de la primer fase, va un añu, la Galería de la Universidá d’Uviéu completóse y ameyoró tantu en conteníos como en diseñu, cola incorporación como novedá d’una cuidada biblioteca dixital que pon a disposición de la sociedá exemplares únicos y inaccesibles pal públicu. GAUDEO ufierta la posibilidá de realizar una visita virtual pel Edificiu Hestóricu de la Universidá d’Uviéu, producida con fotografía esférica; aportar a una galería en llinia con imáxnes n’alta definición de cada obra d’arte y otros oxetos significativos, acompañaos d’una completa ficha; y consultar una biblioteca dixital con xoyes bibliográfiques y llibros especiales de la Biblioteca Hestórica de la Universidá d’Uviéu. Dende la Universidá espliquen que la tecnoloxía utilizada “sigue’l modelu del Muséu del Prado na so galería en llinia o de la Biblioteca Nacional de Francia -Gallica- na so biblioteca dixital, ente que la visita virtual ta oldeada a la National Gallery de Lonndres”. Al traviés d’esta galería, los espertos pueden conocer tolos detalles de pieces úniques, como trés talles y parte del retablu fundacional de la institución académica, de 1607, salvaes del fueu que destruyó la Universidá na Revolución d’Ochobre de 1934, o’l llibru El Baladro del Sabiu Merlín coles sos profecíes, un incunable d’estraordinaria rareza y gran guapura formal, únicu exemplar conocíu de la edición burgalesa de 1498. La biblioteca dixital esibe tamién obres que nun pueden atopase n’otru llugar y inaccesibles pal públicu como Arte de herrar cavallos, en dialogo, el primera Plan d’estudios de la Real Universidá d’Uviéu, Statutos de la Universidad de Oviedo (los primeros estatutos de la institución académica) y Llibre de menescalia (en castellán:) Llibru de albeyteria. Tamién s’inclúin obres de Feixoo o Xovellanos y van dir incorporándose nuevos volúmenes como una primer edición de La Rexenta, ediciones d’El Quixote, amás d’otros incunables y manuscritos. Visita GAUDEO 7 de febreru, 2013 0 FacebookTwitterPinterestEmail