Convocatories Milio’l del Nido llega a los xueves lliterarios de La Consistorial by asturnet 13 de xunu, 2013 Esti xueves 13 de xunu, de 20:00 a 22:00 h, Milio’l del Nido va cuntar los sos cuentos nos xueves lliterarios del chigre La Consistorial, allugáu na Plaza’l Sol d’Uviéu. 13 de xunu, 2013 0 FacebookTwitterPinterestEmail
Sociedá Reciella organiza una sesión de cuentacuentos n’Avilés by asturnet 13 de xunu, 2013 Reciella, asociación de families pol asturianu y la Estaya de la Llingua d’Avilés organicen un Cuentacuentos en Valdecarzana embaxo’l títulu “Xelaos de Cuentu”. L’actriz Olga Cuervo sedrá la encargada de poner n’escena los cuentos nel Palaciu de Valdecarzana, esti vienres 14 a les 19:30 hores. 13 de xunu, 2013 0 FacebookTwitterPinterestEmail
Cine “Piquinu” llega al Muséu del Pueblu d’Asturies col ciclu “Cine en ‘A” by asturnet 12 de xunu, 2013 El próximu xueves 13 de xunu a les 19:00h nel Muséu del Pueblu d’Asturies, en Xixón, va proyectase’l curtiometraxe “Piquinu”, enmarcáu na IV edición del ciclu CINE EN ‘A. “Piquinu” ye un curtiumetraxe n’asturianu de 11 min que tien como protagonista a Aarón, un rapaz del conceyu de Ḷḷena al qu’acompañen los sos perros per ún de los meyores paisaxes d’Asturies. La vida cotidiana d’esti mozu nun sieglu XXI alloriáu refléxase nun viaxe interior que xube dende’l pueblu de Rospaso hasta’l Macizu d’Ubina. 12 de xunu, 2013 0 FacebookTwitterPinterestEmail
Educación Una campaña busca implicar al profesoráu d’asturianu na promoción de la materia nos centros by asturnet 12 de xunu, 2013 La organización Iniciativa pol Asturianu, al traviés de la so Vocalía d’Enseñu, ta acabante poner en marcha una campaña pa facer medrar la matriculación na asignatura d’asturianu nes escueles ya institutos d’Asturies, “onde la demanda ye mui alta per parte de les families y alumnos, pero onde tovía apaecen importantes torgues pa matriculase na asignatura, con incumplimiento de la llexislación en dalgunes ocasiones”, espliquende de la organización. La campaña busca implicar al profesoráu d’asturianu con un folletu con un diseñu en blancu y negru que pueden imprentar ellos mesmos a baxu costu y según el volume d’alumnos del centru nel que trabayen. El folletu, que pue imprimise como cartelu tamién, inclúi información básica pa los alumnos y families, informando de los sos drechos en cuantes a l’asignatura d’asturianu, que ye obligatorio ufiertar en tolos niveles y en tolos centros públicos, concertaos o privaos d’Asturies, como afita la llexislación vixente y una sentencia recién del Tribunal Superior de Xusticia d’Asturies. Iniciativa pol Asturianu unvió una carta a tolos centros públicos, concertaos y privaos d’Asturies, recordando les sos obligaciones con respectu a l’asignatura d’asturianu, asina como dándo-yos el so sofitu y asesoramientu si la Conseyería d’Educación punxere dalguna torga a la matriculación n’asturianu o nun punxere a disposición del centru un profesoráu suficiente pa l’asignatura. Amás, anímase al alumnáu, families y futuros profesores de l’asignatura a espardar esta campaña en papel y nes redes sociales, pa facer medrar la matriculación de llingua asturiana nos centros de toa Asturies. Esta ye una campaña pa tol territoriu na qu’Iniciativa pol Asturianu quier implicar a toles persones posibles na so zona concreta, con unes acciones mui simples, como son la impresión y repartu d’unos folletos y cartelos nel so centru, asina como informar de los posibles problemes que puedan surdir. Descarga’l material de la campaña pa imprimilu y participar 12 de xunu, 2013 0 FacebookTwitterPinterestEmail
Sociedá Los Humanitarios de Morea entreguen el Premiu Pepe Campo de monólogu a Inaciu Galán by asturnet 12 de xunu, 2013 La Sociedá Humanitarios de Samartín celebra esti miércoles, 12 de xunu, un actu d’entrega de la décima edición del Premiu Pepe Campo de monólogu asturianu. El ganador de la edición d’esti añu ye’l periodista y escritor Inaciu Galán, col testu “Yá llegó la Navidá”, que nesti actu va ser puestu n’escena pol reconocíu actor Lluis Antón González. Nel actu, que va celebrase a partir de les 7 la tarde na Casa Cultura de Morea, n’Ayer, va actuar un grupu de musicos del Conservatoriu de Música del conceyu. Ye la cuarta ocasión na qu’Inaciu Galán gana esti gallardón, que tamién premió n’otres ocasiones a autores como Carlos Alba “Cellero”, Benxa Pérez, Juan Antonio de Dios o “El Maestru”, convirtiéndose nun concursu bien importante pa la promoción y la renovación d’esti xéneru lliterariu y escénicu tan propiu d’Asturies. Inaciu Galán y González (Xixón, 1986) ye escritor y periodista, en medios como la TPA o Asturnews. En 2004 impulsó xunto a Benxa Pérez la modernización del monólogu asturianu, entamando eventos rellacionaos con esti xéneru y espublizando en 2008 la primer Antoloxía de monólogu modernu ¡Pa echar unes rises!”,al que siguió un segundu volume en 2011. Presidente d’Iniciativa pol Asturinau, nel mes d’agostu recibirá de manes del Centru Asturianu de Madrid el Premiu Urogallo pol so llabor en favor de la llingua asturiana. La hestoria del concursu Pepe Campo 12 de xunu, 2013 0 FacebookTwitterPinterestEmail
Educación La Conseyería entama una campaña de matriculación na asignatura d’asturianu by asturnet 11 de xunu, 2013 La Conseyería d’Educación, Cultura y Deporte pon en marcha, el llunes 10 de xunu, una campaña informativa pa impulsar la matriculación en Llingua asturiana y Gallego-asturianu, col lema #yoapúntome, porque lo llevamos dientro / #euapúntome, porque lo levamos dentro. La difusión d’esta campaña fadráse gracies a dellos materiales que pueden descargase na so páxina web. Del 11 al 21 de xunu ta abiertu’l plazu pa matriculase, anque munchos centros ponen dificultaes na matriculación, como denunció estos díes SUATEA. La enseñanza de la llingua asturiana entamó a impartise oficialmente en 1984, nuna serie de centros educativos públicos, aumentando’l númberu d’ellos nos años sucesivos. Estes enseñances impártense anguaño en 331 centros educativos. La matriculación nesti añu 2013 pue facese ente’l 10 y el 21 de xunu (pa Educación Primaria) y ente’l 2 y el 15 de xunetu (ESO y Bachilleratu). La Llingua asturiana y el Galllego-asturiau son materies de currículum que se pueden estudiar en tolos centros públicos d’Enseñanza Primaria y Secundaria. Col envís de llograr qu’esti fechu lu conozan la mayor cantidá posible de padres y d’alumnos/es, “ye polo la Conseyería pon en marcha una Campaña Informativa de Matriculación en Llingua asturiana/Galego-asturiano. Con ella, el Gobiernu d’Asturies quiera mosar el so apoyu a la enseñanza del asturianu, promover la conocencia d’un fechu cultural arriquecedor que forma parte de la nuesa identidá y que contribúi a la formación integral del alumnáu, respetando siempre la llibre opción y la voluntariedá del so deprendimientu”, espliquen dende Política Llingüística. Materiales de la campaña 11 de xunu, 2013 0 FacebookTwitterPinterestEmail
Sociedá La FADE va acoyer la presentación d’una campaña d’Iniciativa pol Asturianu que busca asturianizar el mundu empresarial by asturnet 11 de xunu, 2013 La finalidá d’esti proyeutu ye dotar a la llingua asturiana d’un estatus, amás d’un usu útil y activu na sociedá asturiana, capaz de xenerar beneficiu un económicu y social al traviés de la firma de convenios con empreses y negocios que busquen introducir l’asturianu con unos criterios básicos d’usu, según espliquen dende Iniciativa pol Asturianu. Dende la organización quieren “sensibilizar a empresarios y a consumidores en que’l so usu normal ye rentable dafechu económicamente”. L’asturianu ye un elementu que condiciona la calidá del productu material o’l serviciu que s’ofrez porque “crea un valor que tresciende, al tiempu que complementa, al beneficiu monetariu”. D’esta miente, “tener unes bones práutiques llingüístiques posibilita rentabilizar el factor diferenciador na empresa asturiana, porque aquello que se consume con estes pautes arriquez l’entornu sociocultural -y por supuestu económicu- d’onde surde la empresa o negociu”, recuerden. Pa buscar medrar l’usu del asturianu nesti ámbitu asoléyase asina “La empresa asturiana muévese”, una marca qu’aspira axuntar a toles empreses comprometíes cola sociedá y, poro, col asturianu. Y por si fuere poco, axúntase con esta campaña un “Códigu de bones práutiques llingüístiques”, un documentu que busca asesorar a les entidaes interesaes nel diseñu y aplicación d’esti tipu de polítiques na empresa o negociu. Un documentu informativu con tolos datos y pautes pa resolver les duldes más comunes. Asina, l’actu de presentación d’esta campaña tendrá llugar el próximu 14 de xunu a les 12:30h na Sala Polivalente de la sede de la FADE (C/Pintor Luis Fernández, 2. Uviéu). La entrada sedrá llibre y cuntará cola participación de dellos empresarios y productores que yá usen l’asturianu na so actividá. 11 de xunu, 2013 0 FacebookTwitterPinterestEmail
Sociedá El nuevu obispu auxiliar d’Asturies dixo unes pallabres n’asturianu na ceremonia de nomamientu by asturnet 11 de xunu, 2013 Esti sábadu 8 de xunu, el nuevu obispu auxiliar d’Uviéu foi nomáu con una ceremonia na Catedral d’Uviéu. Tres dacabar la lliturxa Juan Antonio Menéndez, dirixóse a los fieles pa espresar los sos sentimientos dagradecimientu, dexando espaciu pa unes cuantes frases n’asturianu: Estoy seguro de que recordasteis las palabras de D. Manuel, el cura vieyu, cuando al veme tan penu y tan ruín preguntábase si dalguna vez valdría palcalde del pueblu. Ya veis, aquel neñu medrou y féxose mozu y con vosotros anduvo a la yerba y detrás de las vacas. Discursu completu del Obispu 11 de xunu, 2013 0 FacebookTwitterPinterestEmail
Política Foru denuncia “el desentendimientu de los socialistes pa cola presencia del asturianu na escuela” by asturnet 10 de xunu, 2013 La diputada de Foru Asturies, María del Mar García Poo llamentó nuna nota de prensa les declaraciones del presidente de la Xunta Xeneral del Principáu, Pedro Sanjurjo, nes que refuga cualquier acción concreta pasegurar el futuru de lasignatura de Llingua asturiana cola nueva Llei dEducación, tres el conceyu que tuvo cola Asociación de Padres y Madres (AMPA) del Colexu Públicu Rural Agrupáu Picos dEuropa, que-y treslladaron, el so esmolecimientu por esta asignatura voluntaria que vien siendo escoyida por cuasi por el cien por cientu del alumnáu y que los estudiantes, mesmo que les families, siéntenlo como dalgo propio. Sanjurjo recalcó que la protección de la diversidá llingüística tá recoyía na propia Constitución y comprometióse a lluchar pa preservar toles variantes llingüístiques dAsturies. Con too y con ello, a la hora desplicar cómo contaba facelo, remarcó’l so refugu a cualquier acción concreta, incluyendo cualquier usu oficial del asturianu y dexó bien claro que, na so opinión, lo verdaderamente importante pa preservar una llingua ye la utilización de la mesma con naturalidad y de forma habitual, afirma García Poo. Les declaraciones del presidente del parlamentu asturianu son otra prueba más del desentendimientu de los socialistes pa cola presencia del asturianu na escuela, diz la diputada, que cree que llama latención que la mesma alministración que se niega de continu a aplicar la vixente Llei dusu del asturianu, que senseña inmovilista en cuantes a facilitar la so presencia pública y que, en definitiva, nun ye a enseñar un usu natural y de forma habitual del nuestru patrimoniu llingüísticu, pida a los ciudadanos un compromisu quella nun tién. La diputada manifestó que la defensa del nuestru patrimonio llingüísticu nun ye cosa namás de los ciudadanos: les alministraciones tienen tamién la so responsabilidá, y destaca que nel usu cotidianu, na preservación y na promoción del asturianu la sociedá va mui per delantre de los políticos. Los principios constitucionales nun son declaraciones retoriques: tienen efectos prácticos. Con toles torgues que tien lasignatura de llingua nel actual sistema educativu, les families de los escolinos siguen enseñando un compromisu pa col nuestru patrimoniu llingüísticu más palla del de lAlministración, añadió. 10 de xunu, 2013 0 FacebookTwitterPinterestEmail
Convocatories Convoquen el Concursu de Xarrés y Camisetes de Santa Ana en Grau by asturnet 10 de xunu, 2013 Un añu más, la Conceyalía de Festexos de Grau pon en marcha l’IV Concursu de Xarrés y Camisetes de Santa Ana, que va tener llugar el próximu 26 de xunetu de 2013. Col envís d’afalar la participación ciudadana preséntense delles novedaes con al respective de años precedentes, que pueden consultase les bases de participación. El periodu d’inscripción pa participar nel desfile de xarrés y camisetes de Santa Ana abre’l 10 de xunu de 2013, y va tar abiertu hasta’l 22 de xunetu pal casu d’asociaciones y colectivos y hasta el 26 de xunetu pa chigres y peñes. Bases completes 10 de xunu, 2013 0 FacebookTwitterPinterestEmail