Fiestes La Regalina acueye esti domingu l’asturianía del occidente by asturnet 20 d'agostu, 2013 La fiesta más nomada de l’asturianía nel occidente va volver a Cadavedo esti domingu con La Regalina, un festexu qu’entamará’l sábadu pela mañana con xuegos pa los pequeños de la casa, pasacais, quedada motera y verbena, pero que tien so día grande’l domingu. Como cada añu, el campu de La Regalina o La Riegla volverá a tener un programa enforma atractivu con muchu folklor y música de nueso. El tradicional desfile folclóricu de les alfiladas saldrá a les once de la mañana (dende’l barriu de Tosquila) y cuntará cola participación de les bandes de gaites «La Reina del Truébano», de Navia, «El Enxambre» y «Aires de Valdés». En La Regalina van dase cita los grupos de baile «Brisa d’Aguilar» (Murios del Nalón), «Xovellanos» (Xixón), «Fonta la Faya» (Valdés), «La Regalina» (Valdés) y «Ruxidera» (Mieres). El campu de La Garita va ser escenariu de la llectura del pregón, prevista a los dolce y cuartu de la mañana del domingu al cargu de Xosé Manuel Fernández. Tres esta llectura, va tocar baillar la danza prima en presencia de la Virxe de la Riegla que recibe la ufrienda de alfiladas. La procesión pel campu y la misa van poner fin a los actos más sobrios. De siguío, van actuar los grupos de coros y dances, que van poner color a la fiesta tamién mientres la tarde. van facer nel campu, un escenariu cerca d’un horru con espectaculares vistes al mar Cantábricu. ç La Regalina va acoyer amás la entrega a Xurde Fernández del XX Premiu de Poesía Fernán Coronas Padre Galo qualgamó pol so poemariu Difícil. El premiu tien abondu prestixu n’Asturies y lleval nome dun de los escritores de referencia de la historia de la llingua asturiana. Según indica lacta del xuráu, Xiurde Fernández algamó’l premiu nesti 2013 por las potentes imáxenes, la unidad temática ya formal del poemariu, ya´l dominiu ḷḷingüisticu del autor que foi lo que llevó al xuráu a escoyer por mayoríal trabayu Difícil comol ganador. 20 d'agostu, 2013 0 FacebookTwitterPinterestEmail
Lliteratura El gremiu de llibreríes reduzse a 200 establecimientos by asturnet 20 d'agostu, 2013 Según l’Asociación de Llibreros del Principáu d’Asturies (ALPA), na rexón queden cerca de 200 llibreríes, una trentena d’elles n’Uviéu. La desapaición de la emblemática llibrería Santa Teresa d’Uviéu, que va díes cerró les sos puertes tres ochenta y cinco año d’hestoria, vieno a dar otra vuelta la voz d’alarma nel sector dexando un gran vacíu na capital asturiana. El sector viose sacudíu nestos tiemposw caberos por dos crisis: la qu’afecta a la situación económica y la que sufre específicamente la industria editorial por mor de los cambeos tecnolóxicos: la competencia d’Internet. A ello hai de sumar tamién la vienta de llibros en grandes superficies comerciales y el surdimientu de bancos d’intercambiu de llibros de testu. 20 d'agostu, 2013 0 FacebookTwitterPinterestEmail
Cine El XIX Festival de Cine na Cai entama en Les Arriondes by asturnet 20 d'agostu, 2013 La plaza García Dory de Les Arriondes ye see mientres estos díes del XIX Festival de cine na cai, qu’entama’l cineclub de la capital parraguesa y l’asociación multicultural «Llar de Sones», col patrociniu del Conceyu. La entrada ye gratuita. Güei proxéctase’l filme «Los vengadores», y mañana, «Intocable». Hai proyección toles nueches, a les 22.00 hores, hasta’l vienres 23, cuando se va emitir el llargumetraxe «La vida de Brian». 20 d'agostu, 2013 0 FacebookTwitterPinterestEmail
Cine IX Festival de curtiumetraxes en Ribedeva by asturnet 20 d'agostu, 2013 EL IX Festival nacional de curtiumetraxes al campu REC («Ribedeva en curtiu») empieza les proyecciones güei, nos xardinos del Archivu d’Indianos, en Colombres. Les proyecciones van siguir hasta’l xueves d’esta selmana. 20 d'agostu, 2013 0 FacebookTwitterPinterestEmail
Música Conciertu Llíricu nel Casinu de Llanes by asturnet 20 d'agostu, 2013 Dientro del programa «Branu cultural 2013», entamáu pol Conceyu de Llanes al traviés de la Casa de Cultura, güei celébrase nel Casino (20.30 hores) un conciertu llíricu a cargu del tenor Martín Barcelona, que va tar acompañáu al pianu por Iñaki Velasco. Nel recital interpretarán obres de Bellini, Donizetti, Tosti, Verdi, Mozart, Turina, Ginastera, Olaizola, M. Villar y Pablo Sorozábal. 20 d'agostu, 2013 0 FacebookTwitterPinterestEmail
Patrimoniu Los ecoloxistes denuncien nuevos cortes de castañales en Casu by asturnet 19 d'agostu, 2013 Güei publica’l Bopa l’anunciu que va suponer el desaniciu de miles de castañales en montes publicos del Parque Natural de Redes nel conceyu de Casu, “que al pasu que va quedar ensin ellos, en vista de lo qu’esta asocediendo nos ultimos meses”, sigún denuncia la Coordinadora ecoloxita d’Asturies. Anúnciase que van cortase otros 10.873 pies de castañal, nuna zona onde se vienen valtando miles d’ellos a matarrasa nos ultimos meses, nun supuestu plan de saneamientu (Plan Tecnico de Xestión de los Castañeos), que pel momento solo lleva baltar completa de los montes de castañales, col consiguiente impactu pal paisaxe y la flora y fauna d’estos montes. La Coordinadora Ecoloxista dAsturies volvió a solicitar información reclamando al Principáu respuesta a les consultes realizaes va meses, sobre los proyectos de restauración de la masa forestal publica de Casu qu’esta sumiendose dafechu: “Temémonos que nestos tiempu de crisis economica, nin el Principáu nin el Conceyu, que ye quien cobra pola vienta de madera, pongan dineru pa la recuperación forestal d’estos miles de arboles valtaos, que supón un gran impactu ambiental nun espaciu protexíu”. Sigún la Coordinadora Ecoloxista d’Asturies, “hai que recordar que la zona afectada de Casu alluga la mayor concentración de castañales públiques y que les continues baltes de los ultimos meses tresformaron el paisaxe del conceyu de Casu de forma bultable”. El Parque de Redes, en conceyu Casu, ye un espaciu singular, teniendo delles protecciones, que nun lu llibraron hasta agora de les peligroses practiques madereres”. L’altu grau de caltenimientu de los montes de Redes conviértese nun apartáu d’especial valor pa la fauna, por tar presentes nellos la mayor parte de les especies que pueblen el monte cantábricu. “Por eso ye inaceptable que s’acepte valtar a matarrasa la totalidá de les castañales publicos, ensin garantíes de restauración d’esta masa forestal nos proximos años, pa recuperar la redolada paisaxística y natural de la zona”, sigún asoleya la Coordinadora nun comunicáu. 19 d'agostu, 2013 0 FacebookTwitterPinterestEmail
Patrimoniu IX desixe midíes pa protexer el prerrománicu by asturnet 19 d'agostu, 2013 El diputáu d’IX Gaspar Llamazares esixó güei, nuna reuda de prensa, la revitalización del plan director del prerrománicu asturianu, dando cumplimientu al resolvimientu aprobáu a instancies d’IX, y por unanimidá, pa la protección d’esti patrimoniu. Llamazares reclamó’l financiamientu de la so afayadiza xestión per parte del Estáu, la Comunidá Autónoma y los Ayuntamientos, pa evitar el so deterioru, daqué que, dixo, ye claro na Foncalada o en Santullano. A pesar d’esti resolvimientu, el presupuestu destináu pa la protección pasó dende los 300.000 euros en 2011 a solu 100.000 en 2012. Pa Llamazares nun ye aceptable que les distintes alministraciones refuguen la so responsabilidá alegando que nun ye de la so competencia pos, esclarió, la protección ye una responsabilidá de toes elles y tán obligaes a poner les midíes pa evitar el so deterioru. La falta de cumplimientu del resolvimientu pa la protección del prerrománicu llevó a IX a presentar una nueva propuesta nel Parlamentu pa que se cumpla col compromisu alcordáu por unanimidá nel Congresu. 19 d'agostu, 2013 0 FacebookTwitterPinterestEmail
Tecnoloxía Esposición sobre inxeniería informática na Universidá by asturnet 19 d'agostu, 2013 La Universidá d’Uviéu inauguró esti día una esposición sobre les meyores fundamentales n’inxeniería informática de les últimes trés décades. Una esposición que va tar abierta nel Edificiu Históricu, con motivu del 30º aniversariu de la Escuela d’esta área d’estudiu. L’amuesa puede visitase na Sala d’Esposiciones de Laudeo Centru Cultural d’Estensión Universitaria hasta’l próximu 13 de setiembre. L’horariu de visites va ser, de llunes a vienres, de 11.00 a 14.00 hores mientres el mes d’agostu, y en septiembre, de 11.00 a 14.00 hores y de 17.00 a 20.00 hores. 19 d'agostu, 2013 0 FacebookTwitterPinterestEmail
Sociedá Llamazares alerta del deterioru de la sanidá by asturnet 19 d'agostu, 2013 El diputáu d’IX Gaspar Llamazares denunció güei, en rueda de prensa, el deterioru de la sanidá pública del que les sos primeres consecuencies son l’amenorgamientu de la esperanza de vida al nacer y una peor valoración per parte de la ciudadanía del sistema. El parllamentariu responsabilizó d’estos alarmantes datos a la ministra de Sanidá, Ana Mato, polo que pidió’l so cese inmediatu. Esiste una sobremortalidad solamente esplicable pola crisis y los retayos. Per primer vegada nun aumenta la esperanza de vida, sinón que mengua. La baxada del enfotu de la ciudadanía nel sistema santario, casi tres puntos respective del últimu barómetru publicáu al del añu anterior, nun respuende a una cuestión de opinión sinón a los peores datos relativos a los indicadores sanitarios. Llamazares acusó, amás, al Gobiernu d’intentar despintar esa percepción más negativa que n’anteriores encuestes, al retrasar la publicación d’esti estudiu d’opinión. El Gobiernu intentó edulcorar les resultancies del barómetru, afirmando que’l sistema ta bien valoráu pero despintando, añedió, qu’esa valoración ye menor que los estudios precedentes. 19 d'agostu, 2013 0 FacebookTwitterPinterestEmail
Sociedá La emigración llaboral sigue xorreciendo: 6235 más hasta xunu by asturnet 19 d'agostu, 2013 Un total de 6.235 asturianos y asturianes salieron del Principáu nel segundu trimestre d’esti añu, a la gueta de trabayu, mentantu que nun se recibieron procedentes d’otros territorios namái que 3.596 trabayadores, de forma que’l saldu negativu asitiose nesi segundu trimestre en 2.639 persones. estos datos son los qu’ufierta l’informe de movilidá del segundu trimestre del Ministeriu de Trabayu. Nellim Asturies forma parte d’esa mayoría de provincies que rexistren un saldu negativu nunos datos que vuelven presentar a Madrid, Mallorca y Barcelona como les provincies más receptores de trabayadores, con saldos positivos de 34.340, 12.264 y 11.272 respectivamente. 19 d'agostu, 2013 0 FacebookTwitterPinterestEmail