Sociedá La Universidá estrena la so web en llingua asturiana by asturnet 13 de setiembre, 2013 El pieslle oficial de la Universidá Asturiana de Branu (UABRA) que tuvo llugar esti xueves nel Paraninfu de la Universidá tuvo so momentu cimeru na anuncia del rector de la Universidá dUviéu, Vicente Gotor de que la páxina web de la Universidá dUviéu en llingua asturian va estrenase’l martes gracies al esfuerciu enorme de lALLA en traducir tolos conteníos dixitales. L’anuncia fízola el Rector darréu de la petición d’Ana Cano nel actu de que faiga por una mayor visibilización del idioma nel ámbitu universitariu. Anque-y aagradeció al Rector “el so compromisu pa cola llingua, Ana Cano llamentó que la llingua tea desaniciada de munchesestayes universitaries y escaecida na mayor parte dactos oficiales. 13 de setiembre, 2013 0 FacebookTwitterPinterestEmail
Sociedá La Xunta fai una declaración sobre l’usu de la bicicleta como mediu de movilidá sostenible by asturnet 13 de setiembre, 2013 La Xunta del Principáu d’Asturies fizo esti día una declaración sobre l’usu de la bicicleta como mediu de movilidá sostenible, coincidiendo cola celebración como cada añu pola Comisión Europea de la SELMANA EUROPEA DE MOVILIDÁ. Nesti 2013 el lema ye “Clean air Its your move/L’aire llimpio ye’l to movimientu”. La declaración entama afitando que son yá munchos los Conceyos asturianos que vienen apostando nos últimos años por maneres de movilidá sostenible, fomentando l’usu de medios de tresporte individual y colectivu respetuosos col mediu ambiente, empuestos a ameyorar la movilidá piatonal, optimizar la movilidá dientro de les ciudaes y ameyorar tantu la calidá del aire como la salú de les persones. Y xustamente, nesta llínea punxéronse en marcha diverses, midíes ente otres, la construcción de carriles bici, adecuación de víes pal usu de la bicicleta, peatonalización de cais, más carriles Bus, y el Principáu d’Asturies creó’l consorciu de Tresportes y la creación y financiamientu d’infraestructures que beneficien el tresporte saludable. etc. Sigún la declaración, puede notase el creciente uso que los ciudadanos faen de la bicicleta, bien sía como vehículu de desplazamientu habitual o como preséu d’ociu. Y per otra parte ye claro y demostrao que l’usu de la bicicleta contribúi bien sía directamente sobre les persones o actuando sobre la so redolada a ameyorar la calidá de vida de les mesmes. La declaración de la Xunta fai fincapién tamién nel fechu de que la bicicleta ye un vehículu silenciosu, llimpiu, algamadizu y sostenible qu’ayuda a amenorgar los problemes del tráficu (conxestión, contaminación, etc.) y aumentar la calidá de vida y la sensación de bienestar. Y darréu d’ello,dende’l parlamentu quieren manifestar que: Ye necesario potenciar l’usu de la bicicleta, y que ello se produza en redolaes segures. Treslladar a les distintes instituciones implicaes la necesidá d’aumentar la promoción de la bicicleta como mediu de locomoción cotidianu, consolidando asina una cultura favorecedora del so usu. Fai falta trabayar en polítiques d’urbanismu diseñando espacios urbanos buscando la circulación segura de les bicicletes según la convivencia ente peatones, bicicletes y vehículos a motor. Ye necesari0 que dende les distintes alministraciones otorguen a les bicicletes la mesma esguila de valor y funcionalidad qu’a los otros medios de locomoción. Pa ello ye imprescindible: Amontar y ameyorar la rede d’itinerarios ciclistes y favorecer la interrellación colos otros usuarios de les víes. Impulsar polítiques de promoción del usu de la bicicleta. Poner en marcha programes d’información, educación y formación sobre l’usu compartíu de la vía pública y normes de seguridá vial. La Xunta Xeneral del Principáu espresa con esta declaración el so compromisu cola movilidá sostenible y la promoción de la bicicleta como mediu de tresporte llimpiu y saludable. 13 de setiembre, 2013 0 FacebookTwitterPinterestEmail
Conceyos Uviéu ya reconoz l’asturianu nel so Reglamentu by asturnet 12 de setiembre, 2013 El gobiernu del Conceyu d’Uviéu aprobó estos díes una modificación del so Reglamentu Orgánicu de Gobiernu y Alministración y de magar estos díes, tal y como diz agora’l testu: «tendráse por válido a tolos efectos l’usu del bable/asturianu nes comunicaciones orales o escrites de los ciudadanos». 12 de setiembre, 2013 0 FacebookTwitterPinterestEmail
Política Andecha Astur participa nel homenaxe d’El Mazucu by asturnet 12 de setiembre, 2013 Ente les organizaciones que vienen sofitando l’actu qu’entama tolos años por estes feches FAMYR n’El Mazucu, Andecha Astur vieno d’apautase esta selmana a esi actu d’homenaxe al exércitu asturianu que, “una vuelta independizáu de la República española, llantó cara al exércitu facista español n’El Mazucu”. L’actu, entamáu por FAMYR tendrá llugar esti sábadu 14 de setiembre de magar les 12 hores, nel Altu la Tornería, El Mazucu, Llanes, pa homenaxear “a los combatientes antifacistes del exércitu asturianu y tamién dellos vascos y de l’Asturies de Santillana, que llantaren cara al exércitu franquista y a la Llexón Condor, nuna de les batalles más heroiques”. 12 de setiembre, 2013 0 FacebookTwitterPinterestEmail
Patrimoniu Les escavaciones nel Picu L.lagüezos ufren nuevos restos d’orixe romanu by asturnet 12 de setiembre, 2013 Les escavaciones nel Picu L.lagüezos, en La Carisa, ufrieron estes selmanes nuevos restos d’orixe romanu no que podría ser el primer asentamientu de les lexones de Roma en territoriu d’Asturies. L’equipu de trabayu de campu ta encabezáu por Esperanza Martín y coordináu pol espertu Jorge Camino. Los espertos quieren saber si’l yacimientu tien de ver coles guerres ástur-cántabres y col campamentu de Curriel.los, qu’afayose nel añu 2001 a cinco quilómetro del llugar. Los trabayos van allargase delles selmanes, antes que l’iviernu togue trabayar en La Carisa pola so altitú. 12 de setiembre, 2013 0 FacebookTwitterPinterestEmail
Fiestes Los asturianos de Sao Paulo celebraron el Día d’Asturies by asturnet 12 de setiembre, 2013 La Coleutividá Asturiana de São Paulo, celebró’l pasáu domingu’l Día d’Asturies, cola so tradicional Romería, qu’anguaño llegó a la so 55ª edición. Aprovechando’l soleyeru dia, los asturianos residentes en São Paulo axuntar pa homenaxar a Ntra. Sra. de Cuadonga, patrona de la rexón, nes instalaciones del Llar Santa María, onde ta la cancha polideportiva Cuadonga, construída va años con ayuda del Principáu. La Santa Misa empecipió los actos de la Romeria, onde son recordaos socios y amigos de la coleutividá que finaron nel últimu añu. La homilía, ufiertada pol Padre Flávio, tuvo la presencia de pocu más d’un centenar y mediu de persones, y foi celebrada con un emocionáu y devotu interés pola coleutividá presente. Al términu de la misa, la imaxen de La Santina salió en procesión, al son de gaita y tambor, llegando al so altar d’onde presidió los festexos. El bollu-preñau y el vinu nun faltaron al alcuentru siendo distribuído mientres el día pa los amigos y socios. Tuvo presente en los festexos el Presidente del Conseyu de Residentes Españoles en São Paulo, Arturo Chao Maceiras, y esposa. La presidente de la Coleutividá Asturiana de São Paulo, Charo Concepción Fernández, estimó la presencia de toos y l’esfuerzu del equipu del Llar Santa María pol trabayu na preparación de la Romería. 12 de setiembre, 2013 0 FacebookTwitterPinterestEmail
Cine Cabranes acueye la proyección de “Bernabé” by asturnet 12 de setiembre, 2013 La Casa de la Cultura de Cabranes va acoyer esti vienres 13 de setiembre a les 20 hores la proección de “Bernabé” una película en llingua asturiana dirixida por Pablo Casanueva y protagonizada por Fernando Martínez. La película cuenta la historia de Bernabé Ruebes fugáu depués d’una engarradiella nel serviciu militar que lu condenó primero a cadena perpetua y depués a 30 años de cárcel, faciendo d’elli un mitu cunado s’echó al monte pa fuxir de la prisión. L’alcordanza del bandoleru y, sobremanera, de los atracos y asesinatos que cometió demientres tuvo fugáu tan tovía nel recuerdu de la xente mayor asturiano. 12 de setiembre, 2013 0 FacebookTwitterPinterestEmail
Música Patrulla Dixie lleva’l Dixieland a El Club Musical de TPA by asturnet 12 de setiembre, 2013 El programa de TPA El Club Musical (domingos a les 23:30 hores) tien esta selmana como convidaos al grupu Patrulla Dixie. El capítulu númberu 10 desti espaciu protagonízalu una banda mui particular nel panorama musical asturianu, una formación con ocho componentes procedentes de dellos llugares dAsturies, namoraos del soníu del jazz primitivu del Nueva Orleans de los años venti. El dixieland ye la base de la so música, un jazz arcaicu, desnudu y baillable que nació a principios del sieglu pasáu y que taba presente en celebraciones, bailles y funerales. Con esi espíritu preséntense Patrulla Dixie, una propuesta versátil cola quactúen nescenarios, desfiles pela cai, bodes y locales de tou tipu. Instrumentalmente siguen les pautes daquelles primixenies agrupaciones conocíes como «marching bands», con guitarra y banjo nes cuerdes, percusión y una sección de vientu potente. Na primavera desti añu publicaben el so primer discu, incluyendo estándares del dixieland a los quellos aporten la so visión particular. Como complementu a lactuación y la entrevista, nesti capítulu la recomendación bibliográfica ta dedicada al cómic tituláu Moonlight Blues, que tien como protagonista a un músicu de jazz nel Nueva York de los años 40. 12 de setiembre, 2013 0 FacebookTwitterPinterestEmail
Música Korvera Bailla: HipHop pala fin de selmana by asturnet 12 de setiembre, 2013 La fiesta electrónica “Korvera Suena”, enmarcada nel programa municipal va celebrase esta fin de selmana nel anfiteatru del parque Europa de Les Vegues, al pie de El Llar. La conceyala de Cultura, Patricia Álvarez, y el presidente de la entidá organizadora, Sergio Fernández, presentaron el pasáu miércoles una actividá que preve axuntar a cientos de moces de la contorna. Les sesiones van empezar a los seis de la tarde colos hiphoperos de «LHDF» que van compartir les tables con «Magu y Caso Aparte». Tamién va haber momentos pa la improvisación y les rimas «free style». El gruesu de la fiesta de «Korvera Suena» va llegar a les nueve de la nueche cuando los platos de los djs empiecen a sonar nel parque Europa. Va Llegar entós la vez de Xagó, un «pincha» del barriu avilesín d’El Pozón, del corveranu Keko Fernández, del avilesín «Leenosh», de «Kika Rodríguez» y del llenizu David Mallada, unu de los clásicos del «Korvera Bailla» y, de la mesma, unu de los Dj meyor valoraos del país. 12 de setiembre, 2013 0 FacebookTwitterPinterestEmail
Educación La UABRA fai entrega de los diplomes de los cursos 2013 by asturnet 12 de setiembre, 2013 El Rector de la Universidá dUviéu, la Presidenta de lAcademia de la Llingua Asturiana, lAlcalde de Cangas del Narcea y la Direutora Xeneral de Política Llingüística van pesllar esti xueves oficialmentel programa dactividaes de la Universidá Asturiana de Branu (UABRA). Lactu sedrá esti xueves 12 de setiembre, a les 19 hores, nel Paraninfu de la Universidá dUviéu, allugáu na cai San Francisco y va cuntar, como otros años cola participación del Rector de la Universidá que lleerá so discursu n’asturianu. Nos cursos participaron más dun centenar de persones nos niveles que simpartieron: Cursu Elemental de Llingua Asturiana, Cursu Avanzáu de Llingua Asturiana, los Cursos dAfondamientu Cultural y Llingüísticu Capacitación pa la Traducción al Asturianu, Xuegos y tradiciones populares asturianes, Escuela y anovaciones nInternet, El Navia-Eo: espacio, cultura y futuro, Xestióon cultural nAsturies: xestionando llingües y cultures, Asturies y la so historia recién: dende la Transición hasta güei y la primer fase del Curso de Capacitación en Gallego-Asturiano. A lo llargo del actu, que se fairá dafechu nasturianu, intervendrán la Presidenta de lAcademia, Dña. Ana Mª Cano González, lAlcalde de Cangas del Narcea, D. José Luis Fontaniella, la Direutora Xeneral de política Llingüística, Dña. Ana Mª Fueyo Llaneza y el Rector de la Universidá dUviéu, D. Vicente Gotor. 12 de setiembre, 2013 0 FacebookTwitterPinterestEmail