Educación IX refuga la privatización de la xestión de la FICYT y reclama un impulsu a la conocencia by asturnet 20 de setiembre, 2013 El coordinador d’IX, Manuel González Orviz, refugó güei la privatización de la xestión de la Fundación pal Fomentu n’Asturies de la Investigación Científica Aplicada y la Tecnoloxía (FICYT) y pidió que se pare esta llocura de retayos y de baltadera del Estáu del Bienestar. Quieren llevanos al sieglu XIX y a esto del qu’inventen ellos. El máximu responsable d’Izquierda Xunida, recordó que l’oxetivu fundacional de la FICYT ye la promoción y la tresferencia de la conocencia daqué lóxicu yá que dixo, la conocencia ye en sí mesmu, desenvolvimientu de la riqueza y actividá económica, y repito, en sí mesmu y polo que ye capaz de xenerar. Pal líder de la formación, la privatización de la xestión d’esta fundación inscribese nun procesu xeneral yá empecipiáu pol Gobiernu Central y que, agora, secunda l’asturianu, que’l so fin últimu ye facer sumir del campu propio de les alministraciones públiques la investigación científica y técnica. Lo que se precisa, según el coordinador d’IX, ye un impulsu públicu a la conocencia y a l’actividá económica. Midíes como ésta, que van contra la investigación científico y técnico, contra la conocencia, aseguró, terminen emprobeciéndonos entá más. 20 de setiembre, 2013 0 FacebookTwitterPinterestEmail
Sociedá Antonio Garrigues recibió’l Premiu Internacional d’Ensayu Xovellanos by asturnet 20 de setiembre, 2013 Antonio Garrigues Walker recibe mañana’l Premiu Internacional d’Ensayu Xovellanos 2013 pola so obra España, les otres transiciones que’l xuráu del premiu escoyó polos sos lúcidas reflexones sobre un períodu crucial de la España del nuesu tiempu, mientres la segunda metá del sieglu XX, del que foi testigu y parte destacáu; reflexones realizaes dende una posición coherente y genuinamente lliberal. Na entrega del premiu, la figura del premiáu foi glosada por Pelayo García Cervero, Director Xeneral del Grupu editorial Paraninfo. 20 de setiembre, 2013 0 FacebookTwitterPinterestEmail
Política L’APD presentase na sociedá asturiana en xunta col Presidente by asturnet 19 de setiembre, 2013 El presidente d’Asturies, el socialista Javier Fernández, recibió esti día a una delegación de l’Asociación pal Progresu de la Dirección (APD), col so presidente estatal, Rafael Miranda, a la cabeza y col so presidente n’Asturies, Pablo Junceda, como representante cimeru asturianu. L’APD reclama pa sí ser el “filu conductor” ente empresarios y directivos pa llograr que la economía asturiana aporte darréu al desenvolvimientu del nuevu ciclu económicu alcista. Según desplicaron los directivos tres de la xunta, APD n’Asturies quier ser un foru d’alderique, pa compartir idegues nel ámbitu empresarial: “Tamos, como foru abiertu, encantaos de collaborar con toles instituciones asturianes del ámbitu empresarial, social ya institucional”, dixeron a los periodistes los sos represetantes” La direutiva d’APD estatal y la d’Asturies convidaron a Javier Fernández a participar activamente cola asociación nel primer actu importante que van facer n’Asturies dientro dos selmanes, sobre la reforma alministrativa. 19 de setiembre, 2013 0 FacebookTwitterPinterestEmail
Política Andecha Astur fai una valoración positiva del manifestamientu xunitariu by asturnet 19 de setiembre, 2013 Andecha Astur fai una valoración positiva del manifestamientu xunitariu rializáu nel Díi de la Nación Asturiana, camentando que, dixebradamente del resultáu cuantitativu del mesmu, supón un avance cualitativu na dinámica del nacionalismu asturianu, que por una vegada foi a superar vieyes zunes seutaries y poner per delantre los intreses del Pueblu Asturianu. Dende Andecha Astur considérase questi primer pasu tien que dir seguíu dotros mayores, afondándose nesa dinámica de xunidá daición y avanzando haza lo que tien de ser una Mesa Nacional na que puean tar representaes toles organizaciones sociales quasumen comu principiu la lliberación nacional y social del Pueblu Asturianu, y que sirva pa intercambiar opiniones, xenerar dinámiques dactuación y xuncir esfuercios, aumentando la capacidá de reaición y rempuesta de la sociedá asturiana frente a les contines agresiones del Estáu español. 19 de setiembre, 2013 0 FacebookTwitterPinterestEmail
Fiestes El día d’América n’Asturies tresllada Uviéu a un pasáu que paez presente by asturnet 19 de setiembre, 2013 Más de 2.500 persones desfilaben esta tarde de xueves peles cais d’uviéu pa poer adornar unu de los eventos más tradicionales de les fiestes de San mateo: El Día d’América n’Asturies. Un pasacais teatralizáucon más de cuarenta actores que fain emulaciones de la emigración asturiana a América de los años de la fame. Per primer vegada en 63 ediciones, el públicu puede ver esta vegada desfilar dos autobuses asemeyaos a los que s’emplegaren nes celebraciones futbolístiques, decoraos n’homenaxe a Brasil y a Tampa, la ciudá de Florida hermanada con Uviéu. La cantante de tonada que ñaciere n’Arxentina y fía d’emigrantes asturianos pero casina dafechu, Anabel Santiago, desfilaba amás cantando, mentantu Tina Gutiérrez ponía voz a los grandes clásicos cubanos acompañada pela banda Cubanacán. Y un grupu nuevu de rock, Queen Bitch, diba xubíu a un xarré pa poner el contrapuntu al restu del espectáculu, nuna estampa bien nidia de l’Asturies del pasáu que, visto lo visto, bien se parez a la d’anguaño 19 de setiembre, 2013 0 FacebookTwitterPinterestEmail
Fiestes La Fiesta de la bicicleta pieslla la Selmana de la Movilidá by asturnet 19 de setiembre, 2013 Un añu más va facese la fiesta de la bicicleta de les fiestes de San Mateo, pesllando con ella esti añu la Selmana de la Movilidá qu’entamara’l llunes n’Uvéu y Xixón. En Xixón, les xornaes de la Selmana de la Movilidá incluyeron visites escolares a les cocheres de Emtusa y actividaes d’educación vial nel Parchís. Y Amás, y de manera esperimental, los ciclistes van tener a la so disposición un carril bici nel Muriu, dende la ponte del Piles al Conceyu, pa testar una nueva fórmula de convivencia. Esti sábadu hay tamién cursos de nivel 0 y nivel 1 pa adreprender a andar en bici, tanto n’Uviéu a partir de les 12, na Esquina de Toreno cola Cai Uría, como en Xixón, alrodiu la Plaza’l Parchis. La fiesta de la bicicleta n’Uviéu entamará’l domingu a les 11 de la mañana, con una concentración de bicis qu’apartir de les 13,30 fadrán el siguiente percorríu: Plaza de los Ferroviarios(La Losa), Avenida Príncipe de Asturias, Cl. Samuel Sánchez, Cl. Marcelino Suárez, Cl. Vázquez de Mella, Plaza de Gabino Díaz Merchán, Paseo de la Florida, Paseo de la Florida, Cl. Manuel del Fresno, Cl. Vázquez de Mella,. Cl. Marcelino Suárez, Avenida de Colón, Cl. Real Oviedo, Avda. de Galicia, Cl. Santa Susana, Cl. Marqués de Santa Cruz, Cl. Uría, Cl. Argüelles, Cl. Jovellanos, Cl. Azcárraga, Cl. Tenderina, Cl. Siero, Cl. Noreña, Cl Rio Sella, Cl. Rio Eo, Avenida de Atenas, Avenida del Cantábrico, Cl Jesús Sáenz de Miera, Cl Pepe Cosmen, Avenida de Santander, Cl. Independencia, Avenida Príncipe de Asturias, Plaza de los Ferroviarios(La Losa). Hora de salida: 11:00h (concentracion) 11:30h (salida) 19 de setiembre, 2013 0 FacebookTwitterPinterestEmail
Lliteratura La Vagamar lliteraria de Xixón entama na final d’esti mes y desendolcará sos actividaes hasta metanes Payares by asturnet 19 de setiembre, 2013 L’Asociación L’Arribada, la Vagamar Llliteraria xixonesa, asoleyó esti día dalgunos aspeutos del programa de La Vagamar 2013. Esta edición de L’Arribada, xornaes culturales que ñacieron en 2006 y vienen desenvolviéndose dende entós ininterrumpidamente, entama’l vienres 27 de setiembre con un homenaxe a Seamus Heaney, a les siete de la tarde, nel Centru de Cultura Antiguu Institutu de Xixón. Falaráse de Seamus Heaney y Asturies, habrá llectura cívica y piesllará con un conciertu de raviola astúrica por Mento Hevia y l’actuación de la Coral Asturiana de Xixón. L’actu instiutucional d’inauguración va ser el sábadu 28, nel mesmu llugar a les 18:30 hores, pa entregase media hora depués los Premios Timón 2013, colos gallardones a los escritores Miguel Rojo y Gonzalo Suárez y a lAsociación Cultural Ensame Sidreru. >p>L’actuación de la la Coral Polifónica Anselmo Solar piesllará la entrega. La programación del día 28 piesllase les 20:00 hores cola representación de la obra Llazaro de Tormes por Carlos Alba ‘Cellero’. Web cola programación de l’Arribada que dirá actualizándose 19 de setiembre, 2013 0 FacebookTwitterPinterestEmail
Música Homenaxe al gaiteru Maximino García Costiella nel Nalón by asturnet 19 de setiembre, 2013 L’Asociación del Cantar y el Folclor Abargane del Nalón entama una Gala d’Asturianía, Homenaxe al gaiteru Maximino García Costiella y a los intérpretes de cantar asturianu: Jeremías Cuello González y Graciano Fernández Velasco Cholín .Esti actu va tener llugar el próximu sábadu 21 de setiembre a partir de los siete de la tarde nel Teatru Municipal de Samartín del Rei Aurelio en Sotrondio. L’Asociación del Cantar y el Folclor Abargane del Nalón quier d’esta manera faer pública reconocencia al llabor d’estos trés veteranos músicos como intérpretes y como promotores y difusores de la música tradicional asturiana.Pa ello axuntó a un gran númberu de cantantes y músicos de toa Asturies que van acompañar a Jeremías Pescuezu, Graciano Fernández y Maximino García nel escenariu. Na Gala Homenaxe van actuar los cantantes: Hermógenes Fernández de Rondera ,Sama; Pilar Barreñada de Blimea, Mariceli Fernández de Tudela de Veguín, Laudelina Hortal d’Amieva, Juanjo Martínez de La Noal, L’Apurro; Raul Díaz de La Armendite, Alberto de Dios de Tablao, Siero;Carlos Ronderos de Sama, Arturo Cortina d’El Apurro, Damián Blanco de Blimea, Francisco Queipo de Mieres, Juan Luís Llobu de Nembra, Ayer; Lolo de Carcarosa, Turón, Aquilino Fernández de Rondera, Sama; José Manuel Collada de Aborboyar,Llanes y MªCarmen Vázquez de Mieres. Los gaiteros: Héctor Pescuezu d’El Apurro, Berto Banielles de Xixón, VicenteEl Pravianu de Viella, Siero; Liseo de Carabanzo, Daniel de Insierto, Mieres; Víctor Manuel Álvarez Popi de Xixón y Jorge Areces de Mieres. Los Tamboriteros: Andresín de Insierto, Mieres y Joaquín Areces de Siero. Y l’acordionista Alejandro de Mieres. La entrada al actu ye gratuita hasta completar aforu. 19 de setiembre, 2013 0 FacebookTwitterPinterestEmail
Educación SUATEA y CSI denuncien otra vuelta los erros informáticos na alxudicación de places d’interinos na educacióna sturiana by asturnet 19 de setiembre, 2013 Dende SUATEA vienen acabante denunciar otra vuelta la esistencia de casos de docentes afeutaos polos erros de la plataforma informática pa la petición de destinos, problemática que, según anuncien, ye probable qu’ameste más persones afeutaes nunfuturu cercanu. El sindicatu educatiu diz tar trabayando pa que dende la Conseyería y los representantes políticos de la Xunta Xeneral s’actúe, iguando una situación que conderga al paru dafechu a munchos docentes por causes totalmente ayenes a ellos. Amás, treslladen la voluntá de siguir coles concentraciones y otres aiciones de protesta demientres se caltenga’l problema. Pel so lláu, CSI-Educación tamién amosó’l sofitu a los afeutaos, al tiempu que denuncia que la Conseyería “aportuna en culpar al profesoráu afectáu de realizar mal la xestión pero nun ufierta nenguna prueba que demuestre tala afirmación. 19 de setiembre, 2013 0 FacebookTwitterPinterestEmail
Educación Terremotu nel sector de la investigación asturianu cola decisión del gobiernu de privatizar la xestión de la FICYT by asturnet 19 de setiembre, 2013 L’anuncia que ficiera esti martes el director xeneral d’Economía ya Innovación del Principáu d’Asturies, Gonzalo Pescador, de que’l Gobiernu del Principáu tien previstu sacar a concursu la xestión de la Fundación pal Fomentu n’Asturies de la Investigación Científica Aplicada y la Tecnoloxía (Ficyt), ta xenerando un terremotu nel sector investigador d’Asturies cola política d’innovación como tresfondu. El dirixente asturianu compareció na comisión d’Economía y Empléu de la Xunta Xeneral del Principáu d’Asturies pa informar sobre les polítiques d’I+D+i a desenvolver pol Conseyu de Gobiernu. D’esta forma, la compañía que gane’l concursu convocáu pola Conseyería va ser la encargada de “xestionar toles actividaes de Ficyt”. Pescador manifestó que dieron “munches vueltes” a esti asuntu y dixo que l’oxetivu ye “ameyorar la eficiencia”. L’oxetu fundacional de Ficyt ye promover, incentivar y promocionar les actividaes empobinaes a la investigación científica aplicada en tolos aspeutos de la vida económico y social que puedan contribuyir al desenvolvimientu y meyoramientu de les condiciones de vida de la comunidá asturiana. Constituyóse’l día 13 de febreru de 1984 como Fundación Cultural Quitada ensin ánimu d’arriquecimientu. Empresta servicios d’información sobre programes d’I+D+I rexonales, nacionales y europeos, garrasti a la preparación de propuestes, ayuda na busca de socios pa les propuestes y espubliza oportunidaes tecnolóxiques. 19 de setiembre, 2013 0 FacebookTwitterPinterestEmail