Lliteratura Sergio Buelga Casas gana’l Concursu de Narraciones Curties Conceyu Llaviana by asturnet 13 d'avientu, 2013 El XII Concursu de Narraciones Curties Conceyu Llaviana, entamáu pola Oficina de Normalización Llingüística, yá tien ganadores. El xuráu, formáu por María García Fernández, Constantino Manuel Blanco González, Pablo Xuan Manzano Rodríguez, y Mónica Rodríguez Riesgo, decidió dar el primer premiu, dotáu con 400 euros, a Sergio Buelga Casas pol rellatu El cachu pan; el segundu premiu, dotáu con 150 euros, correspondió a Yose Álvarez-Mesa pola narración Onde Mundu. 13 d'avientu, 2013 0 FacebookTwitterPinterestEmail
Lliteratura Pilar Sánchez Vicente presenta n’Uviéu la so nueva novela by asturnet 13 d'avientu, 2013 Esti p´roximu miércoles 18 d’avientu, a les 19.,30 hores, na cafetería Rei Castu del Hotel Reconquista d’Uviéu, va tpresentase la que ye la quinta novela de Pilar Sánchez Vicente, “Luciérnagas en la memoria”, nun actu nel que va intervenir, amás de l’autora, Rubén Vega García, doctor n’Hestoria Contemporanea y especialista en Memoria Histórica. Na presentación proyectaráse’l vídeu tráiler que pon banda sonora a la novela. “Luciérnagas en la memoria” ye un periplu al traviés de la hestoria de dos estaos, España y Arxentina, al traviés d’Asturies y Tucumán, xuníes al traviés de los protagonistes: dos hermanos tráxicamente separtaos pola Guerra Civil. 13 d'avientu, 2013 0 FacebookTwitterPinterestEmail
Cine by asturnet 13 d'avientu, 2013 El primer Casa nunca Blanca llanzamientos de Festival de cine del Estudiante güei y ye abiertu a estudiantes d’EE.XX., graos K-12. Tamos preguntar pa contestar estes cuestiones grandes: Qué ye la vuesa hestoria d’educación & qué fai la tecnoloxía y la conectividad cabíes a cómo apriendes n’escolar o pola to cuenta? Cómo imaxines la tecnoloxía va camudar la esperiencia educativa pa neños nel futuru? Les películes pueden ser curties de fechu 3 partes cimeros de minutos. Les selecciones oficiales van ser presentaes nel sitiu web de Casa Blanco, y compartíu al traviés del mundu en sitios de Casa Blanca y cuentes de medios de comunicación sociales oficiales. Ello ye que si escoyíu, puedes tener una posibilidá d’atender la película fest tu na Casa Blanca. A puntu de mano? Comprobar la nuesa páxina oficial en WhiteHouse.Gov/FilmFest — Ónde puedes aprender más, lleíu les riegles oficiales, ver cómo p’apurrir el vuesu vídeu, y oyer de Bill Nye (el Tipu de Ciencia). Y si yes un padre, guardian, o profesor, marca seguro estendisti la palabra a neños con idees grandes! Nun podemos esperar pa ver lo que fexes. Equí ye detalles más importantes tendríes que saber: –Cada entrada d’estudiante tien que tener un padre/guardian o patrocinador de profesor. –Les películes pueden ser apurríes agora al traviés de xineru 29.º, 2014. –Si’l vuesu vídeu ta escoyíu como una selección oficial, podríes tener una posibilidá d’atender el mid-esploración de febreru na Casa Blanca. Lleíu les riegles completes (y apurrir el vuesu vídeu!) En WhiteHouse.Gov/FilmFest 13 d'avientu, 2013 0 FacebookTwitterPinterestEmail
Música Entamen los tramites pa declarar Bien d’Interés Cultural a la Tonada by asturnet 13 d'avientu, 2013 El Plenu del Conseyu de Patrimoniu Cultural dAsturies alcordó esti día entamar los trámites pa poder declarar la tonada como Bien dInterés Cultural (BIC) col enfotu de que la canción asturiana puea cuntar con reconocimientu públicu y un grau mayor de proteición. El Conseyu de Patrimoniu Cultural dAsturies, presidíu pola conseyera de Cultura Ana González, analizó nesta xunta 18 propuestes de proteición patrimonial, ente elles el de la tonada asturiana por considerala la manifestación actual más destacada de la cultura musical asturiana, con figures como “el Maragato, la Busdonga, los Cuatro Ases d’Uviéu (Cuchichi, Claverol, Miranda y Botón), Quin el Pescador, Xuaco de Sama, Juanín de Mieres, El Presi, Silvino Argüelles, José Noriega, Orestes Martínez, Diamantina Rodríguez o Mariluz Cristóbal Caunedo”, 13 d'avientu, 2013 0 FacebookTwitterPinterestEmail
Mundu La Casa Blanca entama’l Primer Film Festival pa neños by asturnet 13 d'avientu, 2013 El primer Festival de cine pa Estudiantes de la Casa Blanca que se llanzó nos caberos díes de Payares ye la primer esperiencia participativa que fai’l Gobiernu Obama pa alitar la participación cola institución, nesti casu ente los neños de guardería a la ESO. Los estudiantes tán animaos p’apurrir vídeosde trés minutos (y más curtios entá) que falen del poder de la tecnoloxía nes sos escueles. Un garapiellu de miembros del staff de la Casa Blanca va sirvir de xuráu y va escoyer finalistes y ganadores preliminares. Los trabayos van ser puntuaos en creatividá, orixinalidá y calidá técnica. Los finalistes van ser convidaos a esponer los sos trabayos na Casa Blanca, y les sos entraes van ser posteaes nel so sitiu web. Los organizadores de festival ufiertaron dellos temes que les películes y los vídeos podríen entamar, incluyendo’l papel que la tecnoloxía va xugar na educación nel futuru, y la creatividá de la tecnoloxía, realzar el pensamientu críticu, etc.. La participación ta abierta hasta’l 29 de Xineru de 2014 y pídese-yos a los neños y neñes que col sofitu del profesoráu preparen ún sólo vídeu por caún y que lu suban a la web de la Casa Blanca. 13 d'avientu, 2013 0 FacebookTwitterPinterestEmail
Comunicación Territoriu Sidreru de TPA visita’l Llagar J.Tomás en Villaviciosa by asturnet 12 d'avientu, 2013 Esti domingu a les 15 hores en TPA y a les 16 n’A8 emitirase’l tercer capítulu de Territoriu Sidreru, el nuevu apueste de la TPA dientro la programación en llingua asturiana qu’entamara so primer temporada el primer domingu d’esti mes d’Avientu. Nesti capítulu de Territoriu Sidreru y de la mano dInaciu Galán, el programa de la TPA llega al Llagar J. Tomás, en Villaviciosa. NAvilés entrevisten a unu de los coleccionistes detiquetes con más etiquetes atropaes. El programa visita lambiente folixeru del chigre La Ballera, en Villaviciosa, onde la música de la gaita acompaña a los veceros ente culín y culín. Amás, avérase a la celebración de la Primer Sidre lAñu, que cada añu axunta a llagareros y entendíos en sidra pa prebar la primer sidre de la temporada, celebrando amás una bayurosa ufierta dactividaes culturaes. En ¿Sabíes qué? falen nesta ocasión de los tipos de llagares y como en cada programa, Fernán Gonzali Llechosa deprende al telespectador pallabres sidreres na so microsección La pallabra sidrera. 12 d'avientu, 2013 0 FacebookTwitterPinterestEmail
Lliteratura La Sala Cornión de Xixón presenta “Pincelaes” d’Iris Díaz Trancho by asturnet 12 d'avientu, 2013 La llibrería-galería xixonesa Cornión va ser l’escenariu esti vienres de la presentación del llibru Pincelaes, dIris Díaz Trancho. Amás, al mesmu tiempu que de la inauguración d’una esposición coles ilustraciones de Miguel Pérez Iñesta pa esta obra que vieno acabante asoleyar Ediciones Trabe. Pincelaes tien el so orixe nel espaciu de mesmu nome del programa de RPA Paraísu Natural protagonizáu por Díaz Trancho ente los años 2008 y 2009, nel que la profesora y escritora xixonesa fizo venti pincelaes de dellos llugares del mundu, al traviés de referencies históriques y culturales, como Valparaíso, que se recuperen agora de la mano dEsther García, editora de Trabe, correxíos y ameyoraos, como un cuadernu de viaxes. La presentación va desenvolvese esti vienres 13 d’Avientu, a les 19 hores, na Llibrería-galería Cornión, na cai La Mercé númberu 45, y l’actu va presentalu’l tamién profesor y escritor Pablo Texón. 12 d'avientu, 2013 0 FacebookTwitterPinterestEmail
Escéniques FETEN 2014 trai 70 compañíes de 7 países a Xixión by asturnet 12 d'avientu, 2013 Setenta compañíes procedentes de siete países van amosar los sos últimos espectáculos na ventitrés edición de FETEN 2014, na que van ser en total ocho los espectáculo a estrenar nel marcu d’esta Feria Europea d’Artes escéniques pa Neños y Neñes de Xixón, FETEN, que va tener llugar ente los díes 16 y 21 de febreru de 2014. Compañíes procedentes d’Arxentina, Bélxica, Francia, Gran Bretaña, Holanda, Italia y de 15 comunidaes autónomes del nuesu país van protagonizar un alcuentru escénicu que, dirixíu a los más pequenos, va ufiertar alredor de 150 representaciones. Dancia, ópera, teatru d’actores, títeres y oxetos, maxa, espectáculos musicales, circu, clown o adaptaciones de cuentos, ente otres disciplines, van protagonizar la programación de la cita escénica asturiana, consolidada como unu de los principales alcuentros pal analís, la reflexón y conversación ente profesionales del sector escénicu. La Feria Europea d’Artes Escéniques pa Neños y Neñes de Xixón, FETEN 2014, que va celebrar so ventitrés edición ente los díes 16 y 21 de febreru del próximu añu, va cuntar cola participación de setenta compañíes nacionales ya internacionales que van amosar na ciudá asturiana les sos últimes producciones escéniques, dirixíes a la infancia. Los distintos escenarios oficiales de la Feria van acoyer alredor de 150 representaciones de la mano de compañíes procedentes d’España, Arxentina, Bélxica, Francia, Gran Bretaña, Holanda ya Italia. Ente tolos trabayos, destaquen los ocho estrenos absolutos que la organización incluyó na programación de la nueva edición. Consolidáu como un alcuentru de referencia y de xunta pa los numberosos programadores, distribuidores y ceadores qu’alleguen a Xixón mientres estes feches, FETEN 2014 va sirvir a toos estos profesionales p’analizar los nuevos enclinos creativos y trabayar pa impulsar un mercáu cultural que fortaleza’l sector, frente a les dificultaes de sostenibilidá de les artes escéniques. Amás de cuntar con una importante presencia internacional, la Feria Europea d’Artes Escéniques pa Neños y Neñes escoyó los espectáculos de compañíes procedentes de 15 comunidaes autónomes del nuesu país. Les casi 150 representaciones, creaes a partir de diverses disciplines artístiques, como la danza, los títeres y oxetos, la música, el circu o la maxa, ente munches otres, van tener llugar nos distintos escenarios oficiales de la Feria y en delles de les cais y places más emblemátiques de Xixón. Como yá ye habitual, les compañíes escoyíes ente los más de 500 trabayos presentaos, van optar a los premios al Meyor Espectáculu, Meyor Dirección, Meyor Interpretaciones Masculina y Femenina, Meyor Testu, Meyor Escenografía y Meyor Vestuariu y Caracterización. Amás, ocho compañíes españoles van amosar demientres FETEN 2014 los sos espectáculos empobinaos a los más pequenos en calidá d’estrenos absolutos. Ye’l casu de la compañía andaluza Ariane Proyectos Culturales, qu’acaba de producir El elefante ocupó la catedral o de la formación asturiana Factoría Norte que va presentar l’espectáculu de cai Llumeru. Pela so parte, los castellanu-lleoneses Teloncillo Teatru, qu’apocayá llograben el Premiu Nacional d’Artes Escéniques pa la Infancia y la Mocedá, recalen en Xixón con una nueva producción de pequenu formatu, Nidos; ente que los cántabros La Machina Teatru van ufiertar en primicia El niño puercospín. Los valencianos Ibañez & Payá y La Pavana Compañía de Teatre van poner n’escena Dong Dong Quixote y El hombre invisible, respectivamente. Completen l’apartáu d’estrenos les compañíes de Marina Bollaín (Madrid) y Marie de Jongh (País Vascu) que van llevar a los escenarios de Xixón el musical El Duende Calcetín y el montaxe de títeres y actores Kibubu. La Feria Europea d’Artes Escéniques pa Neños y Neñes de Xixón, FETEN, ta entamada pola Fundación Municipal de Cultura, Educación y Universidá Popular y el Conceyu de Xixón y cuenta, ente otros, col patrociniu del Institutu Nacional de les Artes Escéniques y de la Música del Ministeriu de Cultura (INAEM), la Conseyería d’Educación, Cultura y Deporte del Principáu d’Asturies y Liberbank. 12 d'avientu, 2013 0 FacebookTwitterPinterestEmail
Sociedá La Xunta pola Defensa de la Llingua premia a Caudalia y a la editorial Bruño pol so apueste pol asturianu by asturnet 12 d'avientu, 2013 La Xunta pola Defensa la Llingua Asturiana acaba de dar a conocer los ganadores de los Premios Andrés Solar na so XXIX edición. Nesta ocasión, el Pegollu foi pa la Editorial Bruño y pal Centru Comercial Caudalia. El Madreñazu foi pa Paradores de Turismu, mentantu que la Madreña de Purpurina d’esti añu foi pa Paradores de Turismu por nun respetar la toponimia oficial. La Xunta pola Defensa la Llingua Asturiana acaba de dar a conocer los ganadores de los Premios Andrés Solar na so XXIX edición. Nesta ocasión, el Pegollu foi pa la Editorial Bruño y pal Centru Comercial Caudalia. El Madreñazu foi pa Paradores de Turismu, Los Premios Andrés Solar tienen una vertiente doble: per un llau, la Xunta premia a una entidá o persona que rescamplara nel últimu añu pol so llabor en defensa o promoción del asturianu. Esti reconocimientu materialízase nel Pegollu, que nesta ocasión quier reconocer la edición, distribución y promoción de la última entrega del cómic Astérix, Astérix na tierra los Pictos, de la editorial Bruño, que fixo qua lo llargo d’unos díes una producción cultural n’asturianu pudiera visibilizase en condiciones digualdá en toles llibreríes dAsturies. De la mesma manera, esti premiu tamién reconoz al Centru Comercial Caudalia, asitiáu en La Vega Santuyano (Mieres), que vien promoviendo campañes publicitaries nestos dos últimos años onde l’asturianu ye la llingua vehicular de tol material impreso que se reparte ente los clientes. Los Premios Andrés Solar tienen tamién una versión negativa, que pon n’evidencia la persona o entidá que rescamplara pol so llabor negativu pa cola llingua asturiana. Esti honor duldosu represéntase con un Madreñazu, que na edición del 2013 va pa Paradores de Turismo S. A., entidá de capital público que sistemáticamente niégase a contestar tolos requerimientos fechos pa que respete la toponimia oficial nos sos establecimientos d’Asturies, como son los casos de Xixón, Courias o Cangues dOnís. La entrega de los Premios va facesel sábadu 21 davientu, a les 19:30 hores, nel Salón dActos del Antiguu Institutu de Xixón. La actuación musical va ser de Mapi Quintana y Elías García. Tamién, como tolos años, depués del actu va haber una espicha nel chigre xixonés Canteli y la entrada val 20 euros. Pa dir, hai quacutar sitiu, y pa eso hai que llamar al 985229553 o mandar un mail a infoarrobaexunta.org primero desti miércoles 18 davientu. 12 d'avientu, 2013 0 FacebookTwitterPinterestEmail
Mundu El Partíu de la Izquierda Europea empecipia’l so IV Congresu onde 33 partíos falen de la refundación d’Europa by asturnet 12 d'avientu, 2013 El partíu de la Izquierda Europea (PIE) empecipia mañana’l so IV Congresu onde 33 formaciones van aldericar sobre les alternatives pa refundar Europa y onde como diz la vicepresidenta del PIE, Maite Mola, van definir alternatives frente a una socialdemocracia europea que, como n’Alemaña, apautase pa consolidar les polítiques de Angela Mérkel”. El Partíu de la Izquierda Europea (PIE) celebra a partir de mañana y demientres tola fin de selmana’l IV Congresu d’esta formación onde representantes d’un total de 33 formaciones (26 partíos miembros y 7 observadores) de la izquierda alternativa de toa Europa van aldericar sobre qué alternatives son necesaries pa refundar Europa, cola vista puesta en gran midida nes Elecciones Europees de 2014. Izquierda Xunida, el Partíu Comunista d’España (PCE) y Esquerra Uunida i Alternativa (EUiA) integren la representación estatal, amás d’otres fuerces como Syriza (Grecia), Die Linke (Alemaña) o’l Front de Gauche (Francia). El congresu clausurase’l domingu cola elección de la so nueva dirección y va cuntar cola participación de 300 delegaos de tolos partíos integrantes del PIE, según una amplia llista d’invitaos, ente los que s’inclúin movimientos sociales y sindicatos. Ente estos postreros, van participar los dos líderes de la Confederación Europea de Sindicatos (CES), Ignacio Fernández Toxo y Bernadette Ségol. 12 d'avientu, 2013 0 FacebookTwitterPinterestEmail